Ba-Galatiya 3
3
Lusyomo ndolutufutula. Mulao ngusimalelo buyo iwakatubambila Kristo
1Akaka, inywe nuba-Galatiya bafubafuba! Nguni wakamulowa? Sa Jesu Kristo mubambule teewakalembwa kumeso aanu na? 2Ndayanda kumubuzya cintu comwe buyo. Sa nkaambo kamilimo ya-Mulao nkimwakatambwida Muuya na nkaambo kakusyomena Makani ngimwamvwa? 3Sa mwafubaala obo? Mwakatalika mu-Muuya, lino sa mulilondwedwe sunu munyama? 4Sa ncabuyo ncimwamvwida ayo mapenzi mapati? Ncabuyo na? 5Lino oyo uumwaabila Muuya akucita malele akati kanu, sa ulacita obo nkaambo kamilimo ya-Mulao njimwacita na nkaambo kakusyomena Makani ngimwamvwa. 6#Matl 15:6; Rom 4:3Mbubonya mbuli Abrahamu, wakasyoma Leza nkabela eci cakamweelezezegwa mbuli bululami.
7 #
Rom 4:16
Aboobo mulabona kuti basilusyomo mbibana ba-Abrahamu. 8#Matl 12:3; 18:18; Inc 3:25Alimwi Malembe akalibwene kale kuti Leza uyoolulamika bamasi alusyomo, nkabela Abrahamu wakakambaukilwa Makani Mabotu kaatana kubawo, nkaambo wakaambilwa kuti, Masi oonse alalongezegwa mulinduwe. 9#Rom 4:16Aboobo basilusyomo boonse balalongezegwa antoomwe ayooyo musyomi Abrahamu. 10#Dt 27:26Ikuti boonse bali buti bayeeya kuti tuli basikucita Mulao bali alutuko, nkaambo kulilembedwe kuti, Uli alutuko umwi aumwi uutakalilili mumakani oonse aalembedwe mubbuku lya-Mulao akwaacita. 11#Hab 2:4; Rom 1:17; Heb 10:38Lino kulibwenekede kuti taakwe muntu uukonzya kululamikwa kumilimo ya-Mulao, ikuti: Uululeme unoopona kulusyomo. 12#Lev 18:5; Rom 10:5Nkabela Mulao teensi makani aalusyomo pe, pele, Uuzicita ulaponena nzizyonya. 13#Dt 21:23; Rom 8:3; 2 Kor 5:21Lino Kristo wakatunununa kuzwa kulutuko lwa-Mulao, ikuti walo mwini wakaba lutuko nkaambo kesu, nkaambo kulilembedwe kuti, Uli alutuko umwi aumwi uuangilidwe kumusamu. 14Aboobo coolwe ca-Abrahamu casika kulibamasi muli-Jesu Kristo, kuti kulusyomo lwesu tutambule Muuya ngutwakasyomezegwa.
15Lino bakwesu, ndaleta cikozyano camakani aabantu. Cizuminano camuntu, na cilijatisidwe kale, taakwe muntu uukonzya kucilobya nanka kuciyungizizya. 16#Matl 12:7; 13:15; 17:7; 22:18; 24:7Lino zisyomezyo zyakaambilwa Abrahamu ambuto yakwe. Tacaambwi kuti imbuto zyako, nkukuti zinji, caambwa kuti “imbuto yako”, nkukuti yomwe, nkukuti Kristo, 17#Kul 12:40Lino cintu ncindaamba nceeci. Eco cizuminano ncaakasaanguna kujatisya Leza, tuukonzyi kucilobya Mulao iwakasika kusule amyaaka iili myaanda yone amakumi otatwe, alimwi tuukonzyi kubisizya cisyomezyo. 18#Rom 4:14; 11:6Lukono kuti lwazwa ku-Mulao, talucizwi kucisyomezyo, pele ncisyomezyo Leza ncaakalupesya Abrahamu. 19#Rom 5:20; Heb 2:2; Inc 7:38,53Lino ngweenzi Mulao? Wakayungizizigwa nkaambo kansotoko, mane kusikila kuciindi nciyakasika eyo Imbuto iyakapegwa cisyomezyo. Wakatumikizigwa abaangelo kujanza lyasikwiimaakati. 20(Lino sikwiimaakati nkukwaamba kuti bavula bantu, pele Leza nguumwi luzutu). 21#Rom 8:2-4Lino sa Mulao ulalwisya zisyomezyo zya-Leza na? Ne! Nkaambo Mulao niwakubede uukonzya kupa buumi, elyo ncobeni bululami nibwakuzwide ku-Mulao. 22#Rom 3:9-19; 11:32Pele Malembe akajalila boonse buyo mubwami bwazibi, kuti cisyomezyo cizwa kukusyoma Jesu Kristo bacipegwe basilusyomo boonse.
23 #
Gal 4:3; 1 Pet 1:5 Kalutana kusika olu lusyomo, twakalijalilidwe muntolongo kumeso aa-Mulao, twakali kulindila mane luyubununwe olu lusyomo. 24Aboobo Mulao wakatubeda mbuli simalelo mane kusikila kuciindi ncati keze Kristo, kuti tululamikwe alusyomo. 25#Rom 10:4Pele lino mbulwasika lusyomo, tatucili mumaanza aasimalelo. 26#Joh 1:12; Rom 8:17Nkaambo nyoonse muli bana ba-Leza nkaambo kakusyoma Kristo Jesu. 27#Rom 6:3; 13:14Ikuti nyoonse nimwakabapatizigwa muliKristo mwakalisamika ziyanza zya-Kristo. 28#Rom 10:12; 1 Kor 12:13Lino taakwe mu-Juda nanka mu-Helene, taakwe muzike nanka mulubusi, taakwe mwaalumi nanka mwanakazi, nkaambo nyoonse buyo muli bamwi muli-Kristo Jesu. 29#Rom 4:13; 9:7Nkabela mbuli mbumuli bakwe Kristo, muli inyungu zya-Abrahamu, aboobo muli baswaana mbubonya mbucaamba cisyomezyo.
Sélection en cours:
Ba-Galatiya 3: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.
