Genesi 10
10
Vanakomana vaJafeti, naHamu naShemu
1Ndiwo marudzi avanakomana vaNowa, naShemu, naHamu, naJafeti; ivo vakaberekerwa vana shure kwemvura zhinji.
2Vanakomana vaJafeti ndivo: Gomeru, naMagogi, naMadhai, naJavhani, naTubhari, naMesheki, naTirasi. 3Vanakomana vaGomeru ndivo: Ashikenazi, naRifati, naTogarima. 4Vanakomana vaJavhani ndivo: Erisha, naTashisi, naSaipurasi, naDhodhanimu. 5Kwavari kwakabva vanhu vezvivi zvakapararira. Ndivo vanakomana vaJafeti munyika dzavo, mumwe nomumwe norurimi rwake, nemhuri dzavo, nendudzi dzavo.
6Vanakomana vaHamu ndivo: Kushi, naIjipiti, naRibhia, naKenani. 7Vanakomana vaKushi ndivo: Sebha, naHavhira, naSabhata, naRama, naSabhuteka; navanakomana vaRama ndivo: Shebha naDhedhani. 8Kushi akabereka Nimurodhi, ndiye akatanga kuva nesimba panyika. 9Akanga ari mudzimba mukuru pamberi paJehovha; naizvozvo vanoti, “SaNimurodhi, mudzimba mukuru pamberi paJehovha.” 10Ushe hwake hwakatanga paBhabheri, neEreki, neAkadhi, neKarine, panyika yeShinari. 11Akabuda kunyika iyo, akaenda Asiria, akavaka Ninivha neRohobhoti–iri, neKara, 12neReseni, pakati peNinivha neKara (iri iguta guru). 13Ijipiti akabereka vaRidhia, navaAnami, navaRehabhi, navaNafituhimu, 14navaPaturusi navaKasiruhi, (vaFirisitia vakabva kwavari), navaKafutori.
15Kenani akabereka Sidhoni, dangwe rake, naHeti; 16naVaJebhusi, naVaAmori, naVaGirigashi; 17naVaHivhi, naVaAriki, navaSini, 18navaArivhadhi, navaZemari, navaHamati. Shure kwaivava mhuri dzaVaKenani dzakapararira. 19Muganhu waVaKenani wakatanga paSidhoni, ukaenda Gerari, ukasvika Gaza, ukaenda Sodhoma, neGomora, neAdhamu, neZibhoimu, ukasvika paRasha. 20Ndivo vanakomana vaHamu, mhuri dzavo, nendimi dzavo, munyika dzavo, nendudzi dzavo.
21Naiye Shemu, baba vevana vose vaEbheru, mukuru waJafeti, akaberekerwa vana. 22Vanakomana vaShemu ndivo: Eramu, naAsheri, naAripakishadhi, naRudhi, naAramu. 23Vanakomana vaAramu ndivo: Uzi, naHuri, naGeteri, naMashi. 24Aripakishadhi akabereka Shera, Shera akabereka Ebheru. 25Ebheru akaberekerwa vanakomana vaviri, zita romumwe rakanga riri Peregi, nokuti pamazuva ake nyika yakakamurwa; zita romunun'una wake rakanga riri Jokitani. 26Jokitani akabereka Arimodhadhi, naSherefi, naHazarimavheti, naJera; 27naHadhoramu, naUsari, naDhikira; 28naObhari, naAbhimaeri, naShebha; 29naOfiri, naHavhira, naJobhabhu; ava vose vaiva vanakomana vaJokitani. 30Kwavakagara ndiko: kubva paMesha, kuenda Sefari, kugomo rokumabvazuva. 31Ndivo vanakomana vaShemu, mhuri dzavo, nendimi dzavo, munyika dzavo, nendudzi dzavo.
32Ndidzo mhuri dzavanakomana vaNowa, nedzimba dzavo, nendudzi dzavo; kwavari kwakabva ndudzi dzose dzakapararira, shure kwemvura zhinji.
Sélection en cours:
Genesi 10: SUB
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Shona Union Bible © Bible Society of Zimbabwe, 2002.
