Popular Bible Verses from Yôhan 2

શેર કરો

Anai yơh jing gru tơlơi mơsêh mơyang tal blŭng hlâo Yêsu ngă pơ plei Kana amăng kwar Galilê, pơrơđah tơlơi ang yang Ñu. Hnŭn yơh ƀing ding kơna Ñu đaŏ kơ Ñu.

Yêsu laĭ glaĭ: “Ơ amĭ, hơgĕt tơlơi anai djơ̆ kơ ih hăng kâo? Mông kâo aka truh ôh.”

Yêsu laĭ kơ gơñu: “Tuh ia pơbă abih čeh anai.” Gơñu tuh ia pơbă truh pơ tơƀuai abih čeh anŭn. Yêsu laĭ kơ gơñu: “Tuah ba ia anai kơ pô wai tơlơi ƀơ̆ng huă.” Tui anŭn gơñu tuah ba yơh.

Yêsu laĭ glaĭ: “Pơrai hĭ bĕ sang kơkuh pơpŭ anai, laih anŭn Kâo či pơdơ̆ng glaĭ ñu amăng klâo hrơi.”

Yêsu kuĭ hrĕ ngă gai hnuăt, laih anŭn puh pơđuaĭ ƀing anŭn mơ̆ng Sang Kơkuh Pơpŭ, wơ̆t triu hăng rơmo. Ñu tuh hĭ asar prăk ƀing pơplih prăk hăng tơlư̆ hĭ kơƀang gơñu. Yêsu laĭ kơ ƀing sĭ čĭm kơtrâo: “Mă pơđuaĭ bĕ abih gơnam anŭn mơ̆ng anai; Anăm pơjing sang Ama kâo jing hĭ sang sĭ mơdrô ôh.”