ᤋᤥᤗᤡᤱᤛᤥᤔᤢ 15
15
ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤒᤪᤠᤶᤔᤡᤴᤏᤢ ᤆᤥᤃᤢᤒᤠ ᤔᤠᤱᤜᤢᤵ
1ᤂᤧᤴ ᤀᤣᤃᤠᤱ. ᤛᤢᤑᤥᤀᤥ ᤕᤜᤘᤣ ᤍᤠᤱᤒᤠᤸᤗᤧ ᤁᤢᤒᤠ᤺ᤴᤈᤠ᤺ᤰᤁᤧᤴ ᤀᤒᤪᤠᤶᤔᤡᤸᤗᤥ ᤋᤩᤧ.
“ᤀᤒᤪᤠᤶᤔᤣ. ᤂᤧᤏᤧ᤹ ᤔᤧᤃᤡᤛᤧᤴᤏᤧ᤹ᤀᤥ.
ᤂᤧᤏᤧ᤹ ᤁᤧᤄᤥ ᤀᤠᤱᤃᤠ᤹ᤀᤠᤖᤥ.
ᤜᤧᤰᤁᤩᤠᤱ ᤀᤠᤱᤃᤠ᤹ ᤆᤠ᤹ᤖᤡᤰ ᤕᤶᤒᤠ ᤜᤠᤱᤛᤧᤶᤔᤡᤴ ᤐᤡᤏᤧᤖᤥ॥”
2ᤁᤖ ᤀᤒᤪᤠᤶᤔᤡᤸᤗᤧ ᤔᤧᤳᤋᤢ. “ᤕᤜᤘᤣ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤣ. ᤂᤧᤏᤧ᤹ ᤌᤣ ᤁᤧᤒᤡᤀᤠᤕᤠᤱᤃ᥅ ᤌᤣᤀᤠᤱᤓᤧᤸᤗᤧ ᤀᤠᤱᤃᤠ᤹ᤃ ᤀᤠᤸᤗ ᤌᤠᤖᤡᤰ ᤛᤠ ᤔᤣ᤺ᤴᤏᤣ ᤘᤠ᤹ᤀᤠ. ᤀᤠᤜᤡᤶ ᤀᤠᤎᤠᤱ ᤁᤧᤍᤰᤐᤠ ᤁᤧᤈᤠᤒᤠᤃ ᤍᤔᤛ᤻ᤁᤛᤒᤠ ᤀᤣᤗᤡᤀᤣᤈᤖᤧᤴ ᤐᤥᤱᤗᤥ॥” 3ᤀᤒᤪᤠᤶᤔᤡᤸᤗᤧ ᤕᤠᤶᤔᤥ ᤔᤧᤳᤋᤢ. “ᤂᤧᤏᤧ᤹ ᤛᤠ ᤔᤧᤶᤒᤡᤀᤣ ᤁᤧᤃᤳᤋᤠ. ᤂᤧᤸᤗᤧᤆᤥᤃᤢᤸᤗᤧ ᤀᤠᤜᤡᤶᤔᤥ ᤁᤧᤘᤠ᤹ᤒᤠ ᤀᤠᤛᤣᤘᤠᤖᤥᤒᤠᤴᤏᤣ ᤀᤠᤜᤡᤶ ᤀᤠᤎᤠ᤺ᤱ ᤁᤧᤍᤰᤐᤠ ᤁᤧᤈᤠᤒᤠ ᤐᤥᤱᤗᤥ॥”
