Popular Bible Verses from KA ʻEUANELIO I KĀKAU ʻIA AI E LUKA 23

શેર કરો

A laila ʻōlelo akula ʻo Iesū, “E ka Makua, e kala iho ʻoe i ko lākou nei hewa; no ka mea, ʻaʻole o lākou ʻike i kā lākou mea e hana nei.” Puʻunaue aʻela lākou i kona mau kapa, hailona ihola.

ʻĪ maila hoʻi ʻo Iesū iā ia, “He ʻoiaʻiʻo kaʻu e ʻōlelo aku nei iā ʻoe, i kēia lā ʻo ʻoe pū kekahi me aʻu i loko o ka Paradaiso.”

ʻŌlelo akula hoʻi ʻo ia iā Iesū, “E hoʻomanaʻo mai ʻoe iaʻu, e ka Haku, i ka wā e hiki ai ʻoe i kou aupuni!”

A kāhea akula ʻo Iesū me ka leo nui, ʻī akula, “E ka Makua, «i loko o kou mau lima ke waiho aku nei au i koʻu ʻuhane».” A pau kāna ʻōlelo ʻana ia, make ihola ia.

¶ A hiki akula lākou i ka wahi i kapa ʻia ʻo Kalevari, ma laila lākou i kau aku ai iā ia ma ke keʻa, a me nā lawehala, ma ka ʻākau kekahi, a ma ka hema kekahi.

¶ A i ke ono o ka hora, he pouli ma luna o ka honua a pau, a hiki i ka iwa o ka hora. Ua hoʻopouli ʻia hoʻi ka lā, a nahae ihola ma waenakonu ka pākū o ka luakini.

A ʻike ka luna haneri ia mea i hana ʻia ai, hoʻomaikaʻi akula ia i ke Akua, ʻī akula, “ʻOiaʻiʻo, he kanaka pono nō kēia.”