Popular Bible Verses from LUKAS 6

શેર કરો

Assareko ri parannu tau, sollanna Nasare tongko Allata'ala; lanisareko sanna' jaina la'bina, ri pa'baku' le'baka nibaku' sannaka rassina. Nasaba' pa'baku' apa nupake ambakuki parannu tau, ia todong minjo pa'bakuka laNapake Allata'ala ambakukko.”

Punna baji' taua, mattantu labaji' tongi kana-kananna, lanri sangnging kabajikang lalang ri atinna. Na punna ja'dala' taua, mattantu laja'dala' tongi kana-kananna, lanri sangnging kaja'dallang lalang ri atinna. Nasaba' apa-apa mamo assulu' ri bawaya ia tomminjo niaka lalang ri atia.”

Sikontutojenna takammayai anjo! Mingka musti nukamaseangi musunnu, siagang a'gau' bajikko ri ke'nanga. Musti nusarei taua angnginrang, siagang teako attayangi lanipoterangngang. Punna kamma anjo batenu, lompoi pahala lanugappaya, siagang la'jari mako ana'-ana'Na Allata'ala Kaminang Tinggia. Nasaba' baji' pa'maiki Allata'ala mae ri tau tenaya nangngasseng appala' sukkuru', kammayatompa baji' pa'maiki mae ri tau ja'dalaka.

Paralluko lompo pangngamaseang sangkamma Manggenu lompo pangngamaseangi.”

“Teako angngadeli ri tau maraenga, sollanna tena todong Naadeliko Allata'ala. Teako anghukkungi ri tau maraenga, sollanna tena todong Nahukkungko Allata'ala. Pammopporangi parannu tau, sollanna Napammopporang tongko Allata'ala.

“Mingka ikau ngaseng niaka ampilangngeriA' ri kamma-kammaya anne, iaminne pappasangKu mae ri kau: kamaseangi musu-musunnu, siagang a'gau' bajikko mae ri tau angkabirisiako. Pappalakkangi barakka' tau antunrayako, siagang pappala' doangangi tau ja'dalaka ri kau.

Gaukammi ri parannu tau apa nukaerokia nagaukang ke'nanga ri kalennu.

Punna natempa ka'rang taua pilisi'nu siali, sareangi pole natempa ka'rangi sialia. Punna nialle passai jubanu, sareangi pole bajunnu. Punna nia' tau appala' apa-apa ri kau, sare laloi. Na punna naalle passa apa-apannu, teako palaki ammotere'.

“Punna coppong poko'-pokoka, tena olona lakodi rapponna. Kammayatompa, punna tacopponga poko'-pokoka, tena olona labaji' rapponna.

Sikamma poko'-pokoka, akkullei nibatei battu ri rapponna. Takkulleai poko' akkatintinga la'rappo ara. Siagang takkulleai rompo'-rompo' akkatintinga la'rappo anggoro'.