Hogusra 8
8
1Egi Maura Noah egi washa niambra harnaj egi jera harnaj wawewina e waj‐eja wakishu ura. Egi Maura ma hihagra maintajehi howehina egi nira raxuwakerena.
2Ma‐i hoshewejananka egi wangregi nija jhirobra hornassairena, egi wangregi nishu howajira harushjahina.
3Egi nira mainja hashuaka hokiwaksha hossagankshana egi nira raxona, hamb hogihishanaga kerepana‐saja hashanahainja.
4Egi wi hishagowieja hamb kerepanaishanaga hishagowi‐hashanaija wajra Ararat xe hihageja hiwusharna.
5Egi nira hoishib hokurujis rahena wi hikerepanaishainja hipa. Wi hikerepanai‐shainja hamb jornieja xe hissawara jantinena.
6Egi herena hambra kerepana‐jopahangaja Noah wajhirohambra ruhassana e ura.
7Egi Kax‐isha regigina, e rarnaga egi kirina, nira ma hihagregi hashuakhi raxoxji ejipa.
8Egi shige rujge‐sgaisha regigina hajakjege nira raxoakhi ma hihagra.
9Eshi rujge‐sgajega siroku harnira inke hornashi higienina, egi hakja kirina hirakirina waj‐eja, manaka harnaj ni hashuake esge. Egi nabra haxeb‐hirehianaga egi russana egi waj‐eja howakirigu hina.
10Egi hambra shagowiha hapena, egi shige rujge‐sgara waj‐eja hihinab‐gigina.
11Egi rujge‐sgara hoxjarnanegi hirakirina, egi horuxujre, Oliw ab‐hisha rawax rawakirina, de‐shesgera Noah hiperessana mara ni hashuagra raxora.
12Egi hambra shagowiha hiraijera hiwusharna, egi rujge‐sgara regigina e inkaga shige hakja hirakirinina.
13Egi herena ma hogihi hirakewe‐hainja egi maishangaja, wi jornieja hamb jornieja, mara ni hashuagra wusshana. Egi Noah waj‐anka hirarukana russana egi hajarna.
14Egi wi hinupahainja, hamb kerepananup‐anaga hishagowi‐hashanainja mara wus‐shana.
15Egi Maura Noah hokit’ena wena:
16Wajregi hihinabre, ne‐ninearnaga egi hijawiraga, egi hinig‐waraga egi hinig‐waraga hijawi‐wahirera wakishu.
17Harniwihinabre washa niambra jarnaga harakishu sh’ura, rora harnaj, ahuirassara egi jera egi washa kikurutira jarnaga ma hihagregi kikurutiakhi, e manegi howe horajairekjena egi wojairekjena, egi ma hihagregi worohankjena.
18Egi Noah hihinabshana egi hinigwahira egi hijawira egi hinigwahira hijawi‐wahirera wakishu.
19Wanoijgera harnaj, washa kikurutira harnaj, egi ahuirassara harnaj, egi washa jagu ma hihageja kikurutiakhi howajehi hokirajra waj‐eja hihinabhirena.
20Egi Noah nab‐horuxaj ha’uisha Jehowa gi’una, egi wanoijge sge rusanaga egi ahuirassa sge egi nab‐hiruxaj daxuhira daxuhirena nab‐horuxaj ha’ueja.
21Egi Jehowa horupanana pana phira. Egi Jehowa najge harnieja wena: Inke shige hinupahana managre washoshishig howe harnikje wankshignagre eja hawau, wankshignagre najgewarninera wowewira shishig hirege, xununig hiregi epa. Inke shige washa niambra harnaj d’ewahara, shesge harnikje.
22Jajaixji mara nihegi, max‐hoshu hoshura egi maxhikishere, egi sinihira egi takajra, egi dogra egi manira egi hambra egi hahera inkaga harushjanikje.
Sélection en cours:
Hogusra 8: WIN
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Published by the American Bible Society in 1907.
