Marc 1
1
Ioan Fididdiwr in prigethu
1-3Tima shwt ddachreuodd ifingyl Iesu Grist, crwt Duw. Co be sy di câl i reito in llifyr Eseia'r proffwd:
“Dricha ma! dwi'n mynd i hala in gennad o di flân di
a fe glirith e lwybyr iti.
Ma llaish rhiwun in gweiddi miwn lle diffeth,
‘Newch hewl ir Arglwi in barod,
Newch i lwybre fe'n gowir’.”
4-8A fel 'na ddâth Ioan i silw dinion. Wedd‐e mas miwn lle diffeth in bediddio, a wedd‐e'n prigethu ddile dinion ddifaru, câl u bididdio, a wedyn câl madde u pechode. A âth pob wan jac we'n byw in gwlad Jiwdea, fel i dinion i gyd we'n byw in Jeriwsalem, mas ato fe fan‐'ny. A fel wedd‐e'n u bididdio nhwy in afon Iorddonen wên‐nhwy'n cifadde beth we'u pechode nhwy. We Ioan in gwishgo dillad wedi neud mas o flew camel a we belt leder 'dag e am i ganol, a locustied a mêl gwyllt we'i fwyd e. A co beth we Ioan in prigethu: “Ma rhiwun in dwâd ar in ôl i, rhiwun sy'n grifach na fi. Sena‐i'n ddyn digon da i ddatod lasys i sgidje fe hyd 'n‐ôd. Bididdies i chi 'da dŵr, on bydd e'n ich bididdio chi 'da'r Isbryd Glân.”
Iesu'n câl i fididdio a dachre ar i waith
9-15A 'na'r amser ddâth Iesu, o Nasareth in Galilea, a bididdiodd Ioan e in afon Iorddonen. A wrth'o ddwâd lan o'r dŵr gwelodd‐e'r nefodd in hollti'n agor a'r Isbryd, fel colomen, in dishgyn arno. A dâth llaish o'r nefodd in gweud: “Ti yw'n unig Grwt i, ing Grwt annwil i, a wit‐ti wrth in fodd i.”
Whap ar ôl 'ny halodd ir Isbryd Iesu mas i le diffeth am ddeugen dwarnod. A fan'ny buodd Satan in i demto fe. A na lle wedd‐e in ganol i creduried gwyllt, a we'r angilion in drich ar i ôl e.
Wedi i Ioan gâl i aresto a'i roi in i shâl dâth Iesu i Galilea in prigethu ifingyl Duw. “Ma'r amser wedi dwâd” medde fe “a ma teyrnas Duw ar in pwys ni. Rhaid i chi ddifaru a credu bo'r ifingyl in wir.”
Pedwar pisgotwr in dilyn Iesu
16-20A fel we Iesu'n cered ar bwys Llyn Galilea gwelodd‐e Seimon a'i frawd e, Andreas, in towlu rhwydi i'r dŵr — achos pisgota we'u gwaith nhwy chi'n gweld. A wedo Iesu wrthon nhwy, “Dewch ar in ôl i a fe 'na i chi'n rhei sy'n pisgota ar ôl dinion.” A gadon‐nhwy u rhwydi ar unweth a'i ddilyn e. Wedi 'ddo fynd in i flân tamed bach gwelodd‐e Iago crwt Sebedeus a'i frawd e, Ioan; wên‐nhwy wrthi'n helpu'r rhwydi in i cwch. Galwodd‐e arnon nhwy i ddwâd ar i ôl e fyd. A tima nhwy'n gadel u tad Sebedeus fan‐'ny, in i cwch 'da'r gweishon, a mynd bant a dilyn Iesu.