4ᤂᤧᤒᤩᤠᤱ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤒᤠ᤺ᤴᤈᤠ᤺ᤰᤁᤧᤴ ᤂᤢᤏᤧ᤹ᤀᤥ ᤋᤩᤧ. “ᤁᤴ ᤔᤏᤠᤴ ᤁᤧᤜᤡᤶ ᤁᤧᤎᤠ᤺ᤱ ᤁᤧᤍᤰᤐᤠ ᤁᤧᤈᤠᤒᤠ ᤔᤧᤒᤥᤱᤏᤧᤴ. ᤁᤖ ᤂᤧᤏᤧ᤹ ᤀᤠᤒᤠᤅᤣᤗᤠᤶᤒᤠ ᤁᤧᤘᤠ᤹ᤒᤠ ᤁᤧᤛ᤻ᤛᤠ᤺ᤴᤏᤣ ᤁᤧᤜᤡᤶ ᤁᤧᤎᤠ᤺ᤱ ᤁᤧᤍᤰᤐᤠ ᤁᤧᤈᤠᤒᤠ ᤐᤥᤱᤗᤥ॥” 5ᤜᤧᤰᤁᤩᤠᤱ ᤕᤜᤘᤣ ᤍᤠᤱᤒᤠᤸᤗᤧ ᤂᤢᤏᤧ᤹ ᤗᤠ᤺ᤰᤁᤠᤳ ᤗ᤺ᤳᤋᤢᤀᤠᤱ ᤔᤧᤳᤋᤢ. “ᤋᤠᤱᤛᤠᤰᤐᤥ ᤀᤥᤔᤧᤳᤋᤧ᤹. ᤂᤣ᤺ᤶᤛᤡᤰᤐᤠᤜᤠ᤹ ᤏᤡᤖᤧᤛᤠ᤹ᤖᤧᤛᤧ. ᤏᤡ᤺ᤵᤔᤠ ᤁᤧᤛᤢᤰᤋᤢᤛᤢᤒᤡ᥅ ᤂᤧᤏᤧ᤹ ᤁᤧᤔᤢ᤹ᤀᤡᤍᤠᤱᤛᤠᤜᤠ᤹ᤀᤠᤱ ᤂᤧᤶᤕᤠ᤺ᤰᤁᤣ ᤕᤖᤡᤰ ᤔᤧᤒᤥᤱᤗᤥ॥” #ᤖᤥᤔᤡ ᥊:᥇᥎; ᤜᤡᤒᤪᤢ ᥇᥇:᥇᥈
6ᤜᤧᤰᤁᤩᤠᤱ ᤀᤒᤪᤠᤶᤔᤡᤸᤗᤧ ᤕᤜᤘᤣ ᤍᤠᤱᤒᤠᤴ ᤏᤛᤠ᤺ᤴ ᤆᤥᤃᤢ ᤜᤧᤰᤁᤩᤠᤱ ᤕᤜᤘᤣ ᤍᤠᤱᤒᤠᤸᤗᤧ ᤂᤢᤏᤧ᤹ ᤛᤠᤶᤕᤥᤒᤠ ᤗᤣ᤺ᤳᤋᤢ॥ #ᤖᤥᤔᤡ ᥊:᥉; ᤃᤗᤠ ᥉:᥌; ᤕᤠᤁᤢ ᥈:᥈᥉
7ᤕᤜᤘᤣ ᤍᤠᤱᤒᤠᤸᤗᤧ ᤂᤢᤏᤧ᤹ ᤔᤧᤳᤋᤢ. “ᤁᤴ ᤗᤠᤈᤣᤴ ᤂᤧᤏᤧ᤹ ᤜᤢᤰᤛᤢᤵᤔᤠᤔᤠᤖᤧ ᤗᤠᤃᤡ ᤁᤸᤍᤡᤜᤠ᤹ᤖᤧ ᤂᤢᤴᤇᤡ᤹ ᤗᤠᤈᤣ᤹ ᤀᤢᤖ ᤗᤠᤶᤒᤠ ᤁᤧᤗ᤺ᤵᤐᤠ ᤁᤧᤓᤧᤵᤐᤠ ᤕᤜᤘᤣ ᤍᤠᤱᤒᤠᤴ ᤀᤠᤱᤃᤠ᤹ᤀᤣᤖᤥ॥”
