Mateo 9
9
1Na wingilaga mu wato na wavukaga na wafikaga mu kaya yavo. 2Na vamuletelaga mulema alalile ku vulili, na aho Yesu walivonaga isanizyo lyavo, wamuwilaga mulema, Idibage, mwana, mavukenaguzi gako gatondolilwe. 3Na vamanicha fitabu vamo vayombaga 4muwavo, Mwenuyu alifusa. Na aho Yesu wagamanikaja miganiko gavo, wayombaga, Kungunoki muliganika mavi mu myoyo yinwe? 5Muhayo ki mubuhu mu kuyomba, Mavukenaguzi gako gatondolilwe, ninga 6kuyomba, Uvuke na usimize? Alisi kigele mumaniche ati Mwana wa munhu ali na vukovozi kutondola mavukenaguzi mu liwelelo—haho alimuwila mulema, Uvuke na uvuche vulili wako na uje ku numba yako. 7Na wavukaga na wajaga ku numba yakwe. 8Alisi aho mbuto ya vanhu vagavonaga, vagengemalaga na vamukumukaja Mulungu, homwene wavapa vanhu vukovozi wa mutindo gwenugu.
9Na aho wafumaga henaho, wamuvonaga munhu alikala hʼihongo, lina lyakwe Mateo, na alimuwila, Undonde! Nawe wavukaga na wamulondaga. 10Na yakwilaga aho wikalaga hakulila mu numba, vizaga vʼihongo vingi na vakenaguzi na vikalaga hakulila hamohene na Yesu na vahemba vakwe, 11Na aho Vafarisayo vavavonaga, vavawilaga vahemba vakwe, Kungunoki muhembeki winwe alilya hamohene na 12vʼihongo na vakenaguzi? Alisi aho Yesu wayigagwa, wayombaga, Vapanga vakafundile mufumu, sumbwa vasatu. 13Alisi muje mukihembeke nguno ya muhayo gwenugu, Lusungu ndilufunda, ngʼo kitambo, kwisi nkizile kuvitana vagololoku, sumbwa vakenaguzi.
14Henaho vahemba vamwa Yohana vamwegelaga na valihaya, Kungunoki iswe tukufungaga na Vafarisayo, alisi vahemba vako vakafungaga. 15Yesu wavawilaga, Viye va mutozi valikovola kusaya aho mutozi atali aliho hamohene navo? Alisi nsiku zikwiza aho mutozi 16akwingiwa kuwavo, na haho valafunge. Kuduhu munhu alisumilizya chomolo cha mwenda mupya kwikama, kwisi cheniki chulitandula ikama, na idululu lyukula munogwene. 17Na vanhu vakavile kuditila mvinyo mpya mu mbogolo ndala, kwisi ulu validitila mwenumo mbogolo yutanduka na mvinyo yuseseka na mbogolo yukenaguka, sumbwa vakuditilaga mvinyo mu mbogolo mpya, na gose avili guwikala.
18Aho wavagi alivawila genaya munhu wʼisima wamwegelaga, wamukuvilaga, uhaya, Mwana wane mukima wafwaga hʼitungo lyenili, alisi wize umutulile 19kukono kwako, nawe akuzuvuka. Na Yesu wavukaga na wamulondaga hamohene na vahemba vakwe. 20Na mukima homwene wapululukilile myaka ikumi na ivili wamwegelaga ku mugongo na walikumaja ibomho lya mwenda; 21kwisi wayombaga mu moyo gwakwe, Ulu nagukumya mwenda gwakwe duhu nkupila. 22Alisi Yesu wikevelaga, wamuvonaga, uhaya, Mwanike, idibage, isanizyo lyako lyakupizaja. 23Na mukima wapilaga itungo lyenilo. Na aho Yesu wafikaga ha numba ya mwenuyo munhu wʼisima, na wavavonaga vafula minyonge na vanhu vingi valilila makungwi, wayombaga, 24Ingagiho, kwisi mwanike akafwile, sumbwa alalile tulo duhu; na vamusekelaga. 25Alisi aho vanhu vose vafumivagwa, wingilaga na wamudimaga kukono, na mwanike wavukaga. 26Na mhola yeniyi yakumukaga mu nsi yose.
27Na aho Yesu wafumagako na wajaga, vahofu vavili vamulondaga valihamuka, vuhaya, Utuvonele kisa mwana wamwa Davidi! 28Alisi aho wingilaga mu numba, vahofu vamwegelaga, na Yesu wavavuzaja, Mulisanizya ati ndikovola kwita yeniyi? 29Valimuwila, Ahene, Guku! Haho wagakumaja minso gavo, uhaya, Yimukwilile inwe hanuma na isanizyo linwe. 30Na minso gavo gatunulaga, na Yesu wavadakilaga, uhaya, Mwikomaje kuduhu umo amaniche. 31Alisi vafumaga na vamukumukaja mu nsi yose.
32Alisi aho avo vafumaga waletelagwa kameme, adimilwe na mugavo. 33Na aho mugavo gwafumaga, kameme wayombaga. Na vanhu vose vakumaja, vuhaya, Kusika lelo gukawinwe mutindo gwenugu mugati na Israeli. 34Alisi Vafarisayo vayombaga, Mu nguzu zya muhanya wa migavo aliyifumya migavo.
35Na Yesu wayumbaga mu makaya gose na mu tukaya na wahembekaga mu masinagogo gavo na watanizaja Mhola ya Chelu ya vutemi, na wapizaja mavulwile gose na mavulema gose. 36Alisi aho wagavonaga mavuto ga vanhu wavasayilaga, kwisi valavukile na valekanizivilwe kitisi ngʼholo zikavile na mudimi. 37Na haho alivawila vahemba vakwe, Wimbuzi vuli 38vuhanya, alisi vatumami vado. Kunguno yeniyi mumulombe Guku wa wimbuzi kuvatumizya vatumami mu wimbuzi wakwe.
Sélection en cours:
Mateo 9: Nym51
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Nyamwezi New Testament © Bible Society of Tanzania, 1951.
