Mwanzo 5
5
Ojama wa Adamu
1Eti warakha ya ojama wa Adamu.
Wakathi Nluku amumpiyeeyo pinaatamu, amumpiye khwa wumpo awe. 2Nlume na muukha ti ye awompiyeeyo, na khuwaaparikhiya. Khuwaatthaja nzina la “anaatamu”.
3Adamu afiiyeevo nyaakha miiya na talaathiini khumpattha mwaana wa wiiya nkhama ye na khwa wumpo awe khuntthaja nzina la Seethi. 4Paata yonvokola Seethi, Adamu khwiikhala theenya nyaakha miiya naane, khuwaapattha aana a waatta aalume na aakha. 5Adamu afwa arina nyaakha miiya tiisiya na talaathiini.
6Seethi afiiyeevo nyaakha miiya na mithaanu, khunvokola Enooshi. 7Paata yonvokola Enooshi, Seethi khwiikhala theenya nyaakha miiya naane na sapa khuwaapattha aana akina aalume na aakha. 8Seethi afwa arina nyaakha miiya tiisiya na khuumi na miwiri.
9Enooshi afiiyeevo nyaakha tiisiini, khunvokola Kenaani. 10Paata yonvokola Kenaani, Enooshi khwiikhala theenya nyaakha miiya naane na khuumi na mithaanu, khuwaapattha aana akina aalume na aakha. 11Enooshi afwa arina nyaakha miiya tiisiya na mithaanu.
12Kenaani afiiyeevo nyaakha saapiini, khunvokola Mahalaleeli. 13Paata yonvokola Mahalaleeli, Kenaani khwiikhala theenya nyaakha miiya naane na arupayiini, khuwaapattha aana akina aalume na aakha. 14Kenaani afwa arina nyaakha miiya tiisiya na khuumi.
15Mahalaleeli afiiyeevo nyaakha siithiini na mithaanu, khumpattha mwaana khuntthaja nzina la Yareeti. 16Paata yonvokola Yareeti, Mahalaleeli khwiikhala nyaakha miiya naane na talaathiini khuwaapattha aana akina aakha na aalume. 17Mahalaleeli afwa arina nyaakha miiya naane na tiisiini na mithaanu.
18Yareeti afiiyeevo nyaakha miiya na siithiini na miwiri, khumpattha mwaana khuntthaja nzina la Enookhi. 19Paata yonvokola Enookhi, Yareeti khwiikhala nyaakha miiya naane, khuwaapattha aana akina aalume na aakha. 20Yareeti afwa arina nyaakha miiya tiisiya na siithiini na miwiri.
21Enookhi afiiyeevo nyaakha siithiini na mithaanu, khumpattha mwaana khuntthaja nzina la Methuseela. 22Paata yonvokola Methuseela, Enookhi eettetta na Nluku nyaakha miiya ttatthu, khuwaapattha aana akina aalume na aakha. 23Ye eekhaliye nyaakha miiya ttatthu na siithiini na mithaanu. 24Enookhi eettetta na Nluku. Ye khwaashikha, maana eettiye ophaziwa ti Nluku.
25Methuseela afiiyeevo nyaakha miiya na thamaaniini na sapa, khunvokola Lameekhi. 26Paata yonvokola Lameekhi, Methuseela khwiikhala nyaakha miiya sapa na thamaaniini na miwiri, khuwaapattha aana akina aalume na aakha. 27Methuseela afwa arina nyaakha miiya tiisiya na siithiini na tiisiya.
28Lameekhi afiiyeevo nyaakha miiya na thamaaniini na miwiri khumpattha mwaana mmote. 29Mwaana otule mmote ampatthiyeeyo khuntthaja nzina la Nuuhi#5:29 Nzina ntthi la Nuuhi khwa luuka ya Meepereewu lalattanana na nttakhuzi liriina maana a rehema., ye khulupa yoori: “Khwa khaazi zoolwaaza ninkholaazo nilimaka tuniya eti elaniweeyo ti Nnyizinku, mwaana otu ti ye anttela wiitthaaza rooho zeetthu.” 30Paata yonvokola Nuuhi, Lameekhi khwiikhala theenya nyaakha miiya thaanu na tiisiini na mithaanu, khuwaapattha aana akina aalume na aakha. 31Lameekhi afwa arina nyaakha miiya sapa na saapiini na sapa.
32Nuuhi eekhaliye nyaakha miiya thaanu khuwaapattha aana aalume khuwaatthaja mazina: Sheemu, Haamu na Yafeeti.
Sélection en cours:
Mwanzo 5: eko
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© 2020, Wycliffe Bible Translators, Inc. All rights reserved.
