Mateo 16

1Na Vafarisayo na Vasadukayo vamwegelaga, na kigele vamugeme, vakovaga avoleche mugaka kufuma kwilunde. 2Nawe witavukaga, uvawila, Ulu limi lili loka muliyomba; kulave kusoga, kwisi ilunde lyalalukaga. 3Na handiyu: walelo gukuvi muyaga muhanya, kwisi ilunde lyalalukaga na lilisyelemba. Mulimanicha kugelula vusyu wʼilunde, alisi malumeho ga matungo mukakovolile. 4Vuvyalwa vuvi na wa vusihya vulikova mugaka; alisi uvu kupiwa ngʼo mugaka, sumbwa mugaka gwamwa Yona. Na wavalekaga na wajaga.

5Na vahemba vafikaga kumwambu, alisi valavilaga kujana mikate. 6Na Yesu wavawilaga, Mwikomaje na mwilindilage hambele nʼitumbyo lya Vafarisayo na Vasadukayo. 7Na vavukizaja kwitozya hamohene, vuyomba, Kunguno tukizanile mikate. 8Alisi aho Yesu wamanikaja, wayombaga, Inwe vʼisanizyo ido, kuki muliwitozya hamohene kunguno mukavile na mikate? 9Mutali kumanicha, ninga mukayizukilile mikate itano ku vanhu fihumbi fitano, na matala ganga inwe mwasolelile? 10Ninga ngʼo mikate mpungati ku vanhu fihumbi finne, na matala ganga mwasolelile? 11Kunguno inwe mukamanikizye ati nkayombile ninwe kunguno ya mikate? Alisi mwikomaje hambele nʼitumbyo lya Vafarisayo na Vasadukayo. 12Haho vamanikaja kitisi akavawilile kwikomya kunguno ya itumbyo lya mikate, sumbwa kunguno ya vuhembeki wa Vafarisayo na Vasadukayo.

13Alisi Yesu wajaga kwigunguli lya Kesarea Filipi, na wavavuzaja vahemba vakwe, uhaya, Vanhu valiyomba 14Mwana wa Munhu ali nani? Na valihaya, Vamo valiyomba ati ali Yohana Moja, na vamo: Elia, na 15vangi: Yeremia, ninga umo wa vafumbuzi. Alivawila, 16Alisi inwe muliyomba nene ndi nani? Alisi Simoni Petro witavukaga, uhaya, Veve uli Kristo, Mwana wa Mulungu Muzuvuku. 17Na Yesu witavukaga, umuwila, Welukilwa Simoni mwana Yona, kwisi muvili na magazi gakakufumbulilile veve genaya, sumbwa Vava wa mwilunde. 18Hangi ndikuwila, Veve uli Petro, na hʼitale lyenili nkuyizenga Kanisa yane; na nguzu zya 19Hamizimu kukovola ngʼo kuyikinda. Nkukupa veve malufungulo ga vutemi wʼilunde, Na hochene ukutunga mu liwelelo, kikutungwa mwilunde; na hochene ukutungula mu liwelelo, kikutungulwa mwilunde. 20Haho wavalagilaga vahemba vakwe valeke kumuwila munhu ati ali Kristo.

21Kufuma itungo lyenilo Yesu wavukizaja kuvolecha vahemba vakwe ati, yilimudima kuja ku Yerusalema na kudukiwa kingi na vanamhala na vahozya vahanya na vamanicha fitabu, na kuvulagwa na kuhembuka ha lusiku lwa vudatu. 22Na Petro wamusolaga hamhelo na wavukizaja kumuhana, umuwila, Mulungu akulindile, genaya galeke kukukwilila Guku. 23Alisi alimwikevela na alimuwila Petro, Syokaga kunuma yane, Shetani, uli kuwane isiki lya kwikumpa; kwisi ukalomile genaya gamwa Mulungu, sumbwa genaya ga vanhu. 24Haho Yesu wavawilaga vahemba vakwe, Ulu umo alikova kundonda nene ikanye mwenekili na aguvagale musigiti gwakwe na andonde. 25Kwisi homwene alikova kuyipizya myuye yakwe akuyizimizya; na homwene akuyizimizya myuye yakwe kunguno yane akuyipizya. 26Kwisi yikumuvelelaki munhu ulu akuligada liwelelo lyose na kuyizimizya myuye yakwe? Ninga munhu akufumyaki kuyikomola myuye yakwe? 27Kwisi Mwana wa Munhu akwiza mu lukumo lwamwa Vava hamohene na vamalaika vakwe, na haho akumusyokezya kila umo hanuma na milimo yakwe. 28Yalole ndimuwila inwe ati, mugati na venavo vimile henaha vamo kululavuzya ngʼo lufu kusika vakumuvona Mwana wa Munhu izile muvutemi wakwe.

Sélection en cours:

Mateo 16: Nym51

Surbrillance

Copier