Popular Bible Verses from NJOANA 16

શેર કરો

Ndabwîra mantû mama i kaingo bwîgua bûrî na ûkiri, n'ûntû bûrî na ngwatanîro naani. Nthîgûrûûni îno bûkaanyamaarua. Îndî ûmîîriani! Indakîriirie mantû ma nthîgûrû inya!”

Îndî rîra Kîrundu ûra oonanagia ûmma akaaya, agaatûma bûmenya ûmma bunthe. Kîrundu atiaragia mantû maake na bwake, arî we. Mara akeegagua nwa mo monka akaabwîraga. Na akabwîra mantû mara magaatuîkîka îgiita rîkaaya.

Mwanka îîndî gûtirî bu bwamûûria kwa riîtwa rîakwa. Ûriani na bûkaarûthîrwa bûra bûkwenda, kaingo bûkena mûno.

Îndî na mma ga nkûbwîra, i kaaba nkathi n'ûntû bwenu. Nkarega kûthi Mûteetheeria atiiya. Îndî nkathi, ndamûtûma kîrî biû. Rîra akaaya akoonia antû wîyia bwao. Akaboonia ibaagîrîtwe beegua barî baagîru na akaboonia mûthûûro wa Ngai ûrî kîrî kîrîndî kîa nthîgûrû.

Ûgu i ta bu bûkari. Îîndî biû bûrî na kîeba, îndî nkabwona kaîrî bûkene mûno, na gûtirî muntû agaatûma gîkeno gîku kîenu kîthira. Na ntugû înu yakinya gûtirî ûntû bûkaambûûria. Na mma ga nkûbwîra, Baaba akabûrûthîra bûra bunthe bûkaamûûria kwa riîtwa rîakwa.

Na mma ga nkûbwîra, bûkaarîra bûminûke, îndî kîrîndî gîgaakena. Biû bûkaagwatwa i kîeba, îndî nyumaani bûgaakena.