Isaya 59
59
Zibi zyabantu nzezikasya inguzu zya-Jehova
1 #
My 11:23
Amubone! Ijanza lya-Jehova talina kufwinsigwa pe, licikonzya kufutula. Akwalo kutwi kwakwe takulemi pe, kucikonzya kuswiilila. 2Pele milandu yanu njeyamwaandaanya a-Leza wanu, azibi zyanu nzezyamusisila busyu bwakwe, aboobo taswiilili. 3#Is 1:15,21; Hos 4:2; Mik 3:10; Rom 3:15Nkaambo maanza aanu asofwaazigwa bulowa, ayalo minwe yanu ilijisi milandu. Milomo yanu ilaamba zyakubeja, andimi zyanu zilanununa bubi. 4#Job 15:35; Int 7:14Taakwe uuleta makani mubululami, taakwe uunjila mukubetekana calusinizyo. Balasyoma makani aapilingene akwaamba zintu zyabuyo, balaminta miyeeyo mibi akuzyala zibi. 5#Job 8:14Balakumba mai aacipile, balaluka luubilili lwangubi. Kufumbwa uulya mai aabo ulafwa, amulilelyo lipwayidwe mulazwa inzoka. 6Ingubilili zyabo tazikonzyi kuba zyakusama, tabakonzyi kulivumbya milimo yabo. Milimo yabo njemilimo yabu bi, amumaanza aabo momuli bucigebenga. 7#Tus 1:16; Rom 3:15-17Maulu aabo aali aluno lwakucita bubi. Balazuzaanina kutila bulowa bwabatakwe mulandu. Miyeeyo yabo njemiyeeyo yabumumvwazyakwe. Kusaala akunyonyoona nzezili munzila zyabo. 8#Int 125:5; Tus 2:15Inzila yaluumuno tabaizi. Tamukwe bululami mukweenda kwabo. Balicitila inzila zipilingene; kufumbwa muntu uuenda mulinzizyo takonzyi kuziba luumuno.
Bantu balalyaamba zibi zyabo
9 #
Jer 8:15
Ncobeni nciceeco kubetekwa kabotu neekubeda kule kuzwa kulindiswe, abululami tabusiki nkutubede. Tulalindila mumuni pele tulajana mudima buyo, Tulalangila bucedo pele nkutweenda kucisia mbi. 10#Dt 28:29; Am 8:9; Zef 1:17Tulaampaampa bulambo mbuli boofu, tulaampaampa mbuli batakwe meso, tulalifumpula ciindi casikati mbubonya mbukulifumpulwa kumabbililo aazuba, tuli mbuli bafu akati kabaabo bacili bayumu. 11Toonse tulavuluma mbuli banengo, tulapululuzya mbuli inziba. Tulalindila lubeta pele taluwo; tulalangila lufutuko pele luli kule. 12Nkaambo insotoko zyesu zyavula kumeso aako, azibi zyesu zilatupa kaambo, Nkaambo insotoko zyesu tuli azyo, amilandu yesu tuliibwene: 13#Mt 12:34kusotoka mulao akweena-ena Jehova, kupiluka kunsi kuzwa kutobela Leza wesu, kwaamba makani aakupenzya akupapila, kuyeeya majwi aalweeno mumyoyo yesu akwaamba ngao. 14#Neh 8:1Lubeta lwapiluka kunsi, abululami buliimvwi kule, nkaambo lusinizyo lwafumpulwa mumigwagwa yamuminzi, abululami tabukonzyi kunjila, 15Kwabula lusyomo abuniini, akufumbwa uulipambula abubi ulalyaaba mumaanza aabasikusaala.
Jehova ulalibusya kukucita bululami
Lino Jehova naakabona, makani akabija mumeso aakwe kuti taakwe lubeta. 16#Jer 5:1; Ezk 22:30; Mk 6:6; Is 63:5Wakabona kuti taakwe muntu, wakagamba nkaambo kakuti taakwe uulibusya kubamba makani, elyo kuboko kwakwe mwini kwakamufutula, abululami bwakwe bwakamutabilila. 17#Int 35:2; 2 Kor 6:7; 1 Tes 5:8; Ciy 19:11; Ef 6:14,17; 1 Tes 5:8Wakasama bululami mbuli cikwabilizyo kucamba, angoani yalufutuko amutwe wakwe. Wakasama zyakusama zyakuliya inkoto, akulivungaila cikobela cabusungu. 18Ulabweedezya boonse bulumbu bweelede bwamilimo yabo, Abo bakazyanya awe ulababweedezya bukali, abasinkondonyina ulabalumbwida. Azyalo nyika zyakunkomwe yalwizi ulazibweedezya bulumbu bwazyo. 19#Int 113:3; Mal 1:11; Ciy 12:15Aboobo bantu bazwa kububbila bayoolemeka izina lya-Jehova, abaabo bali kubuzwezuba bayooyoowa bulemu bwakwe, nkaambo uyoosika mbuli mulonga uupoomoka nguubinzya muuwo wa-Jehova. 20#Rom 11:26Munununi uyoosika ku-Zioni akulibaabo baleka zibi zyabo muluzubo lwa-Jakobo, mbwaamba Jehova.
21 #
Heb 8:10; Is 61:1; Ezk 36:37 Lino mebo, nceeci cizuminano cangu ncenti tange abo, mbwaamba Jehova. Muuya wangu uukede alinduwe, amajwi aangu ngendibikide mumulomo wako, taakooyoomana mumulomo wako amumulomo walunyungu lwako amumulomo walunyungu lwalunyungu lwako, mbwaamba Jehova, kuzwa kuciindi ecino mane kukabe kutamani.
Sélection en cours:
Isaya 59: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.
