Popular Bible Verses from Malu Menza 1

શેર કરો

Kadi nenupete bukole, diba dianupuekela Mueyelu wa Tshijila. Nanku nenumone mua kujadika malu anyi mu Yerushalayime, mu ditunga dijima dia Yudeya ne dia Samariya, kabidi too ne ku ndekelu wa buloba.

Yezu kubandamuna ne: — Tatu ke udi ujadika meba ne bikondu ku bumfumu buende. Nuenu kanuena ne bua kubimanya to.

Dituku dikuabu, pavuaye usomba nabu ku mesa, kubakandikaye ne: — Kanumuki mu Yerushalayime. Kadi nuindile dipa dimvua munumanyishe, divua Tatu mulaye. Yowanane uvua utua bantu mu mayi. Kadi matuku makese aa, nebanutue nuenu munda mua Mueyelu wa Tshijila.

Kunyima kua lufu luende, uvua mumuenekele bapostolu misangu ne misangu, bua kubajadikila ne: ndi ne muoyi. Uvua mudileje kudibu matuku makumi anayi, ubambila malu a pa Bukalenga bua Mvidi Mukulu.

Yezu mumane kuamba nanku, kubandaye mu diulu, bobu batangile. Ke divuba kujika Yezu, kabayi bamumone kabidi to.

Batshivua batangile muvua Yezu ubanda mu diulu, ke bantu babidi bavuala bilamba bitoke kubamuenekela diakamue, kubakonka ne: — Bena Ngalileya, munudi bimane apa batangile mulu nanku mbishi? Yezu ewu, udibu bumushe kunudi, bambule mu diulu, neapingane kabidi, mushindu unudi bamumone ubandamu.