မာကု 1
1
တရာပ်ုန်ဟောဂြည် ဗတ္တိဇံဆရာယောဟန်
(မဿဲ ၃.၁–၁၂; လုကာ ၃.၁–၁၈; ယောဟန် ၁.၁၉–၂၈)
1ယာမ်စ ဆဒါင်ကျ ကွံန်ဖြာ#၁.၁ န်ုပံပ်ဘေဲႇကျံမ် ပ်ုန်တဲမ်ဇောမ်တီ ပ်ုရ်ဒီဂဲ ကာပါစိ ကွံန်ဖြာ။ အကျံင်ယေဆုခရိ မိူဝ်ႈခိူည်အီုဝ်။ 2ပ်ုန်တဲမ်အူန် တန်ုဘေဲႇကျံမ် ပရောဖက်ဟေရှာယမိူဝ်ႈ၊
“ဖြာဒါႈ၊ ‘ငိူပ်မေန်၊ အောဒီပ္လေါည်လေႈ ဖဇ်ုတပ္လေင်အော ရအာတ်မီ၊ အတွ ရဲန်ပိူဝ်ႈဒဲႈ ရဒေင်လာ်ႈ ကီုရ်ညာဖြာ။’
3တန်ုကန္တာရ ဘီအူကူပြိုႈဒါႈ၊
‘ရဲန်ဘြဲရဒေင် အတွစွလေႈ ကီုရ်ညာဖြာ၊
ရ်ုရ်ဒဲႈ ရဒေင်လာ်ႈအ်ုန် ဆီုဝ်ဆီုဝ်အေ့။’ ”
4ကောပ်ခိူည်ဒီန် ယောဟန် ပေါရောတ်ဒေ ဟောဂြည်တရာ တန်ုကန္တာရ ဒဲႈပွံတ် မံင်ဂလာဗတ္တိဇံ။#၁.၄ ကောပ်ခိူည်ဒီန် ယောဟန် ပေါရောတ်ဒေ ဟောဂြည်တရာ တန်ုကန္တာရ ဒဲႈပွံတ် မံင်ဂလာဗတ္တိဇံ၊ ယိူဝ်တပံပ်ဘေဲႇကျံမ် ပ်ုန်တဲမ်ပ်ုရ်ဒီဂဲ၊ ဗတ္တိဇံဆရာယောဟန် ဟောဂြည်ဒဲႈတရာ အ်ုန်လိူရ်ႈ တန်ုကန္တာရ။ အ်ုန်ဒါႈ တဘီဂဲ၊ “ဒဲႈပဲလှောႇဖိူမ် ဒိုရ်အပေတ်ဒေ ခါမ်ပွံတ် မံင်ဂလာဗတ္တိဇံ၊ က်ုန်ညာခိူည်ဒီန် ဖြာ ဒီပ္လိုတ်ခွါင်ဒဲႈ အပေတ်ပဲ။” 5အခိင်ဒီန် ဘီကုင်ဘီရူ တကုင်ယေရုရှလင်၊ ဘီကပီုန်ကုင်ယုဒ ဘာ့်ဘာ့်ဘိူဝ်ဘိူဝ်ဂဲဒီန် လေႈလာ်ႈဇူ တယောဟန်။ ဂဲလာည်ဂြည်ပျဒိုည်ႇ အပေတ် ပ်ုန်က်ုရ်လူတ်ဒေ တအ်ုန် ဂဲခါမ်ဒိုည်ႇပွံတ် မံင်ဂလာဗတ္တိဇံ န်ုအိုမ်ယော်ဒန်။
6ယောဟန် ချူပ်ဒေဒါ ဂြူရ်ုရ် တဟုကလာအု၊ တုပွံတ်ႎံရ်ဆဲႇဆရေ တညွည်ဒေ၊ အ်ုန်ဟောမ် ႎါႇဆျှံတ်ငှေါဂါရ် ငါမ်ဖျံရ်ဘြီ။ 7အ်ုန်ပြိုႈဂြည် တဘီဂဲ၊ “အီအ်ုန်မျြံတ်ဒါင် ဒိုရ်အော ဒီစွလေႈရဘံန်အောယာ့်။ ကူပ်အောကာႈဒဲႈ ႎံရ်ချှူပ်စာပ်အ်ုန်လိုည် အောကာထိူဝ်ႇ။ 8အောအီုဝ် ဒဲႈတပဲ မံင်ဂလာဗတ္တိဇံ ဇ်ုတ်တအိုမ်၊ ကောည်လိုည် အ်ုန်ဒီဒါႎိငျံန်ဆပဲ ဒဲႈမံင်ဂလာဗတ္တိဇံ တပဲ။”
