Popular Bible Verses from Luc 23

શેર કરો

Jésus atene: “Babâ, zi tënë na li ti ala, ngbanga ti so ala hinga ye so ala yeke sara pepe.” Ala bi *dee titene ala kangbi ya ti bongo ti lo na popo ti ala.

Jésus atene na lo: “Mbi tene na mo taa-tënë: gi laso, laso, mo yeke duti legeoko na mbi na *paradi.”

Na pekoni, lo tene: “Jésus, tongana mo kiri ande ti le-gbia, dabe ti mo na mbi!”

Jésus adekongo ngangu, atene: “Babâ, mbi zia yingo ti mbi na maboko ti mo.” Na peko ti tënë so, Jésus akui.

So ala si na ndo so a iri ni “Ndo-ti-abio-ti-li”, ala kanga Jésus na ndö ti mbeni keke ti kroa si ala kanga nga asioni zo use so na ndö ti ambeni keke ti kroa, mbeni na mbage ti maboko ti lo ti koli, mbeni na mbage ti maboko ti lo ti wali.

So bekombite aga nduru awe, ndo avuko na ya ti kodro ni kue, ngbii asi na ngbonga ota. Le ti lâ avuko vukongo; ridoo so a kanga na ya ti kota da ti Nzapa, ya ni asuru use, taa na be ni.

So kapita ti aturugu ti Rome abaa ye ni tongaso, lo gonda Nzapa si lo tene: “Taa-tënë, koli so ayeke zo ti mbirimbiri!”