Ba-Efeso 1
1
1 #
Inc 18:19-21; 19:1; Rom 1:7; Kol 1:1; 1 Kor 1:2 Ndime Paulo, nendakasungulwa abukanze bwa-Leza kuba apostolo wa-Kristo Jesu. Ndamujuzya nobasalali bali ku-Efeso aboonse bazumini bamuli-Kristo Jesu. 2#Kol 1:2Amube aluzyalo aluumuno luzwa kwa-Leza Taateesu aku-Mwami wesu Jesu Kristo.
Bumunuki bwesu bwamuli-Kristo
3 #
Ef 2:6
Alumbwe Leza Wisi wa-Mwami wesu Jesu Kristo, iwakatulongetya azilongezyo zyoonse zyamuuya munasena aakujulu mutukede muli-Kristo, 4#Joh 15:16; 17:24; Ef 5:27; Rom 8:29mbubonya mbuli mbwaakatusala mulinguwe kuzwa kumatalikilo aanyika, kuti tusalale, tutabi akampenda nikaba komwe kumeso aakwe, 5#Joh 1:12Nkaambo wakatuyandisya, aboobo wakatukanzila kuti tube bana bakwe mwini kujanza lya-Jesu Kristo, nkabela ncobeni obu bukanze mbwaakalita 6#Mt 3:17; Kol 1:13bwacitya kuti bulemekwe loko bulemu bwaluzyalo lwakwe ndwaakatufwida mu-Muyandwi wakwe.
7 #
Kol 1:14,20; Ef 2:7; 3:8,16 Mulinguwe mumonya mutujene lunununo nkaambo kabulowa bwakwe, lulekelelo lwamilandu yesu, mbubonya mbuli buvubi bwaluzyalo lwakwe, 8#Kol 1:9ndwaakatuvuzizya maanu oonse amancenjela, 9#Ef 3:9; Rom 16:25akutucita kuti tuzibe makani aasisidwe aabukanze bwamoyo wakwe. Lulito lwakwe ndwaakalita kalekale mulinguwe ndoolu. 10#Gal 4:4; Kol 1:16Wakabamba kuti, casika buyo ciindi ceelede, mitwe yazintu zyoonse, niziba zintu zyamujulu niziba zintu zyaansi, ibikwe antoomwe muli-Kristo,
11 #
Kol 1:12; Rom 8:28 Muli-Kristo nguwenya mutupedwe lukono lwesu, mbubonya mbutwaakanzilwa mukulita kwayooyo uubamba makani oonse mbuli miyeeyo yamoyo wakwe, 12kuti tube lutembauzyo lwabulemu bwakwe, iswe nitwakasaanguna kuzuminina Kristo. 13#Ef 4:30; Kol 1:5,6Anywebo mwakaswiilila ijwi lyalusinizyo, Makani Mabotu aalufutuko lwanu, elyo nimwakazuminina nguwe mwakabikilwa citondezyo, nkukuti Muuya Uusalala ngutwakasyomezegwa kale. 14#2 Kor 1:22; 5:5Oyu Muuya nguwenya ncecitondezyo calukono lwesu ncitwapegwa sunu mane do kusikila kuciindi ncituzoolya lubono loonse akutembaula bulemu bwakwe.
Paulo ulalumba Leza
15 #
Kol 1:4,9 Nkaambo kaako mebo, mbuli mbemvwide lusyomo lwanu ndumujisi muli-Jesu Mwami, aluyando lwanu ndumuyandisya basalali boonse, 16#Kol 1:3nsileki kumulumbila lyoonse akumwaambilizya muzikombyo zyangu, 17#Kol 1:10Ndakomba kuti Leza wa-Mwami wesu Jesu Kristo, Visi wabulemu, amupe muuya wamaanu awaciyubunuzyo, mube aluzibo lwanguwe, 18#Dt 33:3,4; Kol 1:5,11kuti meso aamyoyo yanu abonesye, mumvwisye mbuzibede zintu nzimulangila nzyaamwiitila, ambwaabede manjdenjele malemu aalukono ndwaatupa akati kabasalali, 19#2 Kor 13:4; Kol 1:11; 2:12ambuzibede inguzu zyakwe impati loko ziinda nzyajisi kulindiswe, swebo nituzumina. Ezi inguzu zilabeleka muciyanza cigambya loko, 20#Int 110:1nzizyonya zyakalibonya muli-Jesu Kristo kuciindi eco ncaakamubusya kuzwa kubafu akumubika kujanza lyakwe lyalulyo mumyeenya yamujulu, 21#Kol 1:16; 2:10kuti ainde loko boonse beendelezi abapati abasinguzu abami, akulemekwa kwiinda mazina oonse aambwa, nikuba kuciindi ecino nikuba kuciindi ciciza, 22#Int 8:6; Mt 28:18; Ef 4:15; Kol 1:18Wakabika zintu zyoonse kunsi lyamaulu aakwe, alimwi wakamubika kuti abe simutwe wazintu zyoonse kumbungano. 23#Rom 12:5; Kol 1:19; 1 Kor 12:27; Ef 4:10Imbunganongano njiyonya ngumubili wakwe, mbobuzule bwayooyo uuzula zintu zyoonse.
Sélection en cours:
Ba-Efeso 1: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.