ယေဆု ခါမ်မံင်ဂလာဗတ္တိဇံဂါရ် ဘ်ုပ်ခါမ်ကဝ်ဆျှူ
(မဿဲ ၃.၁၃; ၄.၁၁; လုကာ ၃.၂၁–၂၂; ၄.၁–၁၃)
9အခိင်ဒီန် ယေဆု ယိူဝ်ႇဒိုရ် ကုင်နာဇရက် တကပီုန်ဂါလိလဲ၊ စွလေႈဇူ ခါမ်ပွံတ် မံင်ဂလာဗတ္တိဇံ တယောဟန် တအိုမ်ယော်ဒန်။ 10ယာမ်ယေဆု ယိူဝ်ႇဇံင် ဒိုရ်န်ုအိုမ်၊ အ်ုန်ယိူဝ်ဒေငိူပ် ပ္လေင်က်ုရ်ပိူဝ်ႈပွံတ်ဒေ၊ ႎိငျံန်ဖြာ ညာခိူည်ဆီမ်အပ္လိုည် လေႈစံပ် ဒါ့်တပါင်ယာႇဒေ။ 11#မ ၃.၁၇; ၁၂.၁၈; မာ ၉.၇; လု ၃.၂၂ဟွည်ႇဒီန် ဂံရ်ႈလေႈ ဒိုရ်န်ုပ္လေင်ဒီန် ဒါႈ၊ “မီ မိူဝ်ႈညှိုႈ ကွံန်ပ်ုန်ရံက်အောယာ့်၊ မီဇူႈညှိုႈ နွံရ်ႈဖိူမ်အော။”
12ဟွည်ႇဒီန် ႎိငျံန် တောႇလာ်ႈပွံတ် ယေဆု တန်ုကန္တာရ အူဒီန်တောအူဒီန်။ 13ယာမ်ဒီန် အ်ုန်ဂွည်ဒေ တန်ုကန္တာရ ဖိုန်ကိူရ်ဆငီ၊ ဘ်ုပ်က်ုရ်တူႈ စာတန် ကီုရ်နံမ်ချှိုဂဲ ကဝ်ဆျှူစုင်ဇာမ်ဒေ။ အ်ုန်ဂွည်ရူမ် ဇောမ်တိုဘြီချှိုဂဲ အရာပ်ဒီန်၊ တမန်ဇ်ုဂဲတပ္လေင်မိူဝ်ႈ လေႈပေါဒေ ဟျံင်လူမ်လာပွံတ်အ်ုန်။
ယေဆုတောႇ အီဘဲႇကာဖိုန်ကူ
(မဿဲ ၄.၁၂–၂၂; လုကာ ၄.၁၄–၁၅; ၅.၁–၁၁)
14ယောဟန် ဟွည်ႇ က်ုရ်တူႈ ဘ်ုပ်ဇာ်ႈထံင်၊ ယေဆု စွလာ်ႈပွံတ်ဒေ တကပီုန်ကုင် ဂါလိလဲ၊ ဟွည်ႇဒီန် အ်ုန်ဟောဂြည် ဆဒါင်ကျဖြာ၊ 15#မ ၃.၂အ်ုန်ဒါႈ “အခိင်ဟွည်ႇပြေ့စုင်၊ ကပီုန်ကုင်ဖြာ ဟွည်ႇဒံတ်တဲယာ့်၊ ဒဲႈပဲလှောႇဖိူမ် ဒိုရ်အပေတ်ဒေ၊ ညှိုမ်ဆဒါင်ကျအီုဝ်အေ့။”
16ယာမ်ယေဆု စွလာ်ႈရာင်ကောည်ဒေ တပြါအိုမ်ဆက္လုင် ဂါလိလဲ၊ အ်ုန်ယိူဝ်ဒေငိူပ် ရှိမုန် ဇီုဝ်ပေတရုဂါရ် အန္ဒြေ ႎါႎည် မိူဝ်ႈအီဘဲႇကာ၊ ဂါရ်ဒါ့်ပျာ်ႈ ရရ်ုပ်ကာဒေ တန်ုအိုမ်ဆက္လုင်။ 17ယေဆုဒါႈ တဂါရ်၊ “လာ်ႈ ဇောမ်ရဘံန်အော၊ ပါရ်အာရ်ကူဒီန် အောဒီဒဲႈပဲပဲန် အီဘဲႇတိုဘီ။” 18ဂဲဒီန်မိူဝ်ႈ ပဲတ်ပွံတ်ရရ်ုပ်ကာဒေ အူဒီန်တောအူဒီန် လာ်ႈဇောမ်ပွံတ်အ်ုန်။ 19ဘံန်ဟွည်ႇ စွလာ်ႈဘိုန် အရာပ်ဒီန်တရီတ် အ်ုန်ယိူဝ်ဒေငိူပ် ကွံန်အီမဲဇေဗေဒဲ ယာကုပ်ဂါရ် ယောဟန် ႎါႎည်အာရ်ကူ၊ ဂဲ ဒါ့်က်ုန်ဘာန် ရရ်ုပ်ကာဒေ တပါင်ရိူဝ်။
