Popular Bible Verses from Lugu 6

શેર કરો

Ar-je dəwje ne, ɗaa Luba a kar-si ne tɔ, a to ngo kɔj-e gə may gə yəə d-ar ɗusu ngaɓa kay nangə pɔ-pɔ ɓa d-a mbəl mə ɓɔl gə lə-si. Mba ngo gə ɔjije ne ne ja tɔ ɓa d-a kɔji ne ne kar-si.

Dəw gə may le, tar gə may ɓa ce t-ɛ gə, ngaa dəw gə kṵra̰y le, tar gə kṵra̰y ɓa ce t-ɛ gə, mba ye gə ɗusu mə dəw ja ɓa ce t-ɛ gə.

Ngaa sisəy le, ꞌnjigije njeba̰a̰je lə-si, ꞌɗaje may ngaɓa ar-je ꞌtuna si ne lal kunda mə-si kəne. Nekuga dɔ ji lə-si a bo ya̰ ngaɓa a toje nganje lə Nje kisi sam dara gə, mba ꞌNe le n-ɗa məmay gə nje ɗa gasəraje nəm gə njeməndulje nəm tɔ.

ꞌƊaje məmay gə dəwje to gə Bɔ-sijee to ne nje ɗa məmay be tɔ.

ꞌGangəje tar dɔ dəwje gə ang, ɗaa Luba a gangə tar dɔ si ang tɔ; ilaje tar dɔ dəw gə ang, ɗaa Luba a kila tar dɔ-si gə ang; ɔrəje tar dɔ dəwje nama Luba a kɔr tar dɔ-si gə tɔ.

Ngaa sisəy gə ꞌtugaje mbi-si oje ne tar lə-m le, m-pa m-ar-si: ꞌNjigi-je njeba̰a̰je lə-si, ꞌɗa-je may gə nje gə njigi-si ang gə kɔrɔ. ꞌTɔrje ndu-si dɔ nje gə d-ugu ne ar-si, ꞌdəjije Luba mba nje gə d-ula kəm-si ndoo.

Ne gə sisəy njigi-je kar dəwje ɗa mba-si le, ꞌɗaje to gə bənəng mba-je tɔ.

To gə ɓo dəw unda kambɔr-i nama, ꞌturu ye gə kara ar-ɛ. To gə ɓo dəw un kubu kul lə-i nama, ɔg-ɛ kubu gə kar-i gə ang. Na-na ɓa dəji-i ne nama ar-ɛ, ngaɓa ɓo dəw un ne lə-i nama ꞌtəl dəji-e gugu ang.

Kagə gə may gə andə kand-e gə kṵra̰y godo, nəm kagə gə kṵra̰y gə andə kand-e gə may godo.

Be ɓa, kagə gə ɗa-ɗa kara d-a gər-e ta kand-e. Dəw unja kandə tungu dɔ kagə kun gə ang, ngaɓa d-a kunja kandə madə dɔ kun pɔrɔ gə ang tɔ.