Mattĕo 3

Zowănnī Baptĭsta Adèd́ò̆htôla

(Mărko 1.1-8; Lŭka 3.1-18; Zowănnī 1.19-28)

1Hlĕnu Zowănnī Baptĭsta hè d́òŭd́ò̆sagè dè d́ŏ Judĕage ahmîlè̄klè̆ khò̆klòkho nu. 2Kîd́ò̆ cò d́ò, “Khahlô̆bò̄ thĭ dèkhòwè, manè̄ kòd́òdo dō, Mò̄kho Ahtĭage b́ôhtî htŏ.” 3Ajo dèbwè ḿîgè bija htè prò̆fèt Izaĭah d́òigè awîakè̆ dèbwè nu. Cò d́ò;

“Bija akèwo d́ŏ hmîlè̄klè̆ nu dèbwè alē;

‘Prabò̄ B́ĭcè aklè,

mènāgebò̄ Cè klè Cò thòò̆ tòcò nu,’ cò d́ò do.”

4Zowănnī ajo dèbwè adèkô̆dèthò ḿî gòlaŭ a sô̆, cò kò hnî̆jābi dèphe za jadēlò, kîd́ò̆ zè dèa ḿîgè d́è̆bāhmu kî gînîtcă lò. 5B́ĕnu d́ŏ Jerŭsalèm u, Judĕage thèd́è̆ge, bija aòkô Jòrdăno gòlò̄wē tòcò nu lehtî cè. 6Kîd́ò̆ cò d́òphlò̆hta zè dèkhòwè kî za kha ŭsab́ăhtî̆ d́ŏ lōwa acukhòbu, d́ŏ Jòrdăno gòllò̄ bu nu.

7Barasă b́ĕ za tcahtî Pharizè̆pho kî Saducè̆pho tòcò òè̆bwè le ŭsab́ă ane htĭ zu cukhò bu d́ō, cò d́ò lōwa tòcò, “Thĭ galapumo akhwĭ, bò̄bwè d́è̆lî̄ thĭ agèhèkô̆ ni Kib́ĭcè adèthèhtè agō dokò̆ dèdè̆ ale bwè? 8Mègōnu d́ō, thèhtaphò̆htabò̄ dèthè ab́ènibòni dèkhahlô̆i tòcò nu. 9Kîdò̆ gomobò̄ ḿè akò̄ d́ò thĭ thabu, ‘Abraham ḿî wa pa,’ nu ḿè. Manè̄ kòd́òdo dō, jò d́ò thĭ htè Kib́ĭcè nu, zè mèkèhta cab́ô̆htè lo ajo tòcò gî̄ phî̆hta Abraham apho nu, 10Khŭnujo tîḿa ò b́è̆lăhnè ane d́ŏ tho akhahtî htŏ. Mègōnu d́ō, tho htè atè thèhta dèthè awî ńò atherĕ b́è gô̄kè̆, kî b́è bā nī d́ŏ hmîŭthaklè̆ lò. 11Thĭ dèsalatha anikhĭ ju ŭsab́ă thĭ kî htĭ hŏ; barasă agē lekò̆ je lekă dèbwè acô̆thèlè̆ d́olĭ jè pwĕ kî ja gā da tani akā b́ăplè za khatòkò abi ńò. Zu gū ŭsab́ăkò̆ thĭ kî Spirito Tcahtĭ kî hmî 12Zò kò̄ tòplo hwă b́u d́ŏ b́uthara alle nu, za gā wab́ăkè̆ikò̆ b́ab́ĕ; mèhwă zi gī scwikè̆kò̆ athorothakhwa kî hmî htè ada labî̄ za ńò nu.”

Jezŭ Adè Ŭsab́ăhtî̆

(Mărko 1.9-11; Lŭka 3.21,22)

13Jezŭ ò dŏ Galilĕage lehtîgè Zowănnī d́ŏ Jòrdăno Gòlò̄wē cab́ô̆htè za gā khabò̄ dèŭsab́ăhtĭ d́ŏ lōwa acukhòbu nu. 14Barasă Zowănnī thaè mèd́îd́ă Cè d́o cò dò, “Jò mò kha dèŭsab́ăhtĭ Nu cukhò bu, ḿî Ne lehtî jè dòkhò̆ ā?”

15Jezŭ d́òge cè, “Khŭnujo khòthad́ò̆ mè mò̄kô gōjo. Manè̄ kòd́òdo dō, ab́è wè gè̄ mè pĕhta dèdî̄dèhma lŏcăcè.” B́ĕnu zu ŭsab́ăkò̆ lōwa htĭ.

16Jezŭ nib́è hwă dèŭsab́ăhtĭ dō, zè khè̆htage danā khò̆kho, kîd́ò̆ tcabò̄, Mò̄kho b́ăhta ane zò hlò̆mò̄, kî za tcahtî Kib́ĭcè Aspirito lela acab́ô̆ thokŏdru tèb́è nu kî ala ògè zo kho. 17Kîdò̆ tcabò̄, dèlē thèhta d́ŏ Mò̄kho nu ad́ò, “Ajo ḿî jo pho jè b́èlò̄gudu htè amè thalōthalai thoŏthèè jè dèbwè nu.”

Sélection en cours:

Mattĕo 3: GRNT21

Surbrillance

Copier

Tu souhaites voir tes moments forts enregistrés sur tous tes appareils? Inscris-toi ou connecte-toi

Geba Roman New Testament © Bible Society of Myanmar, 2021.

En savoir plus sur Geba Roman New Testament

Versets bibliques populaires de
Mattĕo 3

Vidéos pour Mattĕo 3

Matthieu 1–13

BibleProject

Mathieu 3:1-4:25

Lumo Project

Mattĕo 3

Versets bibliques populaires de
Mattĕo 3

Vidéos pour Mattĕo 3

Matthieu 1–13

Mathieu 3:1-4:25

Bible:

Karen, Geba

Version: Geba Roman New Testament - GRNT21

Mattĕo 3

Mattĕo 3

Versets bibliques populaires de Mattĕo 3

Vidéos pour Mattĕo 3

Matthieu 1–13

Mathieu 3:1-4:25

Bible:

Karen, Geba

Version: Geba Roman New Testament - GRNT21

Mattĕo 3

Versets bibliques populaires de
Mattĕo 3