20ဘံန်ယေဆု ယိူဝ်ဒေငိူပ် အ်ုန်တောႇပွံတ်ဂါရ် အူဒီန်တောအူဒီန်၊ ဂါရ်ဒီန် ပဲတ်ပဲတ် ကူန်ဒေ ဇေဗေဒဲ ဒါ့်ဂွည်ဒေဇောမ်ဘီစာင်ဂဲ တပါင်ရိူဝ် လာ်ႈဇောမ်ပွံတ် ရဘံန်အ်ုန်။
ကီုရ်နံမ်ချှို လီပ်စံပ်တအီအူကူ
(လုကာ ၄.၃၁–၃၇)
21ဟွည်ႇဒီန် ယေဆုဂါရ် တဘဲႇအ်ုန်ဂဲ လာ်ႈလီပ်ဒိုည်ႇ တန်ုကုင် ကပေရနောင်၊ ဘံန်ရောတ် ဆငီဆဒါင် ယေဆုလီပ်ပွံတ် တကျောင်ရဆောန်ဒဲႈတရာ အ်ုန်ဆာင်ဆောန်ပွံတ်ဂဲ။ 22#မ ၇.၂၈,၂၉ယာမ်ဒီန်ဖုင်ဘီဂဲ ယိူဝ်ဒေဆတီုင် ငဲပ်ုန်ဆာင်ဆောန်အ်ုန် ဂဲညာအာမ်ဒိုည်ႇပွံတ်ဒေ။ ပ်ုန်ဆာင်ဆောန်ဒဲႈအ်ုန် ကာနှေရ်စိ ခိူည်တာဆရာနံပ်ဘေဲႇကျံမ်ဂဲ၊ ညာခိူည် ဘီယိူဝ်အခွါင်အာဏာ ဆုင်မဆာင်ဆောန်ဒဲႈ တဘီဂဲ။
23ဟွည်ႇဒီန် တန်ုကျောင်ရဆောန်ဒဲႈတရာ ယိူဝ်ကီုရ်နံမ်ကာကျကာလ လီပ်စံပ် တအီအူကူ လာ်ႈရောတ် အ်ုန်ပြိုႈဒေဒါႈ၊ 24“အိူဝ် ကွံန်ကုင်နာဇရက် ယေဆု၊ ဆေမီ က်ုရ်ဆဴင် တယဲ၊ မီလာ်ႈရောတ် တအရာပ်အီုဝ် မိူဝ်ႈအတွ ပ်ုန်လူယဲအဲႈ။ အဆေမီမိူဝ်ႈ ယဲနံပ်အေ့၊ မီမိူဝ်ႈ ဘီမျြံတ်ဆပဲဖြာ။”
25ယေဆု ဒါႈငဲဆုင်မပွံတ် တကီုရ်နံမ်ကာကျကာလဒီန်၊ “ဂွည်ညီမ်ညီမ်၊ လေႈပွံတ်မီ ဒိုရ်အ်ုန်။”
26အခိင်ဒီန် ကီုရ်နံမ်ကာကျကာလ ဟွည်ႇယူႈရဲင်ပ်ုန်ခေါပွံတ် အီကူဒီန်၊ ပြိုႈဂံရ်ႈရဲင်ရဲင် လေႈပွံတ်ဒေ ဒိုရ်တိုအ်ုန်။ 27ဟွည်ႇဒီန် ဘီဂဲ ညာအာမ်ဒိုည်ႇပွံတ်ဒေ၊ ဂဲလာည်က်ုရ်မိုန်တဒေ အူကူတောအူကူ ဂဲဒါႈ၊ “ပ်ုန်ဆာင်ဆောန်အ်ုန် က်ုန်မဲအီုဝ် ဆေမိူဝ်ႈအဲႈ။ အီကူအီုဝ် ယိူဝ်အခွါင်အာဏာ ဘံန်အ်ုန်ဒဲႈအမိင် တကီုရ်နံမ်ကာကျကာလဂဲ ဂဲဇူဒိုည်ႇငဲပ်ုန်ဂြည်အ်ုန်။”
