Aba Vatowo 5
5
Adama mana bodao adi liliu
(Aba Vatowo 5:1—6:8)
Adama ina bodao: Adama ina Nowa
1E buki ame moe Adamayana ana liliu bukina: Tutayana Yaubada tomota iwodugu, toinina ana tapata nakae iwodugu.#Abv 1:27-28. 2Tomotayadi koroto be vavina iwodugudi. Ikavava, go, ivayokoidi tomota#5:2 Tomota: Isileli tubunao niyadi goi kadi, ‘Adama.’ Adama ana yagoina aiyuwo. Tayamo moe tomota go, tayamo moe koroto yoina Adama. tutayana iwodugudi.#Mad 19:4; Mak 10:6.
3E Adama ana tala ana badabada tayamo andedi teti (130) tutayana natuna koroto ibíbina. Gomanayana tamana Adama ana tapata, e Adamayana nakae. E ivayou Seti. 4Seti ana bíbina mlina, Adamayana ikaaiyaka tala ana badabada eita andedi (800) tuwaina. Ego amo talayadi goi natunao koroto be vevina liliudi sibíbina. 5Tauyana yawoina ana madabokina moe tala ana badabada nain andedi teti (930), e ikámasa.
6E Setiyana ana tala ana badabada tayamo andedi paibi (105) tutayana natuna koroto yoina Enosi ibíbina. 7Enosi ana bíbina mlina Setiyana ikaaiyaka tala ana badabada eita andedi seven (807) tuwaina. Ego amo talayadi goi natunao koroto be vevina liliudi sibíbina. 8Tauyana yawoina ana madabokina moe tala ana badabada nain andedi tuwero (912), e ikámasa.
9E Enosiyana ana tala ana badabada nainti (90) tutayana natuna koroto yoina Kenani ibíbina. 10Kenani ana bíbina mlina, Enosiyana ikaaiyaka tala ana badabada eita andedi piptin (815) tuwaina. Ego amo talayadi goi natunao koroto be vevina liliudi sibíbina. 11Tauyana ana tala madabokina moe nain andedi paibi (905), e ikámasa.
12E Kenaniyana ana tala ana badabada seventi (70) tutayana natuna koroto yoina Malaleli ibíbina. 13Malaleli ana bíbina mlina, Kenaniyana ikaaiyaka tala ana badabada eita andedi poti (840) tuwaina. Ego amo talayadi goi natunao koroto be vevina liliudi sibíbina. 14Tauyana yawoina ana madabokina moe tala ana badabada nain andedi ten (910), e ikámasa.
15E Malaleliyana ana tala ana badabada sikstipaibi (65) tutayana natuna koroto yoina Yeredi ibíbina. 16Yeredi ana bíbina mlina, Malaleliyana ikaaiyaka tala ana badabada eita andedi teti (830) tuwaina. Ego amo talayadi goi natunao koroto be vevina liliudi sibíbina. 17Tauyana yawoina ana madabokina moe tala ana badabada eita andedi naintipaibi (895), e ikámasa.
18E Yerediyana ana tala ana badabada tayamo andedi sikstitu (162) tutayana natuna koroto yoina Enoki#5:18 Enoki: Koroto adi taivasi Buki Kimaasabaina goi yoidi Enoki. (1) Keni natuna (Abv 4:17). (2) Yeredi natuna (Abv 5:18-24). (3) Midiyani natuna (Abv 25:4). (4) Rubeni natuna (Abv 46:9). ibíbina. 19Enoki ana bíbina mlina, Yerediyana ikaaiyaka tala ana badabada eita andedi (800) tuwaina. Ego amo talayadi goi natunao koroto be vevina liliudi sibíbina. 20Tauyana yawoina ana madabokina moe tala ana badabada nain andedi sikstitu (962), e ikámasa.
21E Enokiyana ana tala ana badabada sikstipaibi (65) tutayana natuna koroto yoina Metúsela ibíbina. 22Metúsela ana bíbina mlina, Enokiyana iiketoiya nakae Yaubada iuyaone tala ana badabada teri andedi (300). Ego amo talayadi goi natunao koroto be vevina liliudi sibíbina. 23Tauyana yawoina ana madabokina moe tala ana badabada teri andedi sikstipaibi (365). 24Ego talayadi goi iiketoiya nakae Yaubada iuyaone namlieta baige ikabiyamo, tauna geya maisinamo.#Ibe 11:5; Yud 1:14.
25E Metuselayana ana tala ana badabada tayamo andedi eitiseven (187) tutayana natuna koroto yoina Lemeki ibíbina. 26Lemeki ana bíbina mlina, Metuselayana ikaaiyaka tala ana badabada seven andedi eititu (782) tuwaina. Ego amo talayadi goi natunao koroto be vevina liliudi sibíbina. 27Tauyana yawoina ana madabokina moe tala ana badabada nain andedi sikstinain (969), e ikámasa.
28E Lemekiyana ana tala ana badabada tayamo andedi eititu (182) tutayana natuna koroto ibíbina. 29Tuwo idigo kana,
‘Nakona ame gomanayana ibíbina gagaina baige isawoilaveda ida paisewa moumouna goi; paisewayana moe poyapoya boi ikatubolate pasina.’
Tauna natuna ivayou Nowa.#5:29 Nowa: Ame youyana Isileli tubunao niyadi goi ana taiyakeka nakae vaita. 30E Nowa ana bíbina mlina Lemekiyana ikaaiyaka tala ana badabada paibi andedi naintipaibi (595) tuwaina. Ego amo talayadi goi natunao koroto be vevina liliudi sibíbina. 31Tauyana yawoina ana madabokina moe tala ana badabada seven andedi seventiseven (777), e ikámasa.
32E Nowayana ana tala ana badabada paibi andedi (500) mlina natunao koroto Semi, Em be Diyepeta sibíbina.
Sélection en cours:
Aba Vatowo 5: GVS
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© 2019, Wycliffe Bible Translators, Inc. All rights reserved.
