ดอ โฆว 7
7
ลอง อึม อึณปูน กาดาย
1ดา อาโนว แฮะ ฮอต โบง รึร ซังโพว ตี, เฌาพรา วี ต็อห ดี อัน, “แตห แม ฮาว ลึบ แคง รึร ซังโพว. บอ แม บอ อึณโฮม แม, แตห เบ ฮาว ลึบ โตต. แคะ มึห เฆ ดูอี, โอว เฌาพรา แฮะ ยึร มี แม อู วี อี แฮะ มึห น็อห ซืร น็อห หมาน. 2อึณ บอ มึห อาโมยว โดว ซัดดาวา, ปี ต็อห โอว อี หมึอม อี ซีคยา, แม โลว ดึห บู ฆู, บอ อาโล็ง บู โดว, บอ อาหยาง บู โดว. แคะ กอย เฆ โดว ซัดดาวา อี ตู หมึอม อี ตู ซีคยา, แม ยี โลว ดึห อู โมยว อู ฆู. 3บอ เฆ มาซีม อี กอย แคง เบลณ, แม โลว ดึห อู โมยว อู ฆู, แตห อึณ ลึบ แคง รึร ซังโพว, แตห อึณ วี มึห อาโมยว ดอน โมยว แดง กาดาย. 4ฆีด บู ซีแง, โอว ดี แตห ฆลาย ตาง ตัห, แตห อึณ ฆลาย อาดา พวน ฆึร ซีแง ดี พวน ฆึร หมึร. แคะ ปี โบง โอว แดง กาดาย นี, อึณ ดี ชึม โตต, อาว ฮู แตห อึณ มึห.”
5เฌาพรา แฮะ ฮอต ต็อห ปาย ตี อาโนว มืร โบง โตต ปี ดัม เฌาพรา ดี อัน.
6ดอ อึณ ปูน อึม แดง กาดาย ดอน โปละ, ดอ อัน ตี อาซาก อาโนว แฮะ โนะ เดา มาย็อห ซีนัม. 7อาต ตัห อึม ตาง ตึอน, อาโนว ยี แฮะ ฮาว ลึบ แคง รึร ซังโพว ตาง. บอ เฆ ฆอน อีมาย อัน บอ อีบึณ อัน, เฆ เอา อัน, เฆ บอกาเฆลียด แฮะ ลึบ แคง รึร ซังโพว ตี. 8บอ เฆ โดว ซัดดาวา อี หมึอม อี ซีคยา, บอ เฆ โดว ซัดดาวา อี ตู หมึอม อี ตู ซีคยา, บอ เฆ มาซีม เฆ โดว อี มึอน ฮาว แดง กาดาย, 9เฆ โดว ซัดดาวา ฌึร ตี บอกาเฆลียด แฮะ ฮอต ลึบ แคง รึร ซังโพว ตี. อู โมยว อู ฆู แฮะ ลึบ, แตห อึณ แบน โตต ปี ดัม เฌาพรา. 10แฮะ โนะ บู ซีแง, อึณ มึห อึม ตาง ตัห, แตห อึณ ปูน กาดาย.
11ดอ อัน ตี อาซาก อาโนว แฮะ โนะ เดา มาย็อห ซีนัม ดี อา มาเฆียน ดี ฆึร ดี บู ซีแง. ซีแง อัน ตี อึม บอ โตห ดอน โปละ ดอน นา, วี ยึง โฮะ อู เฌณ. เบลณ มืร แฮะ วึห อู เฌณ. 12ฆลาย มืร โจห โลง แดง กาดาย อาดา พวน ฆึร ซีแง ดี พวน ฆึร หมึร.
13ซีแง อัน ตี อาโนว ตึอน แฮะ ฮอต ลึบ แคง รึร ซังโพว. บอ ฆอน อีมาย อัน, อี จืร อาเซม, อาฮาม บอ อายาเพด, บอ อีบึณ อาโนว, บอ เฆ อีบึณ ฆอน อัน, เฆ แฮะ ฮอต โดบ อัน, กอย แคง รึร ซังโพว. 14บอ โดว ซัดดาวา อี กอย แคง แปร แบน โมยว แบน โมยว, บอ เฆ โดว ซัดดาวา อี กอย แคง นา ดอน โมยว, เฆ โดว อี ฮาว แดง กาดาย ดอน โมยว, มาซีม ดอน โมยว อี บึณ แคง เบลณ, 15เฆ ดอน โมยว แฮะ ฮาว ลึบ โดง กอย อาโนว ตึอน, ลึบ กอย แคง รึร ซังโพว ตาง. แคะ กอย โดว อี มึห อาซาก, เฆ แฮะ ฮาว ลึบ อู โมยว อา โดว. 16เฆ แฮะ ฮอต ฮาว ลึบ, อู โมยว อู ฆู, แตห อึณ ปี ปี ดัม เฌาพรา ดี เฆ. เฆ แฮะ ฮอต กอย นา แคง, เฌาพรา มืร กาบีด มาโลห ดี ปัน เฆ.
17ปัน ตี อึม ฆลาย บอ โจห โลง บอ ปูน กาดาย อาดา พวน ฆึร ซีแง. อึม บอ ยึง โฮะ นา แดง บอ โจะ รึร ซังโพว แหล แดง อึม. 18อึม ยี แกร ดี กืน กาเซา แดง กาดาย. รึร ซังโพว ยี แหล นา แดง อึม. 19อึม ยี ตาง กาเซา, กอ อึณ ปูน นอน จา ดอน นอน. 20อาดา ฆึร ดี พัน กานีห อึม แฮะ อึณ ปูน นา แดง นอน จา, แตห นอน ดอน นอน กอย นา ครึม อึม. 21ดอ อัน ตี อาเซ อี กอย แดง กาดาย, อัน แฮะ ยัม โตต. บอ มูห มาซีม, โดว ซัด อี กอย แคง นา แคง แปร, โดว อี กอย แดง กาดาย บอ ดูอี, เฆ แฮะ ยัม โตต ดอน โมยว. 22มาเซ อี มึห พึอม, มาเซ อี กอย แดง กาดาย, อึณ แฮะ ยัม โตต. 23ปาย ตี เฌาพรา แฮะ ปยาต แวน โตต ดอน โมยว อี กอย แดง กาดาย. บอ ดูอี, บอ โดว ซัดดาวา อี กอย แดง กาดาย, บอ มาซีม อี กอย แคง เบลณ, อัน เฌา แฮะ ปยาต แวน โตต ดอน โมยว.
24อึณ แฮะ ฆีด มี อาโนว บอ เฆ อี กอย รึม โดบ อัน แคง รึร ซังโพว. อึม ตาง แฮะ ปูน กาดาย อาดา อู มาย็อห ดี พัน ฆึร ซีแง.
Sélection en cours:
ดอ โฆว 7: pce
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© 2021, Wycliffe Bible Translator, Inc. All rights reserved.
