Popular Bible Verses from MAKO 13

શેર કરો

Navakamihunganga kuli vatu vosena halijina lyami, oloze ou mwakakakacilanga palanga nakusongo, ikiye navakamulwila.

Nyingililenunga, vangulukenunga, lombenunga, mwomwo mwaka uze kamwautacikizako, xikaho.

Kaha cose navakamitwala nakumihana kuli vakivo, kanda mukavangila kuzakama mwakuhanjikilako, oloze mwexomwo navakamihana halwola luze, mwomwo vene hanjikenumo, mwomwo kamwexi yenu namukahanjikako, oloze Xipilitu wajila, xikaho.

Nalilu namavu navikahita, oloze mazu ami kawexi kukahitako.

Oloze kulikumbi lize cipwe lwola luze mutu naumwe pimbi natacikizako, cipwe vangelo vamwilu, cipwe Mwanakalunga, xina Ise kaha.

Kahomu namukevwa majita namangwavo akuvuluka majita, kanda mukalinyengako. Kuvanga vyumevi vinasoloka, oloze kukuma camyaka yino kacexi kukasolokelahoko.

Xikaho tonenunga, mwomwo kamwatacikijile mwaka uze mwakeza mwenyazuvoko, kwiji, halikumbi lyaciteuko, nyi mukaci kaufuku, nyi handembamutete, nyi nacimene ngana, kucina hakwiza cakumikasumuna, mwakamiwana muli mutulo. Kahomu nguli nakumyambenu, mukiko munangwamba vosena ngwami, Tonenunga!

Mwomwo vaka-lifuci limwe navakafumbukila vaka-lifuci likwavo, vaka-wangana umwe nawa navakafumbukila vaka-wangana ukwavo. Nakukapwa mindenda kweka nakweka, nakukaholoka nawa myaka yazala yakalombolombo. Evi navikapwa kuputuka camisongo yakusema.

Kaha kuvanga mujimbu wamwaza vanalivange kuwambulula kuli vaka-mafuci osena.

Nakukeza vavavulu mulijina lyami nakwamba ngwavo, Yami vene, kaha navakahungumwisa vavavulu.

Oloze lilamenunga, mwomwo navakamitwalatwala kujisunendeline, navakamivetaveta mujisunangonga javo, namukemana kumeso avanguvulu navamyangana, hali Ami, mangana cikapwe unjiho kuli vakivo.

Mwomwo nakukalovoka vakakulyongela ukulixitu navakakulyongela upolofweto, navakalinga vinjikizo navyuma vyakukomwesa, mangana, kaci nge Cinahase, vakavahungumwise vaze vasakula.

Oloze hamakumbi aze, hakukumisa luyando luze, likumbi nalike­lava wi, kakweji kexi kukalovola myeji yenyiko, vatanganyika navakahosomokanga mwilu, kaha ngolo jamumelu hinajikalinyika.