Popular Bible Verses from Lik 23

શેર કરો

Yɛ Jésus seli kɛ: «N Si, yaci bé wun sa'n cɛ be, afin sa nga be ´yo i lɛ'n, be wun-mɛn i wlɛ.» Be tuli i tralɛ'm bé wun fɔtɔ be fali .

Yɛ Jésus kusu seli i kɛ: «Nian, man n kan ndɛ kun n kle wɔ, ndɛkɛn min nin wɔ e ´ju Nyanmiɛn i lika klanman'n nun lɔ.»

Yɛ ɔ seli kɛ: «Jésus, blɛ nga a wa di ɔ famiɛn'n, bu min akunndan.»

Jésus kpannin kekle kpa ɔ seli kɛ: «N Si, wa fa min o !» Kɛ i nuan tɔli cɛ'n yɛ ɔ kali nun-ɔn.

Kɛ be juli lika nga be flɛ i Ti Kongloman'n nun lɛ'n, be boboli i nin sa tɛ yofuɛ nnyɔn'm be lɛ, kun wo i fama su kun wo i bɛ su.

Kɛ ɔ ´yo sɔ'n, wuun wia'n su wa jran. Kpɛkuun aosin'n wlali lika'n kwlaa lele fa juli nnɔsua wia nun. Wia'n kacili tuun, yɛ tannin dan'n bɔ be fa kpɛ Nyanmiɛn i sua nun'n, ɔ kpacili i afiɛn sɛsɛsɛ .

Kɛ sonja ya su kpɛn'n wunnin sa sɔ'n, ɔ manmannin Nyanmiɛn yɛ ɔ seli kɛ: «Bian nga ti nanwlɛfuɛ sakpa.»