Iesu'n hala isbryd drwg mas o'r dyn in sinagog Capernaum
21-28Ethon‐nhwy hys Capernaum. A dy' Saboth âth Iesu miwn i'r sinagog a dachre disgu. We dinion in sinnu at beth wedd‐e'n ddisgu achos wedd‐e'n disgu fel rhiwun â comands 'dag e, a ddim fel i rhei we'n arfer disgu'r Gifreth. In u sinagog nhwy we dyn ag isbryd drwg indo fe. Gweiddodd ir isbryd 'ny mas in uchel, “Be ti moyn neud i ni, Iesu o Nasareth? Wit‐ti 'di dwâd i'n pennu ni bant? Dwi'n gwbod pwy wit‐ti — ti yw Un Sanctedd Duw.” Ond wedo Iesu wrtho fe'n blaen: “By dawel! Dere mas ono fe!” Shiglodd ir isbryd drwg i dyn o'i ben i'w drâd e, a wrth ir isbryd weiddi'n uchel fe ddâth e mas o'r dyn. Gas bob un u sinnu shwt gwmint fel dachreuon‐nhwy holi'i gily, “Beth yw hyn? Co ddisgeidieth newy ma rhaid i marco hi! Ma hwn hyd 'n‐ôd in rhoi ordors i'r isbridion drwg a man‐nhwy'n grondo arno fe!” A whap âth ir hanes amdano fe trw Galilea pentigily.
Gwella lot o ddinion
29-34Gadon‐nhwy'r sinagog wedyn a ethon‐nhwy i dŷ Seimon a Andreas gida Iago a Ioan. A we mam‐ing‐nghifreth Seimon in gorwe in dost in i gwely — we twymen arni hi. Wedon‐nhwy wrth Iesu amdeni a fe âth‐e ati a cidjo in i llaw hi a'i chodi 'ddi lan. Gadodd i salwch hi, a dachreuodd‐i ddrich ar u hôl nhwy.
Gida'r nos, wedi'r houl fynd lawr, dethon‐nhwy â pob un we ddim in dda a rhei we â cithreiled indon nhwy ato fe. A we bob un we'n byw in i dre wedi casglu rownd i drws. Gwellodd‐e lot fowr o ddinion we'n dost 'da bob mathe o bethe, a fe dowlodd‐e lot o githreiled mas o ddinion, on wedd‐e ddim in gadel i'r cithreiled weud gair, achos wên‐nhwy in i nabod e'n iawn.
Iesu'n mynd rownd in pregethu
35-39In ginnar in i bore, pan wedd‐i o hyd in dewill, cododd Iesu a mynd mas. Âth‐e bant i le ar ben i 'unan a gweddïo fan‐'ny. Âth Seimon a'i ffrinds i wilio amdano fe. Wedi nhwy ffindo fe wedon‐nhwy wrtho fe, “Ma bob un in drich amdanot ti.” Atebodd‐e nhwy, “Gadwch ni fynd mlân i rywle arall, i'r trefi nesa, fel galla i bregethu fan‐'ny fyd; achos na pam ddês i mas.” Âth‐e trw Galilea pentigily in pregethu in u sinagoge nhwy ac in towlu mas cithreiled.
Gwella'r dyn â cwrên tost
40-45Dâth dyn â cwrên tost ato fe, âth e lawr ar i benlinie a begian, “Os wit ti moyn, galli di in wella i'n iawn.” Cwmrodd Iesu dreni drosto fe a mistinodd e i law a cwrdd ag e a gweu'tho fe, “Wrth gwrs bo fi moyn di wella di.” Gadodd i clefyd e whap, a fe gas e i wella. Halodd Iesu fe bant ar unweth a gweu'tho fe'n blaen, “Watsha di bo ti ddim in gweud dim byd wrth ddim un. Cer di a dangosa di'unan i'r ffeirad, a offrima beth wedo Moses ddilech‐chi offrimu i ddongos ich bo chi wedi gwella.” Ond fe âth i dyn bant a gweud ir hanes dros i lle i gyd; we shwt gwmint o ddinion wedi cliwed ir hanes fel bo Iesu in ffeili mynd miwn i unrhw dre'n fel wedd‐e. In lle 'ny we'n rhaid iddo fe aros tu‐fas, lle we neb in byw, ond wedyn weth we dinion in dwâd ato o fe o bobman.
Sélection en cours:
Marc 1: DAFIS
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Y Beder Ifingyl gan Lyn Lewis Dafis. Hawlfraint – M ac R Davies
