Ba-Kolose 2
2
Paulo mbwaakali kusoleka kugwasya Ba-Kolose
1Njanda kuti muzibe mbwaabede masuzubo ngindi ao nkaambo kanu akaambo kabakwesu bali ku-Laodikeya abaabo ibatana kundibona kumeso aanyama, 2#Kol 1:26; Ef 3:18Ndayandisya kuti myoyo yabo isimizigwe, babe alukamantano lwakuyandana akuba alulamo luzwa kukumvwisya makani, bazibisye makani aasisidwe aa-Leza, nkukuti Kristo. 3#Is 45:3; Tus 2:3,4; Ef 3:19; 1 Kor 1:24,30Mulinguwe muzisisidwe imbono zyoonse zyamaanu azyaluzibo. 4#Rom 16:18; Ef 4:17; 5:6Aya makani ngendaamba ngakuti kutabi muntu naba omwe uukonzya kumweena amajwi aakumuyunga, 5#1 Kor 5:3; 14:40nkaambo ndi kule mumubili, nekubaboobo moyo wangu nkuuli nkukonya nkumubede, nkabela ndakondwa kukubona mbumubambide kabotu buumi bwanu ambumusungide lusyomo lwanu ndumusyomya Kristo.
Baleelede kuya hunembo mubuumi bwabunakristo
6 #
Ef 4:17
Lino mbuli mbumutambwide Kristo Jesu Mwami, amweende mulinguwe. 7#Ef 3:17; 2:20,22Miyanda yanu imusimpye, kamuciya buyakwa mulinguwe, amuliyumye mumakani aalusyomo mbuli mbumwakaiisigwa, mufwasuke kulumba.
Bu-Leza buzulide mbubukede muli-Kristo
8 #
Ef 5:6
Amucenjele kuti kutabi muntu naba omwe uumuyunga kukusongwaalasongwaala akukwaamba makani aatawo aazwa kutunsiyansiya twabantu, aazwa kuzilenge zitaanzi zyaansi, aatazwi kuli-Kristo pe, 9#Joh 1:14,16Nkaambo muliKristo mubukede bu-Leza boonse buzulide camubili, 10#Ef 1:21nkabela mulinguwe mumonya mumuzulizidwe inywe, alimwi ngonguwe simutwe waboonse basinguzu abasibwami. 11#1 Pet 3:21; Rom 2:29Mulinguwe mwakapalulwa bupalule butali bwamaanza aabantu, butali bwakukoswedwa nyama kumubili, mwakapalulwa bupalule bwinibwini bwa-Kristo. 12#Rom 6:4; Kol 3:1; Ef 1:19,20Mwakazikwa awe mulubapatizyo lwanu, alimwi mwakabusigwa awe nkaambo kakusyoma inguzu zyayooyo iwakamubusya kuzwa kulufu.
Kristo mbwaakaleta lufutuko
13 #
Ef 2:1-5
Nkabela inywe mwakali bafu muzibi zyanu amukutapalulwa kwamibili yanu, nekubaboobo wakamubusya antoomwe a-Kristo. Wakatulekelela indubizyo zyesu zyoonse, 14#Ef 2:14,15; 1 Pet 2:24wakazizyanya yoonse milumbe iigwedwe amaboko iyakali kutuminya, wakaisangaula yoonse akwiibambula aciingano cakwe, 15#Kol 1:13Abalo basinguzu abasibwami wakabasamununa, wakabafwisya insoni kumeso aabantu, wakabazundya kunguzu zyaciingano.
Tunsiyansiya twaba-Juda tatugwasyi. Kristo alike nguugwasya
16 #
Rom 14:1-6
Lino kutabi muntu naba omwe uumubika kaambo mumakani aakulya nanka kunywa nanka ipobwe nanka mweezi mupya nanka buzuba bwaSabata. 17#Heb 8:5; 10:1Nkaambo ezi zintu zyoonse ncimvule buyo cazintu ziciza, pele mubili wini ngu-Kristo. 18Kutabi muntu uumuunina mbuli mbwayanda mumakani aakulibombya akukomba baangelo, akwaamba cakulibosezya azilengano zyamumoyo wakwe akulisumpula kumiyeeyo yakwe yanyama, 19#Ef 2:21; 4:15,16pele tajatene a-Mutwe. Kunsi kulinguwo mubili woonse, mbuulungene mungo amumilambi nzyuubambilidwe, ulakula abukule bwa-Leza.
Milao buyo tiikonzyi kukoma zisusi zyanyama
20 #
Gal 4:3,9 Kuti mwakafwa a-Kristo akupuzuka kuzwa kuzilenge zitaanzi zyaansi, ino nkaambonzi mucipona mbuli bantu baansi akuzuminina zitondo zili boobo 21#Gal 6:8zyakuti, Utagumi cintu, nanka Utalabili, nunka Utaampi. 22Ezi zyoonse nzezyazintu ziti maninine zyabelesegwa buyo, nkabela zitondo zili boobu zilazwa kumilao akunjiisyo zyabantu. 23#Rom 13:14; 1 Tim 4:3Zilaambwa kuti nzyabusongo, mbuzili zyakulikombya beni akulibombya akulivulunganya mumubili, nekubaboobo tazijisi milimo yakutulesya kuzuminina zisusi zibi zyamyoyo yesu.
Sélection en cours:
Ba-Kolose 2: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.
