Popular Bible Verses from MAKO 12

શેર કરો

Yesu amukumbulwile ngwenyi, Lwatete vene elu, ngwavo, Ivwa, ove Isalele, Yehova Kalunga ketu Ikiye Yehova umwe kaha. Ngwavo, Kaha muzangenga Ye­hova Kalunga kove namucima wove wosena, namwono wove wosena, namanganove osena, nangolo jove josena. Lwamucivali nawelu ngwavo, Zanganga mukwenu nganomu walizangilove lyavene. Luximbi lweka lwakuhambakaneji lwauciko.

Yesu avasanyikile tumbaji twenyi veze kuli Ikiye, kaha avambile ngwenyi, Camwenemwene nangumilweza ngwami, Ou pwevo watuliwe mukakuhutwa nahakemo wana wakuhambakanawa avakwavo vosenava vali nakuhaka omu mwakulamina vikumba. Mwomwo vakivo vosena vanahakemo kuvyuma vyavo vyakulisupako, oloze ikiye nakukalikiza cenyi nahakemo vyenyi apwanga navyo vyosena, kulya cenyi cosena.

Atwamine kuze kwakulitalasana namuze mwakulamina vikumba, amwene muze vapwile vatu nakuhakahaka jimbongo muze mwakulamina vikumba. Kaha vavavulu vaze vapwilenga vaka-luheto vahakilemo vyavivulu. Kaha kwejile pwevo watuliwe muka-kuhutwa, ahakilemo jimbongo jajindende jivali, kujifutula jinahete mupene yimwe.

Kaha kumuzanga namucima wosena namanganosena nangolo josena, nakuzanga mukwenu nganomu walizangilove lyavene, cinahambakana mawana akulumba osena navimuna vakuvatula.

Yesu avambile ngwenyi, Vyuma vyaKesale muhanenuvyo Kesale, kaha vyuma vyaKalunga muhanenuvyo Kalunga. Kaha valikomokelele cikuma kuli Ikiye.