Medheteththa Maxaafa 9
9
Xoossi Nohera Gelida Caaqo Qaala
1Xoossi Nohenne iza nayta, «Yelettite; corattite; biitta ubbaa kumite.#Medhe 1:28 2Biitta do7ati, kafoti, biittan woxxi qaaxxiza miishshatinne abba giddon diza moleti wuri inttes yayettonne dagammetto; istti intte shenen detto. 3Ta inttes biittafe mokkiza dumma dumma kaththata immida malakka shemppora paxa diza medheteththati wuri inttes quma gidana. 4Shemppoy suuththa giddon diza gishshas suuththi izappe gukkontta asho moopite.#Lewe 7:26-27; 17:1-16; 19:26; Zaare 12:16,23; 15:23 5Tani intte shemppoy izan diza intte suuth meheppenne do7a ubbaafe tumu ta oychchana; qasse asa ubbaafekka iza mala asa suuth oychchana. 6Xoossi as bana misatissidi medhdhida gishshas asa suuth gussiza oonakka gidikko iza suuththika asa kushen gukkana.#Medhe 1:26; Kessa 20:13 7Intte yelettite; corattitenne; biitta bolla keehi darite» gi anjjides.#Medhe 1:28
8Hessafe guye Xoossi Nohenne izara diza iza nayta hizgides; 9-10«Histtiin ha7i tani ta caaqo inttenara, inttefe guye intte zereththaranne nenara shemppora diza medheteththatara caaqettadis; ee! Tani ta caaqo kafora, mehera, biitta do7a ubbaaranne markabeppe inttenara kezida paxa diza medheteth ubbaara caaqettadis. 11Tani inttenara caaqettadis; hayssafe sinththan paxa dizay wuri dhayssiza haaththan mulekka dhayenna; ha biittaa dhayssiza haaththi hayssafe guye mulekka deenna» gides.
12Qasseka Xoossi, «Tani taappenne inttefe, inttenara diza paxa medheteththatas ubbaafe giddon yaana yeleta ubbaara caaqettiza caaqozas malatay hayssa; 13tani ta zuulla salo bolla essana; izi taappenne ha biitta bolla diza medheteththafe giddon diza caaqozas malata gidana. 14Tani biittafe bollan shaara ehida wodenne shaara bollan zuullay beettida wode, 15‹Paxa diza medheteth ubbaa dhayssanaas hayssafe sinththan mulekka dhayssa haaththi yeenna› gaada taappenne inttefe paxa diza dumma dumma qommo medheteththata ubbaafe giddon caaqqida ta qaalaa ta qoppana. 16Zuullay shaara bolla beettida wode aydekka tani iza beyada taappe Xoossaafenne ha biittaa bollan paxa diza dumma dumma qommo medheteththa ubbaafe giddon caaqo gelida mernaa caaqo qaalaa ta hassa7ana» gides.
17Xoossi Nohe, «Tani taappenne ha biitta bollan paxa diza ubbaafe giddon caaqqida caaqozas malatay hayssa» gides.
Nohenne Iza Nayta
18Markabezappe kezida Nohe nayti Seeme, Kaamenne Yaafeete; Kaamey Kanaane aawa. 19Hayti heedzdzayka Nohe nayta; biitta ubbaan diza asay isttafe yelettides.
20Nohey goshshanchcha; izi woyne mith toketh oykkides. 21Issi gallas izi woyneppe oosettida cajje uyi maththottidi ba Dunkaaneza giddon paxa kallo ichchides. 22Kanaane aawa Kaamey ba aawaa kalloteth be7idi kare kezidi ba ishata nam7atas yootides. 23Gido attiin Seemeynne Yaafeetey may7o ekkidi nam7ayka ba hashe hashe bolla gaththi oykkidi gundiguth hemetti gelidi ba aawa kalloteth kammida; istti ba aawaa kalloteth be7ontta mala ba ayfeso guye zaarida.
24Nohey maththoy aadhdhiin beeggidi ubbaafe kaalo naazi ba bolla ooththidayssa eridi,
25«Kanaaney qanggettidaaz gido!
Izi ba ishata aylletas
aylle gido!» gides.
26Qasseka Nohey,
«GODAY, Seeme Xoossi galatetto!
Kanaaney Seeme aylle gido!
27Xoossi Yaafeete biitta aasso!
Yaafeete#9:27 Yaafeete: Yaafeete guussi aasso guussa misatees. zereththati
Seeme zereththatara detto!
Kanaaney Yaafeete
aylle gido!» gides.
28Dhayssa haaththafe guye Nohey 350 layth de7ides. 29Nohey mulera 950 layth deyidi hayqqides.
Sélection en cours:
Medheteththa Maxaafa 9: GM
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Word for the World International
