Luke 7
7
Sa kitaka e so na caka-mana ko Jisu, 1-17. Sa tukuni koya vei rau na tisaipeli i Joni, 19-23. Sa qai tukuni Joni vei ira na tamata ko Jisu, 24-30. Sa vunauci ira era sa sega ni vakabauti koya, 31-35. Sa dua na yalewa sa vakaraitaka vua ko Jisu na nona loloma, ka sa vinakati koya, 36-50.
1IA ni sa vakaotia na nona vosa kecega ni ra sa rogoca tiko na lewe vuqa, sa qai curu ko koya ki Kaperinaumi.
2Ia sa dua na turaga ni valu, sa tauvi-mate e dua na nona tamata, sa daulomana ko koya, a sa vo e lailai me ciba. 3Ia ni sa rogoca nai tukutuku kei Jisu, sa tala vua e so na nodra qase na kai Jutia, me masuti koya me lako mai ka Vakabula na nona tamata. 4Ia ni ra sa tadu vei Jisu, era masuti koya vakalevu, ka kaya, Sa yaga ko koya mo kitaka kina na ka o qo; 5ni sa lomana na noda matanitu, a sa tara ko koya na neimami vale ni lotu. 6Sa qai lako vata kei ira ko Jisu.
Ia ni sa sega ni yawa ko koya ki vale, sa tala e so na wekana ko na turaga ni valu, me ra kaya vua, Turaga, kakua ni vakaceguoca-taki iko: niʼu sa sega ni yaga mo curu ki na noqu vale: 7o koya talega o qo kaʼu sa tawa nanumi au kina meʼu yaga me lako vei iko: mo cavuta walega na vosa, ena bula kina na noqu tamata: 8ni sa turaga lailai koi au, kaʼu sa lewa na tamatai valu e so; ia kaʼu sa kaya vua o qo, Mo lakani, a sa lakani: ka vei koya e dua tani, Mo lako mai, a sa lako mai: ka vei koya na noqu tamata, Mo kitaka o qo, a sa kitaka. 9Ia ni sa rogoca na veika o qo ko Jisu, sa kidacalataki koya, a sa vuki vei ira na lewe vuqa sa muri koya, ka kaya, Au sa kaya vei kemudou, Au sa tawa kunea vei ira na Isireli e dua na vakabauta me vakaoqo na kena levu. 10Ia ni sa lesu tale ki vale ko ira era sa talai, era sa kunea na tamata ka tauvi-mate ni sa bula vinaka.
11A sa yaco e na sabogibogi, sa lako ko koya ki na dua na koro na yacana ko Neini; a ra sa lewe vuqa na nona tisaipeli era sa lako vata kaya, kei ira talega na lewe vuqa sara. 12Ia ni sa toro voleka ki na matamata-ni-koro, raica, sa le dua sa mate oti sa colati ki nai bili, a gone i tinana e dua bauga, a sa yada ko koya: a ra sa lewe vuqa sara na lewe ni koro era tiko vata kava. 13Ia ni sa raici koya ko na Turaga, sa lomana, ka kaya vua, Kakua ni tagi. 14A sa lako ko koya, ka tara na tavata: a ra sa tu vakadua ko ira sa colata. A sa kaya ko koya, Na cauravou, au sa kaya vei iko, Tu cake. 15A sa duri cake na mate, ka vakatekivu me vosa. A sa solia ko koya vei tinana.
16A sa tauvi ira kecega na rere: a ra sa vakarokorokotaka na Kalou, ka kaya, Sa qai tubu cake vei keda e dua na parofita levu; a sa lako mai ko na Kalou vei ira na nona tamata. 17A sa kuruseseti Jutia taucoko na kenai rogo o qo, kei na yasana kecega sa vakavolivolita.
18A sa vakatakila vei Joni na ka kecega o qo ko ira na nona tisaipeli.
19A sa kacivi rau e lewe rua na nona tisaipeli ko Joni, ka talai rau vei Jisu, me kaya, O iko beka ko Koya e lako mai, se da namaka e dua tani? 20Ia ni rau sa yaco vua, erau sa kaya, Sa talai keirau mai vei iko ko Joni na dauveipapitaiso, me kaya, O iko beka ko Koya e lako mai, se da namaka e dua tani? 21Ia e na tiki-ni-siga ko ya era sa lewe vuqa sa vakabula ko koya mai na veimate kei na veirarawa, ka maivei ira na yalo ca; a ra sa lewe vuqa era sa mataboko sa solia vei ira ko koya me ra rai rawa. 22Sa qai vosa ko Jisu, ka kaya vei rau, Drau lako, ka tukuna vei Joni na veika drau sa raica ka rogoca; ni ra sa rai na mataboko, sa lako na lokiloki, sa vakasavasavataki na vukavuka, sa rcgo na didivara, sa vakaturi cake tale na mate, sa vunautaki nai tukutuku-vinaka vei ira na dravudravua: 23a sa kalougata ko koya ena sega ni tarabe e na vukuqu.
