Popular Bible Verses from Akt de Zapot 11

શેર કરો

Kan i ti'n war li, i ti anmenn li Antyos. Zot ti pas enn an ansanm avek sa Legliz e zot ti ansenny en kantite dimoun. Se la Antyos ki pour premye fwa, bann krwayan ti ganny apele kretyen.

Kan i ti ariv Antyos, i ti war ki mannyer Bondye ti'n beni son pep. I ti kontan e i ti ankouraz zot pour reste fidel anver Senyer. Annefe, Barnabas ti en zonm bon, ranpli avek Lespri Sen; i ti annan lafwa. En kantite dimoun ti krwar e aksepte swiv Senyer.

Si Bondye in ofer zot menm kado ki i'n donn nou kan nou ti krwar dan Senyer Zezi-Kri, ki mwan mon ete pour kapab al kont Bondye? Apre ki zot ti'n antann sa bann parol, zot ti reste trankil e zot ti rann glwar Bondye. Zot ti dir: Alor i vre ki Bondye in donn bann ki pa Zwif, posibilite pour sanz zot fason viv e resevwar sa nouvo lavi!