Omochakano 10
10
Ororeeria rw’abana ba Nuhu
1Oro narwo ororeeria rw’abana ba Nuhu: Shemu, na Hamu, na Yafeti. Na aba batato bakaibora abana abamura magega y’etoigo eria.
2Abana ba Yafeti nabwo aba: Gomeri, na Magogu, na Madai, na Yavani, na Tubali, na Mesheki, na Tirasi. 3Na abana ba Gomeri nabwo aba: Asikenasi, na Rifati, na Togama. 4Na abana ba Yavani nabwo aba: Elisha, na Tarisisi, na Kitimu, na Rodani. 5Aba nabwo chisokoro chi’abaanto abwo bamenyete mbarabare ye nyancha na as’ebisinka. Barabwo nororeeria rwa Yebita abwo bamenyete kera oyomo ase egesaku kiaye, ne chingongo chiabo na kera oyomo ase omonwa oye areenge gokwana.
6Na abana ba Hamu nabwo aba: Kusi, na Misiri, na Putu, na Kaanani. 7Na abana ba Kusi nabwo aba: Seba, na Havila, na Sabuta, na Raama, na Sabiteka. Na abana ba Raama nabwo aba: Seba na Dedani. 8Kusi akaibora Nimurodi. Nimurodi akaba omonto bw’eritang’ani oyorenge nokobua ase ense. 9Ere nigo areenge omotwari omokong’u bwe ching’iti, ase obosio bw’ Omonene. Ase ayio, igo abanto banarete goteeba igoro y’omonto: “Igo anga buna Nimurodi, omotwari omokong’u bwe ching’iti, ase obosio bw’ Omonene.” 10Omochakano bw’obogaambi bwaye nigo bware Babiloni, na Ereku, na Akadi, (na Kaline); eyio yonsi nigo yaare ase ense ya Sinari. 11Akarwa ase ense eria, akagenda goika Asuri, akaagacha Ninawi, na Rehoboti‐Iri, na Kala, 12na Reseni, omochie omonene oyorenge egati ya Ninawi na Kala.
13Misiri neere esokoro ya Abaludi, na Abanami, na Abalehabi, na Abanafutu, 14na Abapaturusi, Abakasiluhi, (korwa ase bare nao Abafirisiti barwete), na Abakafitori.
15Kaanani akaibora Sidoni, omwana oye omotangi, na Heti, 16na Abayebusi, na Abaamori, na Abagirigasi, 17na Abahivi, na Abaarikiti, na Abasini, 18na Abaarivadi, na Abaseremari, na Abahamati. Erio magega y’ayio eamate ya Kaanani egesiarera. 19Orobebe rw’Abakaanani rogachaka korwa ase Sidoni, rokagenda enchera ya Gerari, rogaika Gasa, naende ase enchera ya Sodomu, na Gomora, na Adima, na Seboimu, rogaika Lasa. 20Aba nabwo abana ba Hamu, buna bareenge ase chiamate chiabo, na emenwa yabo, ne chinse chiabo, na ebisaku biabo.
21Shemu, oyorenge sokoro y’abana b’Eberi, naende oyio neere orenge omomura omonene omwabo Yafeti, akaiborerwa abana. 22Abana ba Shemu nabwo aba: Elamu, na Asuri, na Arifakisadi, na Ludi, na Aramu. 23Na abana ba Aramu nabwo aba: Usi, na Huli, na Geteri, na Masi. 24Arifakisadi akaibora Sela, na Sela akaibora Eberi. 25Eberi akaibora abana babere abamura. Omomura omotangi nigo aare korokwa Pelegi#10:25 Pelegi: engencho yaye: ogwatananekana (1 Amg 1:24-27), ekiagera ase amatuko aye nario ense yaatananegete, na oyomwabo nigo aare korokwa Yokitani. 26Yokitani akaibora Alimodadi, na Selefu, na Hasarmaweti, na Yera, 27na Hadoramu, na Usali, na Dikila, 28na Obali, na Abimaeli, na Seba, 29na Ofiri, na Havila, na Yobabu. Abwo bonsi nabwo abana ba Yokitani. 30Ensemo eria bamenyete nigo yachakerete Mesa gochia Sefari, ase ebitunwa bia moocha. 31Aba nabwo abana ba Shemu, buna baareenge ase chiamate chiabo, na emenwa yabo, ne chinse chiabo, na ebisaku biabo.
32Echio nachio chiamate chi’abana ba Nuhu, koreng’ana na ororeeria rwabo ase ebisaku biabo; na korwa ase bare ebisaku bigesiarera ase ense yonsi magega y’etoigo.
Sélection en cours:
Omochakano 10: EKGE
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
©Bible Society of Kenya, 2021