28ဘံန်ညာခိူည်ဒီန် အကျံင် ဆဒါင်ယေဆုမိူဝ်ႈ ပြံတ်ဖာည်ပွံတ်ဒေ တန်ုကပီုန်ဂါလိလဲ အရာပ်တွံန်တီတွံန်တီ။
ယေဆု ဒဲႈဘီဘာ့်ဘိူဝ်ဂဲ ချံမ်ဆာ
(မဿဲ ၈.၁၄–၁၇; လုကာ ၄.၃၈–၄၁)
29ဟွည်ႇဒီန် ယေဆုလေႈရူမ်ဇောမ် တဘဲႇဒေ ယာကုပ်ဂါရ် ယောဟန် ဒိုရ်ကျောင်ရဆောန်ဒဲႈတရာ၊ လာ်ႈပွံတ်တဂါင် ရှိမုန်ဂါရ် အန္ဒြေ။ 30ကန်ရှိမုန်ပီ စံပ်ဆူဖိူဝ်နာ ဒါ့်အီတ်နှေရ်ဒေ တရအီတ်၊ ဂဲဂြည်ပွံတ် အကျံင်အ်ုန် တယေဆု အူဒီန်တောအူဒီန်။ 31အ်ုန်လာ်ႈဇူပွံတ် အီပ်ုန်ဒီန်၊ ဘာတီပျိုႇယိူဝ်ႇပွံတ်အ်ုန်၊ ဒံင်အူကပြေ့ ဆူဖိူဝ်နာအ်ုန်ဒီန် ဟြာည်ပွံတ်ဒေ။ အ်ုန်ယိူဝ်ႇဘဲပွံတ်ဒေ ရ်ုရ်ခါမ်ခဲႇ ဟျံင်လူမ်လာပွံတ်ဂဲ။
32အခိင်ဆငီလီပ် စူန်မှိူဝ်ဒီန် ဘီဂဲ ဒေါလာ်ႈဒေဒိူည် ဘ်ုရ်ယိူဝ်ဘီဆူနာဂဲဂါရ် ဘီကီုရ်နံမ်ချှို လီပ်စံပ်တဂဲ တရအာတ်ယေဆု။ 33ဘီပည်ကုင်ဂဲဒီန် လာ်ႈရောတ်ဒေက်ုရ်စုဒိုည်ႇ တရအာတ်ဘာင်ဘိုႈဂါင်။ 34အခိင်ဒီန် ဘီဘ်ုပ်ရောဂါ တွံန်မျိုတွံန်နဲ ယေဆု ဟွည်ႇဒဲႈဂဲချံမ်ဆာ၊ ရူပ်လေႈဒိုည်ႇပဲတ် ကီုရ်နံမ်ချှိုတဂဲ။ ကောပ်ကီုရ်နံမ်ချှိုဂဲဒီန် နံပ်အ်ုန်မိူဝ်ႈအဆေ၊ ငဲအူမိုတ်လိုည် အ်ုန်ကာဒဲႈစိ အခွါင်တဂဲဂြည်။
ယေဆုဟောဂြည်တရာ တန်ုကပီုန်ကုင်ဂါလိလဲ
(လုကာ ၄.၄၂–၄၄)
35ဆငီဘံန် အခိင်ရႎါရ်ႈဇံဝ်ဇံဝ်၊ ယေဆု ယိူဝ်ႇလေႈဒိုရ်ဂါင် စွလာ်ႈဆုတောင် တအရာပ်ယေန်ညီမ်။ 36အခိင်ဒီန် ရှိမုန်ဂါရ် ဘူဂေါဘူဆေဂဲ ဇောမ်ဒေလဲမ်ဒိုည်ႇအ်ုန်၊ 37ဘံန်ဂဲယိူဝ်ဒေငိူပ်အ်ုန် ဂဲဒါႈ၊ “ဘီဂဲ လဲမ်ဒိုည်ႇမီ။”
38ကောည်လိုည် ယေဆုဒါႈတဂဲ၊ “အယ်လာ်ႈဒိုည်ႇ အတွဒဲႈအောဘိူန်အော ဟောဂြည်တရာ တရူက်ုရ်ဒံတ်အရာပ်အီုဝ်။ ကောပ်မိူဝ်ႈခိူည်ဒီန် အောတလာ်ႈပေါရောတ် ဟာအီုဝ်။”
39 #
