Popular Bible Verses from Toango 17

શેર કરો

Aki Abalama okitaka mbula ntukʼibwa lʼibwa, Yawe aolenya ele Abalama, ko aolokela, “Emi nde Nzakomba ea mpamba euma. Kendaka nda joso likami, ko yalemʼonto ofa la likambo ja lofeli.

Ko lina like lifaotangema lenkina Abalama, lolo lina like lifotangema Abalayama, elʼemi njokila ise ea etukuluku ea beoci.

Ko njifolembʼokolo bokami ndatsʼemi la we, la banaʼake ndʼafeka bake nda biotswelo bikiyo biuma, wete bokolo wa seko, wae njaleme Nzakomba ekawe, ko lʼea banaʼake ndʼafeka bake.

“Bala, bokoloʼokami bolembama la we, ko wifoyalema ise ea etukuluku ea beoci.

Nzakomba aokela, “Afa ngoko nye, lolo Sala, waji oke, ifokootela bona owa jende, ko wifilʼende lina Yisaka. Njifolembʼokoloʼokami lʼende, lʼanaʼakande ndʼafeka bakande, wae boko boyale bokolo wa bikeke biuma seko.

Ko njifokoka we lʼanaʼake ndʼafeka bake bokiliʼone boyala we bofaya, ko lʼokili wa Kanana bouma, boyale lisango ja seko; ko emi njifoyalema Nzakomba ekiyo.”

Nkako Abalayama aokwa mbosama, ko aoseka, aokela ndʼotema, “Kamba bona ifootswa ele bonto okita mbule bonkama nde? La Sala, okita mbula ntukʼibwa, ifootʼona nde?”

Ko Nzakomba aokela Abalayama, “Salai waji oke, ofauta otanga lina likae Salai, lolonde lina likae lifoyalema Sala.

Inyo lifotenama nda wunyu wa nsonge, ko ete nelo eko ifoyalema lotaza ja bokolo bolembama ndatsʼemi lʼinyo.

Lolo njifolembʼokolo bokami la Yisaka, oe Sala okootela lʼekekʼene nda mbula eoya.”

Nda biotswelo biuma, wengi bana bʼaende bakinyo, banyangʼokita bembile mwambi, bifotenama nsonge. Lʼende ootswa ndʼilombe ike, ko lʼende osombama lʼosoloʼoke limʼelʼofaya, mpeka la afa ndʼooci bokinyo. Ende ootswa ndʼilombe ike, ko ende osombama lʼosoloʼoke ifotenama nsonge. Ko lotaza ja bokolo bokami lifoyala nda wunyu bokinyo, wete bokolo wa bikeke la bikeke.