Popular Bible Verses from Luqgyah Saw 23

શેર કરો

Yehsuh ngaiz ding hwnjbae le, de couh vih doenghheij vunz haih de mwnq hwj gouz Cangqdiq naeuz: “Bohmbwn hax, nyiuz gyoengqde bax, aenvih gyoengqde cungj mbouj rox bonjfaenh gyoengqde guh gijmaz saeh haem.” Gyoengqde ding de hwnj bae le, caiq nipgaeu faen aeu doenghheij buh de.

Yehsuh dingq de yienghneix naeuz le, couh doiq de naeuz: “Gou saedsaeh naeuz mwngz ni, ngoenzneix mwngz ndaej caeuq gou itheij bae yangjfuk lo.”

Boux de yienghneix doiq boux mwnq naeuz le, couh doiq Yehsuh naeuz: “Yehsuh hax! Daengj daengz mwngz ndaej guh vuengz mwhde, cingj mwngz gaejyungh lumz gou!”

Yehsuh hemq goggog naeuz: “Daxboh hax! Gou dawz gij hoenzsaenz gou gyau hawj mwngz lo.” De gangj gawq neix sat le, couh gatcaw lo.

Yiengq gyoengqde daiq bae daengz mwnq dieg heuh Ndokraeuj he le, couh dawz Yehsuh ding hwnj gwnz aen gyaq cixcib bae. Caemh ding song boux vunzfamh mwnq, boux he ding youq baihswix, boux he ding youq baixgvaz.

Mwhde daihgaiq dwg gyangjngoenz cingq. [45a] Sawqmwh gyangjngoenz laepcup, [44b] baenx cenz mwnq dieg mwnq cungj laep liux, itcig laep daengz yaquj sam diemjcung yienghneix. [45b] Mwhde venj youq ndaw aen laeuz gunghdenq Cangqdiq hih fanyiemz mwnq cungj lig faen baenx song mbiengj bae.

Yiengq youq mwnq miz boux Lozmaj lienzcangj he raen doenghgij saeh neix le, couh haenh Cangqdiq naeuz: “Ox! Boux neix cingqcaen dwg vunz ndei!”