Popular Bible Verses from Lukâs 4

શેર કરો

“Zwày kə Mwe ə̀ Mbyi kiy də azoŋə̀ mìə̀, aŋwòə ù mə mìə̀ sây na nə̀ mə naʼà ntwùm ìdzòŋə̀ yìy awò àghè à la yiy. U twum miə nə̀ mə naʼà awò àghě ndàw ntsaʼ nə̀ ghu kî fìy fyiə ŋwò ə ghu. U twum sòʼò mìə̀ nə̀ mə dzây yə̂ awò aghê fɛbə a ghu nə̀ soŋə fiy mə kpe awò ghu ani kòʼ tə̀loʼo, U mə twum sòʼò miə nə̀ mə fây ŋwô fyi bə̂ àghù yə̀ ghu fyaʼa anə awo ghù yə̀ ghu dzwəə nəniy nə̀ ghu U twum sòʼò mìə̀ nə̀ mə naʼà yə̂ awò àghù yìy a ghu nə̀, à yù də̀ ŋə̂m kə̀ Mwe ə̀ Mbyi dě nəniy fòŋ ə̀ we ìdzòŋə̀ yìy â ŋgàŋ.”

Yesù ə bə̀lì kə nə̀, “I twâ dòʼò anə ŋwàʼà k-a-zə̀ nə̀, ‘Ghà kwu ani fwùlì yə̀ kə Mwe ə̀ mbyi Zə̀ kəli, fàʼà yə̀ sòʼò â we kə.’”

Yesù ə bə̀lì yə̀ we nə̀, “I twâ dòʼò anə ŋwàʼà k-a-zə̀ nə̀, ‘À kaʼi wày təŋ dzə kəba kə zəŋə wù nə̀ ù si muə.’ ”

Abù Yesù dzwoŋi ŋwô bə̂ anə dzwì Dzudàn nə̀ Zwàykə̀zwekiy də azoŋə̀ we, Zwàykə̀zwekiy nìy zù nə̀ we a mbvə̀n ə̀ kə̀sisi.

Yesù ə kwuni bə̀lì kə nə̀, “I twâ dòʼò anə ŋwàʼà k-a-zə̀ nə̀, ‘Kə̀ mwâm kòʼ dzə̀ Mwe ə̀ Mbyi Zə̀ kiə̀ kìy.’ ”

Abù àmbvə̂ntsə mwâm kòʼ mà tsə nəniy Yesù, u ŋwò na sə tsə we, lyimə yə̀ soŋə fə̀ ŋwô fìy.

Satàn ə nìy fyi kwoʼ này kə nə̀ we idoŋ, dè yə̀ nàʼà tə mbyi tə tə̀dzə̀m â we anə kə̀mə̀ fə fəsòŋə. Satàn ə dzày yə̀ a we nə, “Mə ki nyiə̀ bə̂ wò nə̀ daʼa kədzə̀m nə̀ ùfyiə ùsoŋə̀ wə̀ ùdzə̀m. Ghu mə nyə̀ awò mìə̀, mə də ŋwô ani nyə̀ â wù wə̀ mə liə nəniy we. Abu wò bɛmə kə ani fwùlì mìə̀, ufyiə wə ùdzə̀m à ki də u yiə̀ wìy.” Yesù ə bə̀lì kə nə̀, “I twâ dòʼò anə ŋwàʼà k-a-zə̀ nə̀, ‘Ghà kwu ani fwùlì yə̀ kə Mwe ə̀ mbyi Zə̀ kəli, fàʼà yə̀ sòʼò â we kə.’”

Satàn ə dyaŋi nìy zù nə̀ we a Yèlusalèm, təmi na fyi kwoʼ kə we anə lòʼo kə kə dâb tsìy fyi nəniy a ndàw Kə̀zə̀, Dzày yə̀ a we nə, “Abu wò də Wà Kə̀zə̀, tǎ ŋwòə fyi tswi yə̀ fəə anə lòʼò kə aŋwòə i twâ dòʼò anə ŋwàʼà k-a-zə̀ nə̀, Zə̀kìy ki twum bə̂ tsə̀təndii tə we, ghu ki bû nîy ìyèmì azoŋə̀ wò.” Ghu ki fam kwi kə wô, tə̀ wò ki də kə̀ tswâb wu kiy anə itay. Yesù ə kwuni bə̀lì kə nə̀, “I twâ dòʼò anə ŋwàʼà k-a-zə̀ nə̀, ‘Kə̀ mwâm kòʼ dzə̀ Mwe ə̀ Mbyi Zə̀ kiə̀ kìy.’ ”