Popular Bible Verses from Mar 13

શેર કરો

Muryayangwa abantu boona ahabwangye; kwonka origumisiriza akahika aha muheru, niwe arijunwa.

Mwerinde, mugume nimureeba, kandi mushabe, ahabw'okuba timurikumanya ahu obunaku obwo burihikira.

Kandi ku baribatwara kubahayo, mutaryemereza omutima ahabw'eki murigamba, kwonka eki muriheebwa omuri ago magingo mube nikyo mwagamba; manya tiimwe murigamba, kureka Mutima Orikwera.

Eiguru n'ensi biryahwaho, kwonka ebigambo byangye tibirihwaho.

Mbwenu eby'ekiro ekyo n'obunaku bwakyo tihariho orikubimanya, nobu baakuba baamaraika b'omu iguru, nobu yaakuba Mwana, kureka Ishe wenka.

Ku murihurira engamba n'emibuuro yaazo, mutaryekanga, ahabw'okuba ebyo n'eby'okubaho; kwonka emperu eryaba etakahikire.

N'ahabw'ekyo mugume nimureeba, ahabw'okuba timurikumanya bunaku bu nyineeka ariiziramu, yaaba mu mwabazyo, nari mu itumbi, nari enkoko nizigamba, nainga omushekye nigujuguta; atakaija kitaraariire, akabashanga mugwejegyeire. Kandi eki ndikubagambira, ninkigambira n'abandi boona, nti: Mugume nimureeba!

Manya obwo eihanga riryateera erindi, n'obugabe buteere obundi. Haryabaho emitsitsa oku n'oku, hataahe enjara nyingi; haza ebyo biryaba biri entandikiro y'eby'obusaasi.

Kwonka Amakuru Marungi garyabanza garangirirwe omu mahanga goona.

Manya baingi baryaija nibaanyeyeterera nibagira ngu, Niinye; haza bahabise baingi.

Kwonka imwe, mwerinde; baryabahayo omu mashengyero, babateerere omu mateeraniro; babeemereze omu maisho g'abategyeki abakuru n'ag'abagabe nibabantura, mube baakareebi bangye aharibo.

ahabw'okuba haryaimuka Ba-Kristo b'ebishuba n'abarangi b'ebishuba, bakore obumanyiso n'eby'okutangaaza, kuhabisa nangwa n'abatoorainwe, kyaba nikibaasika.

Kwonka omu biro ebyo, eby'obusaasi ku biriheza kuhwaho, eizooba riryazima, n'okwezi tikuryaka, enyonyoozi ziryahanantuka omu iguru zigwe, n'eby'amaani eby'omu iguru bitengyeetsibwe.