Yaþ 34
34
Sikem yerr kï Dina, ad Simeõ kï Lebi ndan ngïra
1Dina, ngon kïdë kï Lea ooja kï Jakob, tee aw kad n'ngana kï ngan kïdë kï døningt'n non. 2Sikem, ngon Hamør kï Hebia, ngar kï døning'n non ooa, ørra, to sia na tuja. 3Sikem nda kamïn dø Dinat, ngon Jakob kïdë. Tar ngon kïdë'n non, na ða ad ngon kïdë kaa ada kamïn ho. 4Sikem el bøwïn Hamør an: I taa ngomand'n non adïm kad i nëm. 5Jakob oo hoi yerr'n yerrïn kï Dina, ngonïn kïdë. Na ngana kïdïngã în kam mut kï nyakulg, kïta 'nten Jakob ndï tan mbo mbã kad telïn kamtã.
6Hamør, bøw Sikem, tee aw ro Jakobt kad kï n'el sia ta. 7Lon ngan Jakob telïn kam mut ðen, na oon hoi nyan ða nya ye, kamd tuj, kamla, wong ðad ngãi kïta Sikem ða nya kï majal dan ngan Israel, ad to kï ngon Jakob. I nya kï sumba ða al. 8Hamør eld ta an: Kam ngonïm Sikem i dø ngonsït kïdë ngãi. M'køsï kï adïna taa nënt. 9I højïn noj kïtakul taana. Adjïn ngansï kïdë kï tad, na i taan nganj kïdë ho. 10A i ndïn nat sej, lo to kari nõsït I ndïnt, i ðan gat tit, i telïn ngénya kamt.
11Sikem el bøw Dina kï ngankõag kïdïngã an: Kï m'ngah maj takumsït. Na m'a m'adsï nya'n a i damïn. 12I gangïn nar girra ngãi dømt kï kadkarig kïbo, na m'a m'ba nya'n elmïn, na admïn ngon kïdë nëmt 13Ngan Jakob turïn Sikem kï bøwa Hamør ta kï lo goolt kïta Sikem yerr kï kõnand Dina. 14Elïnd anan: J'asï ða nya 'nten al, kad j'ad kõnanj taa de kïkanj jagaj kïta a i nya kï rosøl rojt. 15J'a kï ndig sesï lon a i ðan nya 'nten tã: Kad i tit'n sej be: Kï adïn dekïdïngã kïðen kusït jagaj, kamla j'a kï ndig ta losï ye. 16Titbe j'a kï j'adsï nganj kïdë kad i taan ho, jî j'a kï taa ngansï kïdë ho, j'a kï ndï nat sesï, na j'a kï telïn girrdeg kïkïða. 17Na îla i ndigïn koo dø ta loj kad i jan gaj al a ne, j'a kï j'un ngonj kïdë j'awïn. 18Ta lod nel Hamør kï Sikem, ngon Hamør. 19Basan non ndï køkï al dø nyat'n dana kad ða kïta ngon Jakob kïdë nela ngãi. I de kï nga køsïgon tøi deg tube kam þet lo bøwïn.
20Hamør kï ngonïn Sikem awïn, ðan tabit kand kam þet lod, na elïn ta kï deg kïkam þebot lod, anan: 21Deg'n non ndïn sej kï lapia. Ad kï j'ad'd ndïn kam døningt loj, na kï ðan gat tit. Oon døning i kïtat asïd. J'a kï taa ngand kïdë nëjgt, na j'a kï j'ad'd taan nganj kïdë ho. 22Deg'n non ndïg ndïn nat sej kad kï tel girrdeg kïkïða, îla dekïdïngã kïðen kujt jagaj kamtã, tit'n hã în kïdød jan ne gaj. 23Mangg lod kï nyag lod kï nyakulg lod tube a în loj ale? Ad kï ndigïn ta lod koon, na a ndïn sej nat 24Tubeg 'nten kïtïga tabit kand kam þebot ye, oon dø ta lo Hamør kï ngona Sikem, na dekïdïngã kïðen'n tee kïtïga tabit kand kam þebot ye, jana gaj.
25Ndø kïkõmïta lon dó ndï tod þaitø ye, ngan Jakob kïdïngã joo, Simeõ kï Lebi, ngankõ Dina, øin kiyaðøøg lod, andïn kam þebot kïkanj þool, tølïn dekïdïngãg tube. 26Tølïn Hamør kï ngona Sikem kï takat kiyaðøø, ørrïn Dina kam kujt lo Sikem kïtïga, na teen. 27Ngan Jakob son dø ngedoogt, na tirïn þebo'n non pur kïta yerr'n Hamør yerr kï kõnand. 28Høn batg lod kï mangg kï korrog øin nyag tube kïkam þebot kï nyag tube kïkam ndøøt. 29Øin nyamajg lod tube, høn ngandg tube kï nëdg, na tirïn nyag kïkam kujgt pur.
30Kamla Jakob el Simeõ kï Lebi an: admïn kõ, i telïmïn nya kïkootþoolt ro Kanaagt kï Perejiag kï ngéndï døningt 'nten Mî taa, m'aw kï deg tëbe, na deg'n non a kawïn na kïnat ndoormïn, a ðøøn sem, na a nujmïn, mî kï ngékïþe lom. 31Turïna anan: Ðà kõnanj tit kaya dekïdë be ye, i goot a?
Sélection en cours:
Yaþ 34: MB80
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
BIBLE MBAÏ © 1980 Alliance Biblique du Tchad.
