Ba-Filipi 4
4
1 #
2 Kor 1:14; 1 Tes 2:19,20 Mbubo, bakwesu bangu bayandika mbonsukamina, lukondo lwangu amusini wangu. Amwiime nji mu-Mwami, nubayandwi.
Makani aa-Euodiya a-Suntuke
2Ndamukumbila Euodiya, alakwe Suntuke ndamukumbila, kuti babe aluyanzano lomwe mu-Mwami. 3#Int 69:28; Lk 10:20Ayebo sijokoma musyomesi, ubagwasye aba banakazi, nkaambo twakali kulwa abo munkondo ya-Makani Mabotu, antoomwe a-Klemento abasimilimoma bamwi bali amazina aalembedwe mubbuku lyabuumi.
Makani aakulumba Leza akutontola mumoyo akukomba akuyeeya miyeeyo mibotu
4 #
Flp 3:1; 2 Kor 13:11 Amusekelele mu-Mwami lyoonse, Ee, ndaamba lwabili eli ijwi lyakuti, Amusekelele. 5#Heb 10:37; Jak 5:8,9Butontozi bwanu abuzibwe kubantu boonse, Mwami uli munkombe, 6#Mt 6:25-34; Kol 4:2; 1 Pet 5:7; Int 145:18; Joh 14:27Mutalibilikili cintu niciba comwe, pele muzintu zyoonse amupangike myoyo yanu kukukomba akukukombelezya cakulumba, kuti inkumbizyo zyanu zizibisigwe kuli-Leza, 7#Kol 3:15elyo luumuno lwa-Leza lwiinda miyeeyo yoonse yabantu luyooyaminina myoyo yanu amiyeeyo yanu muli-Kristo Jesu.
8 #
Rom 12:17
Lino bakwesu, makani aakumamanino ngaaya. Kufumbwa zintu zisinizye, kufumbwa zintu zilemekeka, kufumbwa zintu ziluleme, kufumbwa zintu zisalala, kufumbwa zintu ziyandika, kufumbwa zintu zili ampuwo imbotu, na kuli ciyanza niciba cimwi cibotu nanka cintu niciba cimwi cirembaulika, amuziyeeyesye zintu ezi, 9#1 Tes 5:23; Rom 16:20; 1 Kor 14:33Zintu zyoonse nzimwakaiya nanka kutambula nanka kumvwa nanka kubona kulindime, amuzicite, elyo luumuno lwa-Leza lulaba anywe.
Ulalumba zyabuuya bwabo nzibakatuma kujanza lya-Epafrodita
10Lino ndalumba loko Mwami nkaambo kakuti mwabukulusya miyeeyo yanu yakugwasya ndime. Ndizi kuti mwakali kundiyeeya lyoonse, pele mwakabula ciindi cibotu cakucita miyeeyo yanu, 11#1 Tim 6:6Teensi kwaamba kuti mbulide cintu, pe, nkaambo ndicibwene kulibamba kabotu kufumbwa kubusena nkumbede. 12#2 Kor 6:10Ndikuzi kulifwiinsya, ndikuzi kulivubya, Koonse koonse amuziyanza zyoonse ndiiyide kupona kabotu, nimuba mukukuta nimuba mukufwa inzala, nimuba mukulivubya nimuba mukulitengwaanya. 13#2 Kor 12:10; 2 Tim 4:17Zintu zyoonse buyo ndazikonzya nkaambo kanguzu nzimpedwe kuliKristo.
14Nekubaboobo mwakacita kabotu nimwakandaabila zyakuligwasya kuciindi camapenzi aangu. 15#2 Kor 11:9Mulizi nubeni, nywebo nuba-Filipi, kuti niyakatalika milimo ya-Makani Mabotu, ciindi ncindakazwa ku-Makedoniya, katakwe imbungano imbi niitwakali kwaabilana ayo mumakani aakupa akutambula, cita inywe luzutu. 16#Inc 17:1Nkaambo nikuba kuciindi ncendakali mu-Tesalonika, mwakanditumina lomwe-pe, mwakanditumina kobilecakundigwasya kuzintu nzindakabulide, 17#1 Kor 9:11Teensi zipo nzenjanda pe, pele ndayanda kubona kuti nkwiili micelo minji yakubotya makani aanu. 18#Kul 29:18; Ezk 20:41; Flp 2:25Lino ndijisi zintu zyoonse nzimbulide-pe, zilainda, Ndizulide mbuntambwide kumaanza aa-Epafrodita zintu nzimwakanditumina, Zipo zyanu ncituuzyo cabweema bubotu, ncipaizyo citambulika cakubotezya Leza. 19Lino Leza wangu ulamuzulizizya zyoonse nzimubula anywebo kuzwa kubuvubi bwakwe bulemu buli muli-Kristo Jesu. 20Akube bulemu kuli-Leza Taateesu lyoonse alyoonse kukabe kutamani, Ameni.
Ulabalaya
21Amujuzye basalali boonse bali muli-Kristo Jesu, Balamujuzya bakwesu mbotuli abo. 22#Flp 1:13Basalali boonse balamujuzya, pele kwaambisya abo bali muŋanda ya-Kaisara.
23Luzyalo lwa-Mwami Jesu Kristo alube amyoyo yanu.
Sélection en cours:
Ba-Filipi 4: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.
