Kulonga 22
22
Milao yakubba amilao imwi
1 #
2 Sam 12:6; Lk 19:8; Tus 6:31 Na muntu wabba iŋombe na imbelele akwiijaya nanka kwiiulisya, uleelede kuliya iŋombe zyosanwe mucimanga caŋombe yomwe, ambelele zyone mucimanga cambelele yomwe. 2#Kul 20:15; Lev 19:11; Dt 5:19; Mt 6:19; 24:43; Lk 18:20; Rom 13:9; Ef 4:28; 1 Pet 4:15; My 35:27Na mubbi wajanwa uladonkola, alimwi waumwa calufu, taakwe mulandu wabulowa. 3#Kul 21:2; Mt 18:25Pele na izuba lyamupaswida mpawo, kuli mulandu wabulowa, ncobeni uleelede kuliya, Na wabula cakuliya, auzigwe nkaambo kakubba kwakwe. 4#Kul 21:16; Tus 6:31Na cakubba cajanwa mujanza lyakwe, niiba iŋombe niiba imbongolo niiba imbelele, uleelede kuliya zyobile.
5Na muntu walisya muunda na masaansa, nanka kuyandilila kwaŋombe zyakwe zyalida mumuunda wamweenzinyina, uleelede kuliya bubotu bwamuunda wakwe na bwamasaansa aakwe.
6Na mulilo wabuka akutenta lubaya lwamamvwa, aboobo kulatentwa milwi yamaila na maila aaciimvwi na muunda, ncobeni oyo muntu iwatenta mulilo uleelede kuliya.
7Na muntu wabika mali na imbono mumaanza amweenzinyina kuti azibambe, alimwi zyabbigwa kuŋanda yasikuzibamba, na mubbi wajanwa ncobeni uleelede kuliya kobile. 8Pele na mubbi tajanwi, mwiniŋanda aswene kuli-Leza, kuti kuzibwe na engwe wakabika ijanza lyakwe kumbono zyamweenzinyina. 9#Dt 25:1; 2 Mak 19:10Alimwi mumilandu yoonse yazintu ziswekede, naba musune niiba imbongolo niiba imbelele neziba zyakusama niciba cintu cimwi cili buti muntu ncaamba kuti, Nceeci, makani aabantu boonse bobile aletwe kuli-Leza. Lino oyo uupegwa mulandu kuli-Leza aliye mweenzinyina kobile.
10Na muntu wasisya imbongolo naba musune niiba imbelele naba munyama umwi kumweenzinyina kuti amubambile, alimwi oyo munyama wafwa nanka kulumwa nanka kutandwa katakwe uubona, 11#Heb 6:16aba bantu bobile baleelede kukonkezyanya cikonke ca-Jehova, kuti kuzibwe na engwe iwakabika ijanza lyakwe kulubono lwamweenzinyina. Lino mwalimunyama alamwe. Takooliya pe. 12#Matl 31:39Pele na ncobeni wabbigwa, uleelede kuliya mukamwini wayo. 13Na walumwa banyama bamusokwe, alete citondezyo. Takooliya cilume pe.
14Na muntu wakumbila cintu kumweenzinyina, lino canyonyooka nanka kufwa mulaaco natawo, ncobeni uleelede kuliya. 15Na mulaaco mpali, takooliya pe, nkaambo ncinga sikuvola, cakazida mali buyo.
16 #
Dt 22:28-29
Na mwaalumi woongelezya nakalindu uutana kukwatwa, weenda awe, ncobeni uleelede kubbadela lubono, abe mwanakazi wakwe. 17#1 Sam 18:25Pele na wisi wakakilila kumupa, aliye mali aaelene alubono lwanakalindu.
18 #
Dt 18:10-11
Mutazumizyi mwanakazi muzyani kupona.
19 #
Lev 18:23; 20:15-16; Dt 27:21 Kufumbwa muntu uulala amunyama ncobeni uleelede kufwa.
20 #
Dt 13:1; 17:2-7; My 25:2; Hos 8:14; 1 Bam 18:40 Kufumbwa uupaizizya leza umbi uutali Jehova alike, ajayigwe.
21 #
Kul 23:9; Lev 19:33-34; 25:35; Dt 10:19; Zek 7:10; Mal 3:5; Dt 24:17-18; 27:19 Mutapenzyi mweenzu nekuba kumubisizya, nkaambo anywebo mwakali beenzu munyika ya-Egepita. 22#Is 1:17; Ezk 22:7; Dt 10:18Mutapenzyi mukamufu nanka mucaala naba umwi. 23#Dt 15:9; Job 35:9; 34:28; Jak 5:4Na mwabapenzya, alimwi na bakwiilila ndime, ncobeni ndamvwa kukwiila kwabo, 24#Job 31:23; Int 109:9lino bukali bwangu bulabuka, nkabela njoomujazya ipanga, elyo banakazi banu bayooba bamukabafu, abana banu bayooba bamucaala.
25 #
Lev 25:35-38; Dt 15:7-11; 23:19-20; Neh 5:7; Ezk 18:8 Na wakolotya muntu mucete naba umwi akati kabantu bangu mali, toelede kumubeda mbuli sikukolotya; utamubedi simpindu. 26#Dt 24:10-13; Job 24:3; Tus 20:16; Am 2:8Na watola cikobela camweenzinyoko, cibe citondezyo, uleelede kucipilusya kulinguwe izuba kalitana kubbila, 27nkaambo ncencico luzutu ncalivumbya kumubili wakwe, Aone buti? Na wakwiilila ndime, njoomvwa, nkaambo ndisiluzyalo,
28 #
Inc 23:5; Muk 10:20; 2 Pet 2:10 Utasampauli Leza nanka kutukila mweendelezi wabantu bako.
29 #
Tus 3:9
Utaneleeli kupaizya kabalwebalwe kamaila aako akawaini wako, Alimwi undipe mutaanzi akati kabana bako balombe. 30#Dt 15:19; Lev 22:27Azyalo iŋombe zyako ambelele zyako, undicitile mbubonya obo. Mazuba aali musanu aabili mwana akale abanyina, lino mubuzuba bwamusanu aatatu mulandipa. 31#Lev 17:15; 19:2; Ezk 4:14Amube bantu basalala kulindime. Nyama indume musokwe mutailyi pe; amwiisowele babwa.
Sélection en cours:
Kulonga 22: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.
