Popular Bible Verses from Luk 13

શેર કરો

“Iĕm athei adrin mơ̆t trong 'măng iĕ bĕ yua kơ đei lơ bơngai nŏng wă mơ̆t ră ưh kơ gơh.

Lăm hnam akŭm ei đei minh 'nu drŏ-kăn yang mơ̆t pơm kơ sư jĭ đĭ mơjĭt-tơhngam sơnăm boih, na sư jing kơdŭ grŏn pơm kơ sư pă gơh dơ̆ng tơpăt. Lăp Yêsu 'bôh bơngai drŏ-kăn ei, Sư khan: “Ơ yă, Inh pơklaih ih boih.”

Đơ̆ng noh Yêsu pel hloi akâu sư na kơtă ei 'mrah jing gơh dơ̆ng tơpăt hloi. Na sư hloi pơma pơư pơang 'Bok Kei-Dei.

Thoi noh na đei lu bơngai mơ'nah pơm iĕ kơ đe dang ei, sư jing tih hloh kơ đe 'bơ̆t ei ning-mônh. Đei lu bơngai mơ'nah pơm tih hloh kơ đe dang ei, sư gô jing lŭch hloh kơ đe ning-mônh.”

Pơtih gia Inh mă 'Bok tơ'ngla hnam gô tang lê̆ 'măng, na lăp iĕm dơ̆ng dơdŭ 'măng 'bơ̆t 'ngoaih khan: ‘Ơ 'Bok, pơih ăn kơ nhôn 'măng,’ na Inh khan: ‘Inh ưh kơ băt iĕm đơ̆ng yơ.’

Ưh kơ trŏ ôh. Mă-lei dah lu iĕm ưh kơ tơbral kơdih tơdrong yoch, lei đĭ-đăng kơ lu iĕm kư̆m lôch lei-lăi thoi lu sư mơ̆n ning-mônh.”

Na Inh tơl tơwih dơ̆ng: ‘Inh khan kơ iĕm tơpă, Inh ưh kơ băt kơ lu iĕm ôh. Weh tơ nai năm, iĕm bơngai kơnê̆ ngăl.’

Klaih kơ noh Yêsu khan: “'Bok Kei-Dei pơgơ̆r kon bơngai thoi yơ? Bơ̆n chă tơdrong kiơ wă pơtih gia kơ tơdrong noh? Lu bơngai 'Bok Kei-Dei pơgơ̆r thoi lĕ găr sơ'bei iĕ ioch đe pơtăm tơ pơgar. Na lăp sư chăt boih, sư jing tih thoi lĕ minh tơnơm tơm 'long, na sem gơh pơm tơpu tơ dơng sư.”