Kulonga 23
23
Imwi milao yahucita bululami
1 #
Kul 20:16; Lev 19:11-12; Dt 5:20; Tus 10:18; 1 Bam 21:10; Tus 19:5; Inc 6:11 Utazibwezi zilengelelo zyabuyo. Utagwasyanyi amuntu sizibi sikulengelela kaambo. 2#1 Bam 19:10; Job 31:34; Lk 23:23; Int 72:2Utatobeli buleya kukucita zibi. Utaambi makani mulubeta kuti upambuke abantu banji kukubisya. 3#Lev 19:15Utavundikizyi abusyu bwako kumakani aamucete.
4 #
Dt 22:1-4; Tus 25:21; 1 Tes 5:15 Na wajana iŋombe yasinkondonyoko na imbongolo yakwe iliswekede, ncobeni uleelede kwiipilusya kulinguwe. 5Na wabona imbongolo yayooyo uukusulide iliimbidwe mukuli wayo, toelede kumulekelezya pe, ncobeni uleelede kumugwasya.
6 #
Lev 19:15; Dt 16:19; Job 31:13 Utabi noobisya ceelede mucete mulubeta. 7#Ef 4:25; Rom 1:18Cenjela makani aakubeja, Utajayi muntu uutakwe mulandu na muntu uululeme, nkaambo mebo nsikonzyi kululamika basizibi. 8#Tus 17:8Utalyi makulo, nkaambo makulo aloofwaazya meso akubisizya makani aabaluleme.
9 #
Int 94:6; Kul 22:21; Lev 19:33-34; Dt 24:17-18; 27:19 Mutapenzyi beenzu. Mulizi moyo wamweenzu mbuubede, nkaambo anywebo mwakali beenzu mucisi ca-Egepita.
Amwi makani aamwaka amapobwe
10 #
Lev 25:1-7
Myaka iili musanu aumwi ulime nyika yako akutebula zilyo zyako, 11pele mumwaka wamusanu aibili uleke, ione, kuti bacete babantu bako balye abalo, aceeco cisyeede banyama bamusokwe bacilye. Ayalo myuunda yako yamasaansa amyuunda yamaolifa, uleelede kwiicitila mbubonya.
12 #
Lk 13:14; Kul 20:9-11; 31:15; 34:21; 35:2; Lev 23:3; Dt 5:13-14 Mazuba aali musanu abumwi komana milimo yako, pele mubuzuba bwamusanu aabili ulyokezye, kuti basune bako ambongolo zyako zilyokezye, abalo bana babalanda bako basimbi abeenzu boonse bakatulukwe. 13#Hos 2:17Amucenjele makani oonse ngendamwaambila. Mutaambi makani aabaleza bambi. Mazina aabo atamvwigwi mumilomo yanu.
14 #
Dt 16:16
Ziindi zyotatwe mumwaka amundicitile ipobwe. 15#Kul 12:14-20; Lev 23:6-8; My 28:17-25Muleelede kucita ipobwe lyazinkwa zitakwe bumena; mazuba aali musanu aabili amulye zinkwa zitakwe bumena, mbubonya mbundakamulailila, kuciindi ceelede camumwezi wa-Abibi, nkaambo mulinguwo mwakazwa ku-Egepita. Kutabi uuza kulindime acinkwamaanza. 16#Lev 23:15-21,39-43; My 28:26-31Alimwi amucite ipobwe lyakutebula, ipobwe lyakabalwebalwe kamilimo yako, micelo njowakabyala mumuunda wako; alyalo ipobwe lyalwiindi kumamanino aamwaka, nowamana kulimuna micelo yako yoonse yamumuunda. 17Ziindi zyotatwe mumwaka baalumi bako boonse baboneke kubusyu bwa-Mwami Jehova.
18Bulowa bwacipaizyo cangu toelede kubupaizya antoomwe abuswezyo. Aalo mafuta aamapobwe aangu taelede kusyaala mane bukace. 19#Kul 34:26; Dt 14:21; 26:2; Neh 10:35; Tus 3:9Micelo mitaanzi njiizyala nyika yako, uleelede kwiileta kuŋanda ya-Jehova Leza wako, Utajiki mwana wampongo mumukupa wabanyina.
Leza mbwaakasyomezya kubasisya ku-Kanana
20Amubone! Ndatuma angelo kunembo lyanu, kuti amubambe munzila akumusisya kubusena mbondakamubambila. 21#Ef 4:30; Jos 24:19; 1 Joh 5:16; Is 9:6; Jer 23:6; Joh 10:38Amucenjele, muswiilile ijwi lyakwe, mutamukalazyi, nkaambo takooyoomulekelela milandu yanu, nkaambo izina lyangu molili mulinguwe. 22#Matl 12:3Na ncobeni mwaswiilila ijwi lyakwe akucita zyoonse nzinamba, njooba sinkondonyina basinkondonyoko, njoobalwanya bamulwisya. 23#Jos 24:8Lino angelo wangu namuzulwida akumusisya kuba-Amori akuba-Hiti akuba-Perizi akuba-Kanana akuba-Hivi akubaJebusi, njoobanyonyoona aba boonse. 24#Kul 20:5Mutakotamini mizimu yabo nekuba kwiikomba. Mutaciti mbubacita pe. Amubamanisye, akumwaya minsemu yabo yamabwe. 25#Dt 10:12; Jos 22:5; 1 Sam 2:20; Mt 4:10; Dt 7:15; 28:5Amukombe Jehova Leza wanu, lino njoolongezya zilyo zyanu amaanzi aanu, alimwi njoogwisya malwazi akati kanu. 26#Job 21:10; Matl 25:8Takukooyooba naba omwe mucisi canu uusowa nanka uutazyali, Njoozuzikizya mazuba aanu. 27#Matl 35:5; Dt 2:25; Jos 2:9,11; 1 Sam 14:15Njootuma ziyoosya zyangu kunembo lyanu, zipilinganye bantu boonse oko nkomuyoosika, nkabela basinkondonyoko boonse bayoomupa matako. 28#Dt 7:20Njootuma manko kunembo lyanu, akabatande ba-Hivi aba-Kanana aba-Hiti. 29#Dt 7:22Nsikooyoobatanda mumwaka omwe pe, kuti cisi citabi matongo, abanyama bamusokwe batamuvulili. 30Njoobatanda buniini buniini mane mukavule akuvuba nyika. 31#1 Bam 4:21; Jos 21:44Nkabela njookukosweda migaano kuzwa ku-Lwizi Lusalala kusikila kulwizi lwabaFilisti, akuzwa kunkanda kusikila ku-Firate, nkaambo bantu bakede munyika njoobaaba mumaanza aanu, mubatande kubusyu bwanu. 32Mutatangani cizuminano ambabo nanka abaleza babo. 33#Kul 34:12,15; Dt 7:2; 12:30; Jos 23:13; Bab 2:3; 1 Sam 18:21; Int 106:36,37Tabeelede kukala munyika yanu, kuti batamuciti kuti mundibisizye, nkaambo na mwakomba baleza babo, ncobeni ciyoomubeda cilebyo.
Sélection en cours:
Kulonga 23: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.
