Popular Bible Verses from NJOANA 15

શેર કરો

“I niû mûcabiibû, naabi i biû mpong'i. Ûra akaraga ndeni yakwa naani ngakara ndeni yake naciaraga rûciaro rwingî. Gûtirî bu bûûmba kûrûtha bûtarî na ûteethio bwakwa.

Karagaani ndeni yakwa, naani ngaakaraga ndeni yenu. Wata bûra rwong'i rûtaûmba gûciara rûrî runka rûtarî mûcabiibûûni, i ta bu kinya biû bûtaûmba kûrûtha ûntû bûtarî ndeni yakwa.

Weegua bûgaakaraga ndeni yakwa na biugo biakwa bigaakaraga ndeni yenu, ûntû kinya bûrîkû bûra bûkeendaga, bwaromba bûkaarûthagîrwa bu.

Ti biû bwanthuurire. I niû ndabûthuurire, ndabwathûra ndabûtuîkithia ba kwongeera maciaro nkûrûki, kwongeera kûra gûtagîtaûka. Na kaîrî, kaingo Baaba abwaa kîonthe kîra bûkaamûromba kwa riîtwa rîakwa.

Gûtirî wendo bûkûrûkîîte muntû kûruta mwoyo wake n'ûntû bwa acoore baake.

Rwong'i rwakwa runthe rûra rûtaciaraga narutemaga, na rûra rûciaraga narutheragia kaingo rûciara nkûrûki.

Yathana rîakwa na rîo i rîrî, endanagaani ta bûra mbwendeete.

Ibûtûmaga Baaba akumua bwaciara rûciaro rwingî na bwonanagia bûrî arutwa baakwa.

Yiesû eera arutwa baake, “I niû mûcabiibû wa mma, na Baaba n'we muurîmîri.

Muntû ûra atakaraga ndeni yakwa, akari ta rwong'i rûra rûtemagwa rûgateegwa rûkaûma. Na mpong'i ta inu iciîthîranagua ikagerwa mwankiini, ikabîîthua.

“Ndabwîra mantû mama kaingo gîkeno kîra kiumanagia naani gîkaraga ndeni yenu na kaingo bûkaraga bûkeneete mûno.

Nkabwendaga weegua bûkaathîkagîra maathana maakwa ta bûra na niû mbathîkagîra maathana ma Baaba, akaambenda.

Yathana rîakwa kîrî biû i bwendanage.”

Ûkeegua bûgwatanagîra na bo babwenda, n'ûntû wîgua bûrî baciao. Îndî n'ûntû bwa bûra ndabûthuurire kuuma kîrî kîrîndî gîku kîonthe, babûmeneete bûra bûtarî baciao.