Popular Bible Verses from Lúù 11

શેર કરો

Lɛ̀ zí bɛ̃̀ɛ̃ ka kɛ‐pɛ̀ lɛ à ká yɔɔ, káà pɛ yiè nɔ̀ kà nɔ́ɔ̀ lɛ̀ɛ zì dɔ. Zi sùu kpɛɛ̀ lɛ́ mia Dàa lɛ́ lɛ lɛ̀ía, è lo Gɛ̀ɛ̀ Púlú nɔɔ̀ à ká mia lɛ́ ò à pɛ̃ à mɔ̀ɔ lɛ̀ɛ ké?”

À mɔ́ɔ̀ wɔ̃̀ mɔ̀ɔ, ḿm̀ à gèe ka lɛ̀ɛ, kà pɛ pɛ̃́. Ká kɛ̀á kília, káà lo à sɔ̀lɔ̀ ɓoò. Kà pɛ naa, káà lo pɛ gɛ̃̀ɛ̃̀ yé kaà kɛ kília ká. Kà ká lé mɛ̀. Ká kɛ̀á kília, à lé lɛ́ɛ̀ lo ɓoò ka lɛ̀ɛ.

Ƃii mi nɔ́ɔ fé lɛ́ è pɛ pɛ̃ɛ, lɛ́ɛ̀ lo pɛ sɔ̀lɔ̀ ɓoò. Ɛ́ɛ̃́ mí è pɛ nààa, lɛ́ɛ̀ lo pɛ gɛ̃̀ɛ̃̀. Ɛ́ɛ̃́ ká lé lɛ́ɛ̀ lo ɓoò mí à lé mɛ̀ɛ lɛ̀ɛ.

Zízɛ̀ a gèe o lɛ̀ɛ, “Wɔ̃́ lɛ́ lɛ ka mɔ̀ ká gèe yé kaà kɛ sɛ̀nɛ ɓopìàa káa, gɛ̃̀ e ké. ‘Ko Dàa, i tɔ́ è kɛ tɔ́ lɛ́ lɛ mia séĩ́ lɛ̀ɛ tɔ́ yiè káa ká. I zì tò‐mia‐là è nu.

Ì kã́ ko kɛ‐wɔ̃̀ yɔɔ mɔ̀ ɓá káá tã́ã̀. Ƃii kóò kã mia séĩ́ lɛ́ ò wɔ̃́ yɔɔ kɛ̀ ko káa, kɛ‐wɔ̃̀ mɔ̀, kɔ́áà kàà tã́ã̀. Yékɛ̀ í nu ko ká lɛ̀ lɛ́ mia yí‐dã́‐wɔ̃̀ lɛ yía mɔ̀.’ ”

Ì léɓèlè lɛ́ lɛ ko mɔ̀ kó sɔ̀lɔ̀ ɓo lúó doó doó káa, nɔ ko lɛ̀ɛ.

I nyìɛ lɛ nábò ká i gbĩ‐kpàla mɔ́ɔ̀ wɔ̃̀ mɔ̀. Yé i nyìɛ lɛ zéĩ́‐zèĩ̀a, i gbĩ‐kpàla lɛ̀ séĩ́ paà lɛ lɛ̀‐fɔ̀nɔɔ̀ɔ ká. Kɛɛ yé i nyìɛ lɛ ɓílí‐ɓìlìa, i gbĩ‐kpàla lɛ̀ séĩ́ lɛ bĩ́ bà.

“Mi gbɛɛ lɛ̀ɛ́ nábò dɔ, kɛ é à bĩ̀ĩ̀, ɛ̃́ɛ̃́ kɛ bɛ̃̀ɛ̃ é páni gbini à là. Kɛɛ lɛ́ɛ̀ à yà nábò yàà‐là‐pɛ̀ là, kɛ mia ó wàá kɛ́ìa, kɛɛ ó wàà lɛ̀‐fɔ̀nɔɔ̀ɔ bà.