Mateo 6
6
1Mwikomye, kuduhu muvezye milimo yinwe ya vugololoku hambele na vanhu, kigele muvonwe navo, kwisi ulu mulita syenisyo mukavile na vusyokeziwa hamwa Vava winwe homwene ali mwilunde. 2Ulu haho ulifumya kipanwa, ukafule ngʼo ipembe hambele naʼho, kitisi vagulumi valita mu masinagogo na mu mageta, kigele vakuziwe na vanhu; loleyene ndimuwila inwe, vamalile kupiwa vusyokeziwa wavo. 3Alisi ulu ulifumya kipanwa, kukono kwa lumoso kuleke kumanicha 4cheniki kwa mulila kulita, kigele kipanwa chako kive mu lwiviso, na Vava wako homwene alivona mu lwiviso akukusyokezya.
5Ulu ulilomba, uleke kuvi kitisi vagulumi, kwisi valitogwa kulomba vimile mu masinagogo na ha maka zya nzila, kigele vigele hambele na vanhu; loleyene ndimuwila inwe, vamalile kupiwa vusyokeziwa wavo. 6Alisi ulu veve ulilomba, wingile mu numba yako na ulugale muzigo gwako na umulombe Vava wako homwene ali mu lwiviso, na Vava wako homwene alivona mu lwiviso akukusyokezya. 7Alisi ulu mulilomba, muleke kuyombagila kitisi vapagani, kwisi valiganika ati vakudegelekwa kunguno ya mihayo yavo mingi. 8Muleke kuvikola venavo, kwisi Vava winwe alimanicha cheniki mulikifunda aho mutali kulomba. 9Haho mulombe giki:
Vava wiswe hoveve uli mwilunde.
Lina lyako lisondohiwe.
Vutemi wako wize.
10Kitisi veve watogwa, sisyo yikwile ku welelo, kitisi yakwila mwilunde.
11Kiliwa kiswe tulikifunda ha vupanga, utupage walelo.
12Na ututondolage iswe mamisango ga mavukenaguzi giswe, kitisi iswe twavatondolile venavo vatukenagulilaga.
13Na ukatufile ngʼo iswe kuhumbikwa na kavi.
Alisi utupizye mu kavi.
Kwisi vutemi vuli wako na nguzu na lukumo kusika hanahana.
14Kwisi ulu inwe mulivatondola vanhu mapuvyo gavo, Vava winwe homwene ali mwilunde akumutondola inwe savasava. 15Alisi ulu inwe mukavile kuvatondola vanhu mapuvyo gavo, Vava winwe kumutondola inwe ngʼo mapuvyo ginwe.
16Alisi ulu inwe mulifunga muleke kuyonzovala kitisi vagulumi, kwisi valisinihala vusyu wavo, kigele vavonwe na vanhu ati vafungile; loleyene ndimuwila 17inwe, vamalile kupiwa vusyokeziwa wavo. Alisi ulu ulifunga, wivile maguta ku mutwe na wilugute, kwigela 18ngʼo uvonwe na vanhu ati ufungile, sumbwa na Vava wako homwene ali mu lwiviso, na Vava wako homwene alivona mu lwiviso akukusyokezya.
19Mukisavile ngʼo nsavo zya liwelelo henaho mafufuzi na mavukeleve gakuzilyaga, na henaho vasambo vakusimbaga, vuwiva. 20Alisi mwisavilage nsavo kwilunde kwenuko mafufuzi ninga mavukeleve gakazilyaga, na 21kwenuko vasambo vakasimbaga na kwiva ngʼo. Kwisi kwenuko nsavo yako yiliko, kwenuko kwene moyo gwako gukuviko. 22Tala ya muvili yili linso, ulu linso lyako lili ipanga, sanga muvili gwako gose gukwela. 23Alisi ulu linso lyako lili ivozu, sanga muvili gwako gose gukuvi na giti; ulu haho lumole holwene lulimo 24muwako luli giti, ii, vuhanya wa giti iyo! Kuduhu munhu alikovola kuvatumamila vaguku vavili, kwisi akumugaya umo na akumutogwa ungi, ninga akudimana na umo na akumuvengelezya ungi. Mukakovolile kumutumamila Mulungu na Nsavo. 25Kunguno yeniyi ndimuwila inwe, muleke kwisusuma kunguno ya vupanga winwe ati, mukulyaki ninga mukunwaki, ninga ngʼo kunguno ya muvili gwinwe ati, mukuzwalaki. Kinahe, vupanga, vukakilile chakulya, 26na muvili gukakilile fizwalo? Mugikomaje manoni gʼilunde, kitisi gakavile kuviva, ninga ngʼo kwimbula, ninga ngʼo kupona mu nhungugu, alisi Vava winwe wa mwilunde aligalisya genaya. Kinahe, inwe mukavile 27na mupango kukila genaya? Nani mugati ninwe alikovola kwiyongezya ninga katungo kado ku myaka 28yakwe nulu alisusuma? Kungunoki mulisusuma kunguno ya fizwalo? Mugikomaje mavulavu ga mumigunda isi galikula, gakavile kutumama ninga ngʼo kuditya. 29Alisi ndimuwila inwe ati, ninga Salomo mu lukumo lwakwe lose akazwikilwe kitisi limo lya genayo. 30Alisi ulu Mulungu aligazwika sisyo maswa ga mumakela hogene galiho lelo na igolo galitagilwa ha kipembo, kinahe akuleka kumuzwika inwe munogwene, inwe 31vʼisanizyo ido? Muleke kwisusuma na kuyomba: 32tulyeki ninga tunweki ninga tuzwaleki? Kwisi genaya gose vapagani vakugakovaga, alisi Vava winwe wa mwilunde alimanicha ati muligafunda gose genaya. 33Alisi mukovage hambele vutemi wa Mulungu na vugololoku wakwe, na genaya gose gakongeziwa kuwinwe. 34Sisyo muleke kwisusuma kunguno yʼigolo, kwisi lusiku lwʼigolo lukuvi na myanya yalo. Kila lusiku luli na myanya ya kulukwilila.
Sélection en cours:
Mateo 6: Nym51
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Nyamwezi New Testament © Bible Society of Tanzania, 1951.
