Ba-Efeso 5
5
1 #
Mt 5:48; Kol 3:12 Amube basikwiiya ba-Leza mbuli bana bayandwi, 2#Kul 29:18; Int 40:6; Gal 2:20; Heb 10:10; Kol 3:13; Ezk 20:41alimwi amweende cakuyandana, mbuli Kristo alakwe mbwaakayanda ndinywe akulyaa-bilila kuba cituuzyo acipaizyo cabweema bubotu nkaambo kesu. 3#Ef 4:19; Kol 3:5Pele bwaamu amisyobo yoonse yabusofwaazi akulikumbuzya, zintu ezi tazyeelede nikuba kwaambwa akati kanu, nkaambo mbuboobo mbubeelede basalali. 4#Ef 4:29; Kol 3:8Azyalo zisapi akwaamba bufubafuba akucapa, zyoonse tazili zibotu, pe, Cintu cibotu nkulumba Leza. 5#1 Kor 6:9,10; Kol 3:5; Inc 8:21Nkaambo mulizi kuti taakwe sibwaamu nanka sibusofwaazi nanka sikulikumbuzya (ncintu comwe asikukomba mituni) uukonzya kuba alukono mu-Bwami bwa-Kristo abwa-Leza.
6 #
Rom 1:18; Kol 2:4,8 Mutaleki muntu naba omwe kuti amulye lukokobele amajwi aabuyo, ikuti nkaambo kankani ezi nkibuzida bukali bwa-Leza abana batamvwi. 7Mutanoovwelani ambabo, 8#Ef 2:11,13; Lk 16:8; 1 Pet 2:9; Joh 12:36nkaambo kuciindi cakamana mwakalyoofwede, pele sunu muligwemukididwe mu-Mwami. Amweende mbuli bana balugwemuko, 9nkaambo micelo yalugwemuko mbobubotu boonse abululami alusinizyo. 10#Rom 12:2Amusunkulule, kuti muzibisye zintu zibotezya Mwami. 11#Joh 16:8Mutanooyanzani amilimo yabuyo yamumudima, pe, amwiiyubunune kumeso aabantu, 12#Rom 1:24Nkaambo kulausya bweeme nikuba kwaamba milimo njibacita cakusisikizya. 13#Joh 3:20,21Pele zintu zyoonse ziyubununwa amumuni kumeso aabantu zilaba atuba, nkaambo coonse cibika atuba mumuni. 14#Is 26:19; 60:1; Rom 13:11; 6:13Nkikaako ncikwaambwa kuti, Sinsimuka, nosikoona, ubuke kuzwa kubafu, nkabela Kristo uzookumunikila.
15 #
Mt 10:16; Kol 4:5 Amucenjele loko mbumweenda. Muteendi mbuli bafubafuba, pe, amweende mbuli basimaanu. 16#Kol 4:5Amujatisye loko ciindi canu coonse, nkaambo kakuti mazuba aasunu mabi, 17#Rom 12:2aboobo tamweelede kufubaala, muleelede kumvwisya mbulubede luyando lwa-Mwami. 18#Tus 23:31; Lk 21:34Mutakolwi bukoko buleta budakwi, pele amuzule Muuya. 19#Kol 3:16-17; Int 33:2,3Amulayane lyoonse antembauzyo anyimbo zya-Leza amalelebu, akuya bwiimba akutembaula Mwami mumyoyo yanu, 20#Kol 3:17alimwi zintu zyoonse zili buti amuzilumbe lyoonse kuli-Leza Taateesu muzina lya-Mwami wesu Jesu Kristo, 21#1 Pet 5:5akulibombya umwi aumwi kumweenzinyina cakulemeka Kristo.
Zyeelelo zyabanakazi abalumi
(Ba-Kolose 3:18,19)
22 #
Kol 3:18; 1 Pet 3:1; Matl 3:16 Nubanakazi, amulibombye kubalumi banu mbuli mbumulibombya kuliLeza. 23#1 Kor 11:3; Kol 1:18Nkaambo mulumi ngumutwe wamukakwe, mbubonya mbuli Kristo mbwali mutwe wambungano, alimwi ngumuvuni wamubili. 24Pele mbuli imbungano mbwiilibombya kuli-Kristo, abalo banakazi mbubonya baleelede kulibombya kubalumi babo muzintu zyoonse.
25 #
Kol 3:19; 1 Pet 3:7 Anywebo nobalumi, amuyande banakazi banu, mbuli Kristo mbwaakayanda imbungano akulyaaba nkaambo kanjiyo, 26#Tit 3:5kuti aisalazye kukusanzya amaanzi kunguzu zyajwi lyakwe, 27#Int 45:13; 2 Kor 11:2kuti imubede imbungano indemu iitakwe impu nanka kaimba nanka kantu kamwi kali boobo, isalale akutaba akampenda nikaba komwe. 28Mbuboobo balumi mbubeelede kuyanda banakazi babo mbuli mibili yabo beni. Uuyanda mukaakwe waliyanda mwini. 29Nkaambo taakwe muntu uusula mubili wakwe mwini, pe, ulausanina akuubamba kuti ubote. Mbubonya obo Mwami mbwacitila imbungano, 30#Ef 1:23; 1 Kor 6:15; Matl 2:23nkaambo tuli zizo zyamubili wakwe. 31#Matl 2:24Mbuboobo mwaalumi mbweelede kusia wisi abanyina kuti akakatile kumukaakwe, nkabela aba bobile babe nyama yomwe, 32#Ciy 19:7Aya makani aasisidwe mapati, Ndaamba makani aa-Kristo ambungano. 33Nekubaboobo mwaalumi umwi aumwi akati kanu ayande mukaakwe mbuli mbwaliyanda mwini, alakwe mwanakazi alemye mulumi wakwe.
Sélection en cours:
Ba-Efeso 5: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.
