Mateo 7
7
1Mukayangule ngʼo, kwigela ngʼo muyangulwe. Kwisi kitisi mulivayangula vangi, 2sisyo mukuyangulwa, na kipimo cheniki inwe mulivapimila vangi mukupimwa nacho. 3Kuki ulikikomya kapalala hokene kali mu linso lya muduguyo, alisi mugamba hogwene gulimo mu 4linso lyako ukaguwine? Ninga lumehoki ukumuwila muduguyo, Leka nakinje kapalala mu linso lyako, 5kasinaga mugamba gulimo mu linso lyako? Veve mugulumi, hambele ugwinje mugamba mu linso lyako, haho ukuvona sisoga kukinja kapalala mu linso lya muduguyo.
6Mukazipe ngʼo mbwa cheniki kili kisondo, ninga mukazitagilile ngʼo nguluve lulu zinwe, kwigela ngʼo zizipandagizye hansilili na magulu gazyo na zipiluke kumutandagula inwe.
7Mulombage na mukupiwa; mukovage na mukuvona; 8muluguzaje na mukulugulilwa, Kwisi homwene alilomba alipiwa; na mwenuyo alikova alivona; na mwenuyo aliluguzya akulugulilwa. 9Ninga munhu ki mugati ninwe, ulu mwana wakwe alimulomba mukate, nawe 10akumupa iwe? Ninga alimulomba nsomba, akumupa 11nzoka? Ulu haho inwe hovene muli vavi, mulimanicha kuvapa vana vinwe fipanwa fisoga, Vava winwe homwene ali mwilunde akukila mu kuvapa tusoga avo 12hovene valimulomba? Haho gose genaya inwe mulikova vanhu vamwitile inwe, inwe vene muvitile vangi, kwisi yeniyi yili ngʼhama na vafumbuzi.
13Mwingililage ha muvita mufindu; kwisi muvita mugalihu na nzila ngaligali yilifika ha vuzimile na vingi valingililaho. 14Na muvita guli mufindu na nzila yili mhine yilija ku vuzuvuku, na vado duhu valiyivona.
15Mwilindilage hambele na vafumbuzi va vulamba, hovene valiza mu myenda ya ngʼholo, kasinaga mugati vali mapuge madaki. 16Ha fisumo fyavo mukuvamanicha. Nani aliyava zabibu ku mingʼhwa ninga nkuyu 17ha mantalantu? Sisyo muti musoga gulifyambya fisumo fisoga, alisi muti muvi gulifyambya fisumo fivi. 18Muti musoga gukakovolile kufyambya fisumo fivi, 19ninga muti muvi kufyambya ngʼo fisumo fisoga. Kila muti hogwene gukafyambizye fisumo fisoga gubutwa na gutagilwa mu moto. 20Syenisyo mukuvamanicha ha fisumo fyavo. 21Ngʼo vose hovene valimbwila: Guku, Guku, vakwingila mu vutemi wʼilunde, sumbwa mwenuyo alita kikowa cha Vava wane wa mwilunde. Vingi 22vakumbwila ha lusiku lwenulo, Guku, Guku, tukafumbulile mu lina lyako, na tukayifumizye migavo mu lina lyako, na tukavezizye milimo mingi ya nguzu mu 23lina lyako? Na haho nkuvawila ha pe, Nkamumanikizye inwe ninga hado ngʼo. Ingagiho hawane inwe hovene mulita tuvi.
24Haho homwene aliyigwa mihayo yane yeniyi na aliyilonda, akumwikola munhu muveleganu, homwene 25wayizengaga numba yakwe hʼitale. Na mbula nhanya yatulaga na myongo yizaga na mamuyaga gapepelaga na gayitulaga numba yeniyo, alisi yikagwile, kwisi yazengilwe hʼitale. 26Na homwene aliyigwa mihayo yane yeniyi na akavile kuyilonda, akwikola munhu muhumbu, homwene wayizengaga numba yakwe hʼisenga. 27Na mbula nhanya yatulaga na myongo yizaga na mamuyaga gapepelaga na gayitulaga numba yeniyi, na yagwaga, na kugwa kwayo kwavagi kuhanya. 28Na yakwilaga aho Yesu wamalaga mihayo yeniyi, mavuto ga vanhu gakumaja kunguno ya vuhembeki wakwe. 29Kwisi wahembekaga kitisi umo ali na vukovozi, ngʼo kitisi vamanicha fitabu vavo.
Sélection en cours:
Mateo 7: Nym51
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Nyamwezi New Testament © Bible Society of Tanzania, 1951.