24Ia ni sa takali koi rau ka tala ko Joni, sa vakatekivu ko koya me kaya vei ira na lewe vuqa e na vuku i Joni, A cava dou a lakova ki na veikau mo dou raica? a gasau sa yavalati e na cagi, ne? 25ia na cava dou a lakova mo dou raica? a tamata sa vakaisulu e nai sulu malumalumu, ne? raica, o ira sa vakaisulu vakaiukuuku, ka daukana tiko, era sa tiko e na veivale vakaturaga. 26Ia na cava dou a lakova mo dou raica? a parofita, ne? io, au sa kaya vei kemudou, e dua sa uasivia na parofita. 27Sai koya o qo, ka volai vakaoqo, Raica, au sa tala yani na noqui talatala e matamu, ena caramaka ko koya na nomu sala e matamu. 28Niʼu sa kaya vei kemudou, Vei ira sa sucu mai na yalewa sa sega na parofita sa levu cake vei Joni na dauveipapitaiso; ia ko koya sa lailai sara e na matanitu ni Kalou sa uasivi vei koya.
29Ia ko ira kecega na tamata era rogoca, kei ira sa daukumuna nai vakacavacava, era vakadinadina vua na Kalou, ni ra sa papitaisotaki e na papitaiso i Joni. 30Ia ko ira na Farisi kei ira talega na vu-ni-vunau, era sa cata na ka sa nakita na Kalou e na vukudra, a ra sa sega ni papitaisotaki vua.
31A sa kaya na Turaga, A cava meʼu vakatautauvatataki ira kina na tamata e nai tabatamata o qo? se ra tautauvata beka kei na cava? 32Era sa tautauvata kei ira na gone sa tiko e na rara ni veivoli, ka veikauyaki, ka kaya, Keitou a uvu bitu vei kemudou, ka dou a sega ni meke: keitou a tagi vei kemudou, ka dou a sega ni tagiyaso. 33Ni sa lako mai ko Joni na dauveipapitaiso ka sega ni daukana madrai se daugunu waini; ia dou sa kaya, Sa rawai koya e dua na tevoro. 34Sa lako mai na Luve ni tamata, a sa kana ka gunu, ia dou sa kaya, Raica, a tamata daukana ka daugunu waini, a nodrai tau era kumuna nai vakacavacava kei na tamatai valavala ca! 35A sa vakadonuya na vuku ko ira kecega na luvena.
36A sa masuti koya e dua na Farisi me kana vata kaya. A sa curu ki na vale ni Farisi ko koya, ka tiko sobu me kana.
37Ka raica, sa dua na yalewa e na koro, o koya sai valavala ca eliu, ni sa kila ni sa tiko ko koya c na vale ni Farisi mo kana, sa kauta mai e dua na tavaya alapasiteri sa tawa e nai lumu: 38a sa tu mai dakuna e na yavana, ka tagi, a sa vakatekivu me vuya na yavana e na wai ni matana, a sa quaraka e na drau ni uluna, a sa reguca na yavana, ka lumuta c nai lumu. 39Ia ni sa raica ko na Farisi ka sureti koya, sa vosa lo e lomana, ka kaya, Kevaka sa parofita ko koya o qo, sa kila na yalewa o qo sa tarai koya, kei na nonai valavala talega; ni sa yalewa i valavala ca.
40A sa vosa ko Jisu, ka kaya vua, Saimoni, sa dua na ka kaʼu sa via taroga vei iko: (A sa kaya ko koja, Vakavuvuli, mo kaya ga mai:) 41Sa dua na turaga, sa lewe rua kina na tamata erau sa tawa sauma na nona ka: e dua, sa lima na drau nai lavo sa tawa sauma; e dua tale, sa limasagavulu. 42Ia ni sa sega na nodrau ka me rau vakaivolitaka kina, sa qai sereka walega vei rau ruarua. Tukuna mada se ko cei vei rau ena lomani koya vakalevu. 43A sa vosa ko Saimoni, ka kava, Au sa vakasama, ko koya sa levu cake na ka sa sereki vua. A sa kaya vua ko koya, O sa lewa vakadodonu.
44A sa vuki vaka vua na yalewa ko koya, ka kaya vei Saimoni, O sa raica na yalewa o qo, ne? Au sa curu ki na nomu vale, sa sega na wai ko sa solia ki na yavaqu: ia ka sa vuya na yavaqu ko koya e na wai ni matana, a sa quaraka e na drau ni uluna: 45o sa tawa reguci au: ia ko koya o qo sa sega ni cegu ni daureguca na yavaqu niʼu sa tiko eke: 46o sa sega ni lumuta na uluqu e na waiwai: ia ko koya o qo sa lumuta na yavaqu e nai lumu. 47O koya o qo kaʼu sa kaya kina vei iko, A nonai valavala ca e vuqa, sa bokoci; a sa loloma vakalevu kina ko koya: ia ko koya sa lailai ga na nona ka sa bokoci, sa loloma vakalailai. 48Sa qai kaya vua na yalewa ko koya, Sa bokoci na nomui valavala ca. 49Ia ko ira era sa tiko vata kaya me kana, era sa vakatekivu me ra kaya vakai ira, O cei o qo sa bokoca talega nai valavala ca? 50A sa kaya ko koya vua na yalewa, Sa vakabulai iko na nomu vakabauta; mo lako e na vakacegu.
Sélection en cours:
Luke 7: FIJ1864
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
First full Bible in the Fijian language © British and Foreign Bible Society, 1864.
