1 Timoteo 6
6
Zyeelelo zyabazike
1 #
Ef 6:5; Tit 2:9,10 Boonse abo abali mujoko lyabuzike kabapa bulemu boonse kulibasimalelo aabo, kuti kubule butongo bwaambwa bulwanya izina lya-Leza alwiisyo lwakwe, 2#Flm 1:16Alimwi abo bali abasimalelo aabo basyoma, batanoobasampauli nkaambo mbanabakwabo, pele kabaindilizya kubamanina milimo, nkaambo abo mbobabelekela milimo mbasyomi, alimwi mbayandwa.
Aabaiyi babeji. Aacivulemwangu
Aya konga koafundisya akwaakombelezya. 3#Gal 1:6-9; 2 Tim 1:13Kwanooli muntu uufundisya bumbi, kufundisya kutajanene amakani aaelede ngaakaamba Mwami wesu Jesu Kristo alwiisyo lwabukombi bwinibwini, 4oyo walisumpula taakwe ncazi. Moyo wakwe uli abulwazi bwakuyandisya ibuzyanyo ankondo zyamajwi, nkokuzwida ibbivwe, alukazyanyo, amajwi aakusampaula, akweezeezya kubi, 5#2 Tim 3:8; 4:4; Tit 1:14akulwana kwabantu bali amiyeeyo mibi akutaba alusinizyo. Aba bayeeya kuti kukomba ncecintu cijanya lubono.
6 #
1 Tim 4:8; Heb 13:5; Flp 4:11,12 Mbukubede! Kukomba kulajanya lubono lunji, na moyo uli alulamo, 7#Muk 5:14; Job 1:21 nkaambo takukwe ncotwakaleta ansi ano nociba ncotukonzya kutolelela nkuko, 8#Tus 30:8aboobo kufumbwa twanoojisi cakulya acakulivumba, nciconya eco mbubo ncinji, 9#Tus 23:4; 28:22Pele abo bayandisya kuvuba balawida mukutepaulwa amukuteegwa amuzisusi zibi zinji zyabufubafuba zibisizya buumi akubbizya bantu mukunyonyauka amukusweeka. 10#Ef 5:5Nkaambo kuyandisya lubono ngomuyanda wabubi boonse, eno nkaambo kakuluyandisya bamwi ncobaleela kulusyomo, elyo zyabajaya insoni zinjizinji.
Inkombelezyo zyakumamanino
11 #
2 Tim 2:22
Pele yebo, omuntu wa-Leza, kozicija zintu ezi zili boobu. Kogamine kutobela bululami, akukomba, alusyomo, aluyandano, alukakatilo, alulibombyo. 12#1 Kor 9:25,26; 2 Tim 4:7Yasana lumamba lubotu lwalusyomo, jatisya buumi butagoli, mbowakaitilwa, niwakalilungulula lulilungululo lubotu kubusyu bwabantu boonse. 13#Joh 18:36,37; 19:11Ndakulailila kubusyu bwa-Leza, uupa buumi kuzintu zyoonse, akubusyu bwa-Kristo Jesu, uwakalyaamba lulilungululo lubotu kunembo lya-Pontiyo Pilato, 14kuti uyobole aya makani ngowalaililwa, cakubula impu nanka kampenda, mane do kubuzuba mbwayoopompa Mwami wesu Jesu Kristo. 15#1 Tim 1:11; Ciy 17:14; Dt 10:17Oko kupompa kuyooba kuciindi ceelede, nkaambo uyookuleta Singuzu uutembaulika, uuiide alike, Mwami wabami, Mweendelezi wabeendelezi, 16#Kul 33:20uupona amuyamyaaka, uukede mumumuni uutavulwa afwaafwi, uutanabwene nokuba kukonzeka kubonwa kumuntu. Abe abulemu anguzu zitamani. Ameni.
17 #
Int 62:10; Lk 12:20; Rom 12:16 Kolailila boonse abo bavubide ecino ciindi, kuti batalinuniki nokuba kusyoma buvubi butasyomeki, pele kusyoma Leza uutufonkweda zintu zyoonse kuti katunga katuligwasya nzizyo, 18Kobalailila kuti bacite milimo iiluzi, kuti babe bavubi mukumana milimo mibotu, kuti kabafwamba kupa akwaabilana abeenzinyina. 19#Mt 6:20Kabaliyobweda intalisyo imbotu yaciindi ciza, kuti bajatisye buumi bwinibwini.
20 #
1 Tim 4:7; 2 Tim 1:14 Yebo Timoteo, kobamba makani aabikidwe kulinduwe, futatila kwaamba kwakasankusanku akukazyanya kwaceeco caambwa cakubeja kuti nduzibo, 21#1 Tim 1:6; 2 Tim 2:18ndobaamba bamwi kuti tuli alo, anu balileede kulusyomo.
Amube aluzyalo.
Sélection en cours:
1 Timoteo 6: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.