8ᤁᤖ ᤀᤒᤪᤠᤶᤔᤡᤸᤗᤧ ᤔᤧᤳᤋᤢ. “ᤕᤜᤘᤣ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤣ. ᤁᤴ ᤀᤠᤱᤃᤠ᤹ᤀᤡᤴ ᤐᤥᤱ ᤑᤠ᤹ᤀᤠᤱ ᤀᤠᤰᤂᤣᤀᤠᤱ ᤏᤡᤱᤘᤠ᤹ ᤂᤥᤛᤢᤱᤒᤠᤒᤣ᥅”
9ᤕᤜᤘᤣ ᤍᤠᤱᤒᤠᤸᤗᤧ ᤂᤢᤏᤧ᤹ ᤔᤧᤳᤋᤢ. “ᤀᤠᤱᤃᤠ᤹ ᤀᤠᤗᤠᤃᤡ ᤋᤱᤒᤣ ᤛᤢᤶᤛᤡ ᤁᤧᤃᤧᤵᤔᤠ ᤁᤖ᤺ᤱ ᤐᤡᤵᤔᤠᤎᤡᤰ. ᤋᤱᤒᤣ ᤛᤢᤶᤛᤡ ᤁᤧᤃᤧᤵᤔᤠ ᤔᤧ᤺ᤴᤍᤔᤠ ᤌᤡᤰ. ᤋᤱᤒᤣ ᤛᤢᤶᤛᤡ ᤁᤧᤃᤧᤵᤐᤠ ᤌᤢ᤺ᤶᤒᤠᤎᤡᤰ. ᤐᤢᤳᤋᤢ᤺ᤰᤁᤣ ᤌᤡᤰ ᤜᤧᤰᤁᤩᤠᤱ ᤐᤧᤖᤘᤠᤛᤠ᤺ᤳ ᤌᤡᤰ ᤋᤠᤖᤧ᤹॥”
10ᤂᤢᤏᤧ᤹ ᤂᤧᤴ ᤌᤰᤛᤠᤜᤠ᤹ ᤁᤧᤖᤧᤰ ᤕᤜᤘᤣ ᤍᤠᤱᤒᤠᤸᤗᤥ ᤋᤠᤖᤢᤛᤡ. ᤜᤧᤰᤁᤩᤠᤱ ᤛᤧᤖᤢᤛᤡᤀᤠᤱ ᤁᤢᤗᤢᤶᤔᤥ ᤁᤢᤄᤧᤸᤗᤧᤰ ᤁᤢᤄᤧᤸᤗᤧᤰ ᤈᤥᤃᤢᤛᤡᤀᤠᤱ ᤋᤰ ᤔᤧᤔᤧᤳᤇᤡᤱᤗ ᤏᤧᤛ᤻ᤛᤢᤛᤡ॥ ᤁᤖ ᤐᤢᤜᤠ᤹ᤃ ᤜᤧᤰᤁᤣᤗ᤹ᤖᤡᤰ ᤁᤢᤄᤧᤸᤗᤧᤰ ᤁᤢᤄᤧᤸᤗᤧᤰ ᤔᤧᤈᤥᤃᤢᤴᤇᤡᤴ॥ 11ᤜᤧᤰᤁᤩᤠᤱ ᤔᤢᤕᤠᤜᤠ᤹ ᤏᤢ ᤁᤡᤌᤜᤠ᤹ᤖᤧ ᤂᤧᤴ ᤁᤢᤛᤡᤘᤧᤳ ᤌᤰᤛᤠᤐᤢᤛᤠᤜᤠ᤹ ᤔᤧᤓᤳᤋᤢᤸᤗᤧ ᤀᤒᤪᤠᤶᤔᤡᤸᤗᤧ ᤂᤧᤱᤜᤠ᤹ ᤏᤠ᤺ᤳᤋᤢᤛᤡ॥
12ᤏᤠᤶ ᤌᤩᤧᤒᤣ᤺ᤸᤗᤧ ᤀᤒᤪᤠᤶᤔᤡᤴ ᤔᤢᤖᤢᤰᤂᤢᤖᤢᤰ ᤀᤡᤵᤛᤧᤗᤠᤛᤧ. ᤜᤧᤰᤁᤩᤠᤱ ᤔᤠᤰᤛᤡᤍᤡᤱᤁᤩᤠ᤺ᤐᤠ ᤏᤢ ᤁᤡᤵᤔᤠ ᤁᤧᤄᤢᤒᤠ ᤂᤠᤍᤠᤶᤔᤠᤸᤗᤧ ᤂᤢᤏᤧ᤹ ᤛᤢ᤺ᤵᤋᤢ॥ #ᤗᤠ ᥇:᥇-᥇᥊; ᤛᤣ᤺ᤰᤕᤢᤰ ᥍:᥌ 13ᤜᤧᤰᤁᤩᤠᤱ ᤕᤜᤘᤣ ᤍᤠᤱᤒᤠᤸᤗᤧ ᤀᤒᤪᤠᤶᤔᤡᤴ ᤔᤧᤳᤋᤢ. “ᤂᤧᤏᤧ᤹ ᤁᤧᤔᤢ᤹ᤀᤡᤍᤠᤱᤛᤠᤜᤠ᤹ ᤀᤠᤒᤠᤅᤣ ᤂᤢᤴᤇᤡ᤹ ᤗᤠᤈᤣ᤹ ᤔᤣ᤺ᤶᤒᤠ ᤔᤠ᤺ᤱᤄᤠᤒᤠ ᤗᤠᤈᤣ᤹ᤀᤥ ᤔᤧᤒᤣ᤺ᤰᤁᤠᤱ ᤔᤧᤕᤢᤱ ᤁᤧᤗ᤹ᤒᤠᤴ ᤏᤡᤱᤘᤠ᤹ ᤂᤥᤛᤧ ᤕᤢᤰᤛᤧ᤹ᤀᤥ. ᤜᤧᤰᤁᤩᤠᤱ ᤂᤧᤱᤜᤠ᤹ ᤂᤧᤴ ᤗᤠᤈᤣ᤹ᤒᤠ ᤔᤏᤠᤜᤠ᤹ᤖᤧ ᤂᤢᤴᤇᤡ᤹ ᤕᤥᤃ᤻ᤒᤠ ᤔᤧᤒᤥᤱ. ᤜᤧᤰᤁᤩᤠᤱ ᤁᤡᤵ ᤗᤡᤛᤡ ᤋᤱᤒᤣ ᤌᤠᤖᤡᤰ ᤛᤠ᤹ᤖᤡᤰ ᤋᤠᤵᤑᤧ᤺ᤸᤗᤡᤰ ᤔᤧᤔᤧᤳᤋᤢᤛᤡᤖᤥ॥ 14ᤁᤖ ᤂᤧᤱᤜᤠ᤹ ᤕᤥ᤺ᤰᤐᤠ ᤁᤧᤈᤥ᤺ᤰᤐᤠ ᤛᤢᤘᤠᤱᤜᤠ᤹ ᤀᤠᤱᤃᤠ᤹ ᤂᤢᤶᤍᤡᤱ ᤐᤡᤖᤢᤱᤛᤡᤱ. ᤜᤧᤰᤁᤩᤠᤱ ᤕᤠᤱᤛᤡ ᤂᤧᤱᤜᤠ᤹ ᤛᤠ᤹ᤖᤡᤰ ᤕᤖᤡᤰ ᤕᤠᤱᤛᤠᤁᤢᤴᤎᤣᤏᤢ ᤔᤧᤗᤴ ᤔᤧᤓᤧᤴᤗᤥ॥ #ᤗᤠ ᥇᥈:᥊᥆-᥊᥇; ᤛᤣ᤺ᤰᤕᤢᤰ ᥍:᥍ 15ᤂᤧᤏᤧ᤹ᤃ ᤁᤠᤵᤐᤥᤒᤠ ᤁᤧᤍᤢᤶᤗ ᤌᤠᤖᤡᤰ ᤁᤧᤜᤡᤱ॥ ᤜᤧᤰᤁᤩᤠᤱ ᤛᤏᤠᤖᤢᤱᤅᤥ ᤁᤧᤛᤡᤀᤠᤱ ᤁᤧᤶᤈᤡᤱᤗᤥ॥ 16ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤗᤡᤛᤡᤃᤣᤰᤐᤠ ᤌᤠ᤺ᤰᤁᤥ ᤕᤠᤶᤔᤥ ᤁᤵᤔᤥ ᤔᤧᤏᤢ᤺ᤱ ᤔᤧᤓᤧᤴᤗᤥ. ᤌᤣᤀᤠᤱᤓᤧᤸᤗᤧ ᤀᤣᤔᤥᤖᤡᤜᤠ᤹ ᤛᤠ᤹ᤖᤡᤰ ᤁᤢ᤹ᤀᤡᤔᤧᤓᤧᤴᤏᤠᤱ ᤂᤢᤶᤍᤡᤱ ᤐᤡᤔᤠᤛᤡ ᤕᤧᤶ ᤔᤧᤱᤃᤧᤳᤋᤣ ᤌᤠᤖᤡᤰ ᤀᤠᤱᤃᤠ᤹ ᤂᤧᤱᤜᤠ᤹ ᤔᤧᤏᤠ᤺ᤳᤋᤠᤛᤡᤱᤅᤡᤴ॥”
