लूका 17

सावधान रौना

1पी ओनें अपने चेलें गी आखया, “ओई नेई सकदा के पाप करने दियां परिख्या तुसेंगी नेई औगन, पक्का औगन, पर बसोस ओस मानु उपर ए जेसदे कारन औन्दीयां न 2जेड़ा इनें नीक्कें बिचा कुसे एक गी ठोकर दिन्दा ऐ, ओस लेई ए पला ऐ के चक्की दा पटा ओदे गल्लें च लटकाया जा, ते ओ समुद्र च सुटया जा। 3सावधान रवो; जेकर तेरा प्रा पाप करै तां उसी चेडक, ते जेकर पछता तां उसी माफ़ कर। 4जेकर धयाडै भर च ओ सत बारी तुगी ठोकर दे ते सत बारी गै तेरे कोल पी आईयै आखे के, आऊँ पछाताना ऐं, तां उसी माफ़ कर।”

थुआड़ा विश्वास किनां बड़ा ऐ?

5पी प्रेरितें प्रभु गी आखया, साड़ा बश्वास बदा। 6प्रभु ने आखया, “जेकर तुसेंगी सरयें दे दाने दे बराबर बी बश्वास ओंदा, तां तोस एस शैतूत दे बूट्टे गी बोलदे के जड़ समेद उखड़ियै समुद्र च लगी जा, तां ओ थुआड़ी मनी लेनदा।”

पला सेवक

7“पर थुआड़े बिचा ऐसा कोन ऐ, जेसदा दास हल बांदा जां पिड्डां चारदा उवै, ते जेलै ओ खेतर चा अवै, ते उसी आखे, फोरन आईयै पोजन करन लेई बैठ?” 8के ओ उसी नेई आखघ, “मेरी रुट्टी त्यार कर, ते जे जेलै तकर आऊँ खां-पीयां ओलै तकर लक्क बनिए मेरी सेवा कर; एस दे बाद तू बी खाई पी लेयां?” 9के ओ ओस दास दा सान मनग के ओनें ओ गै कम्म कित्ते जिंदा उक्म दिता गेदा हा? 10इसै तरीके तोस बी, जेलै ओनें सारे कम्में गी करी चुको जिंदा उक्म तुसेंगी दिता गेदा हा, ते बोलो, “अस नकमें दास न; के जे असैं करना चाईदा हा उवै कित्ता ऐ।”

एक कोढ़ी दी शुक्रगुजारी

11ते ऐसा ओया के यीशु ते ओदे चेलें यरूशलेम जंदे सामरिया ते गलील जिले दे बिचें जा दे हे। 12ते कुसे घरां च पूजदे बेलै उसी दस कोढ़ी मिले। 13उनै दूर खडोईयै उच्ची बाज बेच आखया, “ए यीशु, ए गुरु, साड़े उपर दया कर!” 14ओनें उनेंगी दिखियै आखया, “जाओ, ते अपने आप गी याजकें गी दसो।” ते जंदे-जंदे गै ओ शोद्ध ओई गै। 15पी उन्दे बिचा एक ए दिखियै के आऊँ चंगा ओई गीया ऐं, उच्ची बाज कन्ने परमेसर दी मैमा करदा ओई चली गीया; 16ते यीशु दे पैरें उपर मुंह दे पार पेईयै ओसदा शुकर करन लगया; ते ओ सामरी हा। 17एस दे उपर यीशु ने आखया, “के दसे दे दस शोद्ध नेई ओए, तां पी ओ नौ कुत्थें न? 18के एस परदेसी गी छुड़ीयै ओर कोई नेई निकलया जेड़ा परमेसर दी सिफत करदा ऐ?” 19पी ओनें उसी आखया, “उठीयै चली जा; तेरे बश्वास ने तुगी चंगा कित्ता ऐ।”

परमेसर दे राज दा परकट ओना

20जेलै फरीसियें उसी पूछया के परमेसर दा राज कदुं औग? ते ओनें उनेंगी जबाब दिता, “परमेसर दा राज परकट रूप च नेई ओंदा। 21ते लोक ए नेई आखन के, दिख्खो, इत्त्थैं ऐ, जां उत्थें ऐ। किके दिख्खो, परमेसर दा राज थुआड़े बेच ऐ।” 22पी ओनें चेलें गी आखया, “ओ देन औने न, जिन्दे च तोस मनुक्ख दे पुत्तर दे धयाडें च एक देंन गी दिखना चागे, ते नेई दिखी सकगे। 23लोक तुसेंगी बोलगन, दिख्खो, उत्थें ऐ! जां दिख्खो, इत्त्थैं ऐ! लेकन तोस उनेंगी दिखियै उन्दे पिछें नेई चली जायो।” 24किके जियां बिजली अम्बर दे एक पासे थमां दुए पासेगी मेलकदीयै, इयां गै मनुक्ख दा पुत्तर बी अपने ओ देंन च परकट ओग। 25लेकन पैलैं जरुरी ऐ के ओ बड़ा कष्ट चेलग, ते एस योग दे लोक उसी तोच्छ समझन। 26जियां नूह दे धयाडें च ओया हा, उयांगै मनुक्ख दे पुत्तर दे धयाडें च बी ओग। 27जिनैं देंन तकर नूह चाज उपर नेई चढ़या, उनै देंन तकर लोक खन्दे-पिन्दे ते ऐश करदे रे हे, ते उन्दे च बियाह शादीयां ओदीयां हां। उसै बेलै जल-प्रलय ने आईयै ओनें सारें गी नाश कित्ता। 28ते जियां लूत दे धयाडें च ओया हा के लोक खन्दे-पिन्दे, लैंन-देन करदे, बूट्टे लांदे ते कर बनांदे हे; 29लेकन जिस देन लूत सदोम चा निकलया, उसै देन अग्ग ते गन्धक अम्बर बरें ते सारें गी नाश करी दिता। 30मनुक्ख दे पुत्तर दे परकट ओनें दे देन बी इयां गै ओग।

31“ओस देन जेड़ा छत उपर ओग ते ओस दियां चीजां कर च ओगन, ओ उनेंगी लेने लेई नेई उतरन; ते इयां गै जेड़ा खेतर च ओग ओ पिछें गी बापस नेई अवै। 32लूत दी करेआली दा चेता करो! 33जेड़ा कोई अपना प्राण बचाना चाग ओ उसी मुआग, ते जेड़ा कोई उसी मुआग ओ उसी बचाई लैग रखग। 34आऊँ तुसेंगी आखना ऐं, ओस रात दो मनुक्ख एक खट उपर ओगन; एक लेई लेता जाग ते दुआ छुड़ी दिता जाग। 35दो जनांनीयां चक्की च दाने पीयादियां ओगन, एक लेई लेती जाग ते दुई छुड़ी दिती जाग। 36दो जन खेतर च ओगन, एक लेई लेता जाग ते दुआ छुड़ी दिता जाग।” 37ए सुनीयै उनै उसी पूछया, “ए प्रभु ए कुत्थें ओग?” ओनें उनेंगी आखया, “जिथें लाश ओग, उत्थें गिदड किट्ठे ओगन।”

Sélection en cours:

लूका 17: DOG

Surbrillance

Copier