Salamo 128
128
Ny hatsaran’ny tokantranon’ny olona matahotra an’Andriamanitra.
1Fihirana fiakarana.#128.1 Na: Fihirana misy hevitra ambaratonga.
SAMBATRA izay rehetra matahotra an’i Jehovah,
Dia izay mandeha amin’ny làlany.
2Fa hohaninao tokoa ny asan’ny tànanao;
Sambatra sady ambinina hianao.
3Ny vadinao dia tahaka ny voaloboka mahavokatra
Ao anatin’ny tranonao;
Ny zanakao dia tahaka ny zanak’oliva
Manodidina ny latabatrao.
4Indro, fa toy izany no hitahiana
Izay lehilahy matahotra an’i Jehovah.
5Hitahy anao avy any Ziona anie Jehovah;
Ary ho faly hahita ny fahasoavan’i Jerosalema anie hianao
Amin’ny andro rehetra hiainanao.
6Eny, hahita ny zafinao anie hianao;
Fiadanana anie ho amin’ny Isiraely.
Sélection en cours:
Salamo 128: MBP
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Baiboly Protestanta Malagasy © Malagasy Bible Society, 1965, 2019.