17ᤏᤠᤶ ᤌᤩᤧᤀᤠᤱ ᤂᤠᤎᤠᤔᤧᤸᤗᤧ ᤔᤡ᤺ᤰᤂᤢ᤹ ᤁᤧᤗ᤺ᤶᤒᤠᤖ ᤁᤧᤒᤵᤐᤠ ᤔᤡᤄᤠ᤺ᤱ ᤕᤠᤱᤔᤠ ᤌᤡᤰ ᤏᤢ ᤔᤡ ᤁᤧᤍᤡ᤺ᤵᤐᤠᤖ ᤁᤧᤒᤵᤐᤠ ᤋᤩᤠ᤺ᤸᤗᤥᤳ ᤌᤡᤰ ᤛᤠᤈᤡ᤹ ᤗᤢᤶᤔᤥᤗᤠᤶ ᤗ᤺ᤴᤍᤧᤒᤣ॥ 18ᤜᤠᤒᤠ ᤂᤧᤴ ᤕᤧᤴᤏᤥ ᤕᤜᤘᤣ ᤍᤠᤱᤒᤠᤸᤗᤧ ᤀᤒᤪᤠᤶᤔᤡᤴᤏᤢ ᤀᤰᤂᤣ ᤐᤠ᤺ᤳᤋᤢᤖ ᤔᤠᤱᤜᤢᤵ ᤆᤥᤃᤢ. “ᤂᤧᤏᤧ᤹ ᤁᤧᤔᤢ᤹ᤀᤡᤍᤠᤱᤛᤠᤜᤠ᤹ ᤔᤡᤛᤪ ᤗᤠᤈᤣ᤹ᤗᤠᤶ ᤕᤢᤑᤪᤣᤋᤡᤛ ᤕᤱᤄᤱ ᤌᤠᤖᤡᤰᤐᤠ—#ᤛᤣ᤺ᤰᤕᤢᤰ ᥍:᥋ 19ᤁᤣᤏᤡ. ᤁᤧᤏᤈ᤻ᤈᤡ. ᤁᤍ᤻ᤔᤥᤏᤡ. 20ᤜᤡᤳᤋᤡ. ᤐᤖᤡᤈ᤻ᤈᤡ. ᤖᤐᤠᤀᤡ. 21ᤀᤣᤔᤥᤖᤡ. ᤁᤏᤠᤏᤡ. ᤃᤡᤷᤃᤠᤛᤡ ᤜᤧᤰᤁᤩᤠᤱ ᤕᤒᤢᤛᤡᤜᤠ᤹ ᤁᤧᤖᤧᤰᤗᤧ ᤂᤢᤴᤇᤡ᤹ ᤗᤠᤈᤣ᤹ᤜᤠ᤹ ᤐᤡᤖᤢᤱᤛᤡᤱᤗᤥ॥”
Sélection en cours:
ᤋᤥᤗᤡᤱᤛᤥᤔᤢ 15: LIFOTNT
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© 2009, 2023, Wycliffe Bible Translators, Inc. All rights reserved.
