Joh Kimenyithania
Kimenyithania
Yûkû rîrî rîandîkîtwe nî Johana. Johana aarî ûmwe wa aritwa barîa îkûmi na baîrî ba Jesû Kristû. Johana arîtûmenyithia atî Jesû nîwe Rûteto rwa Mûrungu. Jesû nî eejîre aja nthîgûrû “araa muntû na aratûûra amwe naatuî” (1.14).
Mworoto jwa Yuku rîrî nî kûritana antû atî Jesû nîwe Mwonokia na nîwe Mûtaana wa Mûrungu nîkenda barîa bonthe bakamwîtîkia boona ûtûûro bwa kenya na kenya (20.31).
Johana akûthiria kwonania atî Jesû nîwe Rûteto rwa Mûrungu, nî aandîkîre mantû jegiî biama mwanya mwanya birîa Jesû aaringîre. Aandîkîte mantû jegiî biama biu nîkenda antû bamenya atî Jesû nîwe Mwonokia na Mûtaana wa Mûrungu, ûrîa Mûrungu eeranîrîte agaatûma nthîgûrû.
Nî aandîkîre ûrîa antû babaingî beetîkîrie Jesû na baraa athingati baawe. Ningî nî aandîkîre atî kûrî antû bangî baaregere gwîtîkia Jesû na bararega kwathîkîra ûritani bwaawe na mûthieene baramûûraga.
Kuuma gînchuchî kîa 13 mwanka kîa 17, nî aandîkîre ûrîa Jesû na aritwa baawe baagwatanîrîte mono; na mantû jarîa aabeerîre, nteto cia kûbaboreria na kûbeekîra inya mbere ya aambwa.
Ichunchî biu bingî, biugîîte ûrîa Jesû aagwatîrwe na ûrîa aagambithîrue na ûrîa aambîrwe na ûrîa aariûkîre na ûrîa aacionanîrie kîrî aritwa baawe.
Johana arîinyîîria mono mantû ja wonokio bwa kenya na kenya bûrîa buumanagia na Jesû Kristû. Wonokio bûu nî kîewa kîrî barîa beetîkagia Jesû, tawe njîra na ûûma na ûtûûro. Johana nî atumîrîte mantû jarîa antû bakûmenya nîkenda abaritana najo mantû ja kîroho. Nî agûtumîra rûûjî na mûgaate na weerû, na mûrîîthi na ng'ondu ciaawe, na mûzabibû na nzabibû, kûrîtana antû.
Mantû jarîa jarî ku
Kîmenyithania 1.1-18.
Johana Mûbatithania na aritwa ba mbere ba Jesû 1.19-51
Jesû kwaambîrîria gûtûmîîria 2.1—12.50
Ntukû cia mûthia cia Jesû arî akûî na Jerusalemu na arî Jerusalemu 13.1—19.42
Jesû kûriûka na gûcionania kîrî athingati baawe 20.1-31
Jesû gûcioonania kaîrî nthîgûrûûne ya Galili 21.1-25
Sélection en cours:
Joh Kimenyithania: KIMERUBIBLE
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
KIMERU BIBLE WITH DC
©Bible Society of Kenya, 2009, 218