Popular Bible Verses from LUKAS 7

શેર કરો

Sitojeng-tojenna, lanri lompo kammana pangngamaseanna ri Nakke, na ma'nassamo angkanaya nipammopporammi dosa-dosana sannaka jaina. Punna sike'de'ji nipammopporangangi dosana taua, sike'de' tonji pangngamaseanna.” Nampa Nakana Isa ri anjo bainea, “Nipammopporammi dosa-dosanu.”

Mingka Nakanamo pole Isa ri anjo bainea, “Nipasalama' mako lanri tappa'nu mae ri Nakke. A'lampamako siagang pakasannammi pa'mai'nu!”

Mangemi ammenteng ri bokoNa Isa, iamintu ri ampi' bangkenNa Isa. Angngarru'mi anjoreng, nampa nabasai bangkenNa Isa siagang je'ne' matanna. Nampa nalu'lu' nakalotori bangkenNa Isa siagang uu'na, nampa natumpai minynya'-minynya' bau'.

Iaminjo saba'na natena kubarani battu andallekang ri Katte. Jari Kiparentakang mami sollanna a'jari baji' anjo palayangku. Nasaba' manna inakke amminawang turu' tonja' mae ri parentana komandangku. Na irawangangku nia' todong siapa are jaina surudadu, na musti amminawang turu' tongi ri parentaku. Punna nia' tau sitau kusuro angkana, ‘A'lampako!’ ma'nassa tena ta'lampana; na punna kukana ri maraenganga, ‘Maeko anrinni!’ ma'nassa tena tabattuna mae. Siagang punna kusuro palayangku angkana, ‘Gaukangi anne!’ ma'nassa tena tanagaukanna.” Sanna' lannasa'Na Isa allangngereki anjo pappasanna perwiraya. Assailemi nampa Nakana mae ri tau jai niaka amminawang ri Ia angkana, “Teai sipato' anne taua. Manna ri alla'na bansa Israelka tena tompa naKule'ba' ammuntulu' tau lompo kammaya anne tappa'na!”

Anjo wattua, sitabangi jai tau Naballei Isa, siagang jai roh ja'dala' Nabongka; kammayatompa jaimi tau buta Napa'jari accini'. Jari appialimi Isa Nakana, “Ammotere' mako mae ri Yohanes na nupauang apa le'baka nulangngere' siagang nucini': accini'mi tau butaya, a'jappami tau pesoka, a'jari baji'mi tau garring salaya, allangngere'mi tau tongoloka, attallasa' poleammi tau matea, siagang nibirittakammi Kabara' Baji' battua ri Allata'ala, mae ri tu kasi-asia.