Popular Bible Verses from YOHANES 10

શેર કરો

Hokaʾ donaʾ nimi yalamak dara, hokaʾ dobnun, nim obnun, malya uboka soldob menegonunaʾ aboka yalamak bok, nak dara, embengaʾ unaʾ dibaʾ elegoka, hyak nauba pe ulunokaʾ aboka yeilimsa,” hyok.

”Nara domba pama pe beilinanya dibaʾ ulumna e. Domba pama pe beilinanya dibnya bera, alja nong enyek pam amba somogamnyaʾ anaba senelamla.

Nadya pama yokaʾ ak dara, nara sikenek ella ulusinekanya, sikda nadya yuba keboka nak diriga yalanyak.

Nara sikenek sobaʾ ulmorulunokaʾ aboka embengaʾ unaʾ eleganesin dara, sikda hyak somoganggunumak. Nimi yok nim edya nadya soruk ak ab hyak bleboka dobnenggunusak.

Nara pik nong dibaʾ ulumna e. Heknedya pik dibaʾ ak uboka weklelanya bera alak blebnamla. Dara, pik dibaʾ pik bini yeini uboka perob denaʾ deregoka ulumnamla.

Nara pe domba pama beilinaʾ yokaʾ nongnya ulumna e. Neyung bedya nak ella ulunelekanya, nababya alak ella ulumna sok, anasonya neikik nababya nadya domba ak ella ulusin dara, sikda nak onoʾ ella ulunyak. Anasa, nara siksamba somogonun senelamna.

Nadyaʾ neyung bedya, sik nonga nak doboka elegenyoknya bera, yokaʾ-yokaʾ nidyaʾ ara mek so bok, alda hyak senenggomaʾ imiknya ulumlaʾ anasa, alja bo ulusilaʾ anasa, alja soruk ak ab yoknya bedya bleboka dobnenggunusil. Nab Neyung beb dara, hnonok ok ulunam,” hyok.

Nara pe domba pama beilinaʾ yokaʾ nongnya ulumna e. Neyung bedya nak ella ulunelekanya, nababya alak ella ulumna sok, anasonya neikik nababya nadya domba ak ella ulusin dara, sikda nak onoʾ ella ulunyak. Anasa, nara siksamba somogonun senelamna.

Na nong ak dara, nadya ganya doboka or obnulum anaʾ orok bok dara, wera obnenggununeseng bok, nadya ganya doboka or ubnulum henesinya. Anasa, nara ganya doboka eleklesinya uboka, onoʾ saaboka onsok donaʾanya ulumna. Ban wa nera Neyung bedya nak unu welelulaʾ aboka elegenyok,” hyok.

Dara, onoʾ hnon saaboka lebokaʾ ara, ”Nara ugunuk dib lebsin, Na nong anyek domba pam amba pik dibaʾ ulumna.

Bok, salyaʾanya rupiah deknenjabaʾ anasa, pama geregoka bo ululom ananya bera bo ulunabok, bei gama yangganaʾ eibna dara, nadya pam gomaʾ senewoka, lok anasa pama loboka yeiri balamla. Dara, bei gam adya domba pama nidyaʾ ara doluwoka ob menegoka yaklamla.

”Nara ugunuk dib lebsin, Nimi ben hnon, domba pama pik yokaʾ ak weknaʾ loboka yok pik gelelenga meknewoka weklelanya bera, alda hokaʾ donanya ulumla.