မ ၄.၂၃; ၉.၃၅ ဘံန်ညာခိူည်ဒီန် အ်ုန်လာ်ႈဒေင် တကပီုန်ကုင်ဂါလိလဲ အရာပ်တွံန်တီတွံန်ဒဲန်၊ အ်ုန်ဟောဂြည်တရာ တကျောင်ရဆောန်ဒဲႈတရာဂဲ ရူပ်လေႈဒိုည်ႇ ကီုရ်နံမ်ချှို။
ယေဆု ဒဲႈဘီအူကူချံမ်ဆာ
(မဿဲ ၈.၁–၄; လုကာ ၅.၁၂–၁၆)
40ဘီဘ်ုပ်တူတ်အူကူဒီန် လာ်ႈရောတ်ဒေ မာ့်ပ်ုရ်ဒ်ုပ်ပွံတ် တရအာတ်ယေဆု၊ အ်ုန်မှာန်ဒါႈ၊ “မီက်ုန်ယိူဝ်နွံရ်ႈဖိူမ်၊ မီဘဲအေ့ဒေ ရ်ုရ်ဒဲႈအောဆပဲ။”#၁.၄၀ ရ်ုရ်ဒဲႈအောဆပဲ၊ တထုင်အူန်ကူန်မာ ဒါႈထာင်မိူဝ်ႈ ရောဂါအီုဝ် ဆမာဒဲႈပဲန်ကာဆပဲ တအီအူကူ။
41ယေဆု ယိူဝ်နွံရ်ႈဖိူမ်က်ုရ်ႎေ#၁.၄၁ က်ုရ်ႎေ၊ ယိူဝ် တပံပ်ဘေဲႇ ပ်ုရ်ဒီဂဲ ဒေါဆ။အ်ုန်၊ ဆာတ်တီဒေ ထိပွံတ်တိုအီကူဒီန်။ အ်ုန်ႎီရ်ဒါႈ၊ “အောယိူဝ်အေ့ နွံရ်ႈဖိူမ်၊ ဒဲႈမီရောတ်တဆပဲ။” 42ဒံင်အူကပြေ့ တူတ်ပ်ုန်ဘ်ုပ်အ်ုန်ဒီန် မိူဝ်ႈဟြာည် ဆပဲပွံတ်ဒေ။ 43ဟွည်ႇဒီန် ယေဆု တံမ်ရံတ်ငဲတအ်ုန် ဒဲႈအ်ုန်ႎေင်ပွံတ်ဒေ အူဒီန်တောအူဒီန်၊ 44ဘံန်ဟွည်ႇဒါႈတအ်ုန်၊ “ဆတီုင်ဘိူဝ်၊ မီမာည်ဂြည်တအဆေ အကျံင်အီုဝ်၊ လာ်ႈပွံတ်မီ တတာယဇ်ပုရောဟိတ် ဒဲႈဂဲစဲတ်မီ၊ က်ုန်ဟွည်ႇ ပျတိုဒေတဂဲ၊ ခိူည်မီရောတ်တဆပဲအီုဝ် ဒဲႈမီပဲန်ဆာ့်ဆေ တရအာတ်ဘီဂဲ၊ လှူအာပ်ကာပ်ဒဲႈပ်ုန်လှူ ခိူည်ပ်ုန်ပိင်ငျှံပ်အူန် မောရှေ တပဲအေ့။”
45ကောည်လိုည် အီကူဒီန် လေႈပွံတ်ဒေ လာ်ႈဂြည်ဆဒါင်ဒီန် တအရာပ်တွံန်တီ၊ ဘံန်အ်ုန်ဂြည်ဆဒါင်ဒီန်ဘ္လံမ် ယေဆုကာဂိူပ်ယာႇလီပ်ဂွည် တက်ုန်ဒီဘီ လိူရ်ႈလိူရ်ႈ။ ဆဲႈဒီန်၊ အ်ုန်ဂွည်ဂိူဝ်ဒေ တဘြီရိူဝ်ႇကုင် အရာပ်ယေန်ညီမ်၊ အခိင်ဒီန် ဘီအရာပ်တွံန်တီ လာ်ႈရောတ်ပေါဒိုည်ႇတအ်ုန်။
Sélection en cours:
မာကု 1: SPBT
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Word for the World International and The Shwe Palaung Bible Translation Reviewer Committee.