Genese 1

1Hatachi Nzambi waleŋeli nimawulu nimaseki. 2Maseki adiŋi akadi nimwayawu, adiŋa amukunkulu; hewulu denyiŋi hadiŋi mwidima. Spiritu yaNzambi wadiŋi nakuhitahita hewulu dameji.

3Nzambi wahosheli nindi, Muchi. Mucha nikucha to-o. 4Nzambi wamweni kucha nindi kunawahi; Nzambi wa ambwili kucha namwidima. 5Nzambi watumbili kucha nindi, Ifuku, mwidima wawutumbili nindi, Wufuku. Kwila nimelela, kwila nintetemena, ifuku dimu.

6Nzambi wahosheli nindi, Mukachi kameji mwikali luzwizu, lwambuli meji nameji. 7Nzambi welili luzwizu, wa ambwili meji, awa kwishinada luzwizu, awa kwiwulu daluzwizu; chila nikwila. 8Nzambi watumbili luzwizu ijina, nindi, Iwulu. Kwila nimelela, kwila nintetemena, ifuku damu chiyedi.

9Nzambi wahosheli nindi, Meji adi mwishina dewulu apompi kwawukumu, hawuma hamwekani. Chila nikwila. 10Hana hawuma Nzambi watu mbiluhu ijina, nindi, Maseki; kwapompeleli meji watumbiluku ijina, nindi, Majiya; Nzambi wamweni nindi chinawahi. 11Nzambi wahoshelinindi, Hamaseki hameni nimatahu, niyisakola yasoŋaŋa mbutu, ninyi tondu yasoŋaŋa nyikabu yikweti nyisoka yayu, iwu namwawu, iwu namwawu, hamaseki; chila nikwila. 12Hamaseki hamena nimatahu niyi sako laya soŋaŋa mbutu, iyi namwayu, iyi namwayu, ninyitondu yasoŋaŋa nyikabu yikweti nyisoka yayu, iwu namwawu, iwu namwawu. Nzambi wayimweni nindi yayiwahi. 13Kwila nimelela, kwila nintetemena, ifuku damu chisatu.

14Nzambi wahosheli nindi, Haluzwizu lwahewulu hekali yuma yakutoŋeka, kulonda kwambula nimwaana niwufuku; yakekali niyayinjikijilu, niyayilaaka, niyamafuku, niyanyaka; 15yakekali yaku toneka haluzwi zulwahewulu, yakatoŋeki hanu hamaseki to-o; chila nikwila. 16Nzambi welili yuma yamaneni yakutoŋeka yiyedi; chasweja kutoha chakekali mwanta wahamwaana, chakehaku chakekali mwanta wahawufuku; welilini tutumbwa nawa. 17Nzambi washili yumiyi haluzwizu lwahewulu kulonda ya katoŋe kaŋa chejeji hamaseki to-o, 18yakekali nawanta niwamwa anani wawufuku, nakwambula kucha namwidima. Nzambi wachimweni nindi chinawahi. 19Kwila nimelela, kwila nintetemena ifuku damu chiwana.

20Nzambi wahosheli nindi, mumeji mukumini dakulumbama yendu yayuma yendaŋa, yikweti wumi, niatujila atuukapa hewulu damaseki hejima hahita luzwizu lwahewulu. 21Nzambi waleŋeli anyama amaneni amumeji, niyuma yejima yendaŋa yikweti wumi, yalumbama mumeji, hanyitundu, hanyitundu, niatujila akweti mpuula, hanamutundu, hanamutundu. Nzambi wachimweni nindi chinawahi. 22Nzambi wayikiswilili nkisu, nindi, Semununenu muvuleŋa, inzeshenu mumeji amumaji yani atujila avuleŋa hamaseki. 23Kwiia nimelela, kwila nintetemena, ifukuda muchitanu.

24Nzambi wahosheli nindi, Hamaseki hediki yuma yikweti wumi, hanamutundu, hanamutundu, ni ayimuna, niyuma yazalalaŋa, nianyama amumpata hanamutundu, hanamutundu; chila nikwila. 25Nzambi welilini anyama amumpata hanamutundu, hanamutundu, ni ayimuna hanamutundu, hanamutundu, niyuma yejima yazalalaya hamaseki hanamutundu, hanamutundu. Nzambi wachimweni nindi chinawahi.

26Nzambi wahosheli nindi, Twilenu muntu wudi neyi chitwekaletu, adifwani nanetu; akekali mwanta niwawanshi amukaluŋalwiji, niwawatujila ahaluzwizu, niwawanyama, niweseki dejima, niwayuma yazalala ŋayi kuzalala hamaseki yejima.

27Nzambi yoleŋa muntu neyi chekalayi yomweni, chochekalayi Nzambi dichi chamuleŋeliyi; wayileŋeli niiyala nimumbanda. 28Nzambi wayikiswilili nkisu, Nzambi hakuyila nindi, Semununenu, muvuleŋa, muwanini heseki, mudovwahishi; ikalenu anyanta niawanshi amwijiya, niawatujila ahaluzwizu, niayuma yayumi yejima yendaŋa hamaseki. 29Nzambi wahosheli nindi, Talenu, nayinki yisakola yejima yasoŋaŋa mbutu yekala mwahita iseki dejima, ninyitondu yejima yikweti nyikabu yekala nanyisoka mukachi kayu; yakela kudya kwenu. 30Nianyama amumpata ejima, niatujila ahaluzwizu ejima, niyuma yazalalaŋa hamaseki yejima yikweti wumi, nayinki nyitondu yituuta yejima yiikali kudya kwawu; chila nikwila. 31Nzambi wamweni yuma yejima yeliliyi nindi yinawahi nankashi. Kwila nimelela, kwila nintetemena, ifuku damu chitanu nadimu.

Sélection en cours:

Genese 1: MW62

Surbrillance

Copier